السن المناسب للزواج ...!!!!

سلمى · #1 11-05-2008, 02:16 AM

السلام عليكم ورحمة اللهـ وبركاتهـ

اشحالكم ؟؟ ان شاء الله الكل بخير وصحهـ

ماعرف شلون ابدا الموضوع

بس بغيت اعرف كل عضو شو السن المناسب للزواج من وجهة نظرهـ وليش ؟؟

بالنسبهـ لي السن المناسب للبنت فوق العشرين لانه قبل العشرين ماتكون واعيهـ كفايهـ

يعني ماتعرف للحياهـ الزوجيهـ وايد بنات تعرس بس لانها تبا تودر بيت اهلها او يمكن تكون انجبرت ع العرس

لان الي خاطبها واحد من اهلها وبعــد وايد عوايل يعرسون بناتهم مبجر اعرف بنات يوم يعرسون كانو ف اول ثانوي

وهالشي سبب لهم مشاكل وايد ..

صح ان الحياه الحين اسهل بوايد من قبل بالنسبهـ للمسؤوليهـ شي بنات من اول ماتعرس يكون عندها

بشكاره تخدمها خصوصاً اذا كانت تدرس بس بعد كونها مسؤولهـ عن ريال هالشي ابد مب هين

هي عليها واجبات ملزومهـ فيها غير انها مسؤولهـ عن تكوين أسره وهالشي محد يقدر يقوم فيهـ غيرها

وايد بنات مب فاهمات شو يعني زواج ومع ذالك تقدم على هالخطوهـ بدون ماتحسب للمستقبل حساب

اتريا ردودكم وأرائكم / ســـلمى __DEFINE_LIKE_SHARE__

~~Pink-Heart~~ · 11-05-2008, 09:28 AM

و الله ان اشوف السن المناسب للبت للزواج هو من 20 لين 25
احس في هالفتره البنت تكون واعيه اكثر و فاهمه للحياه اكثر __DEFINE_LIKE_SHARE__

مغازلجي مسجون · 11-05-2008, 11:31 AM

[align=center]وعليكم السلاااااااام والرحمه

في زمننا هذا بالتحديد ابتعد فيه الجنسين عن الزواج .. وتمسكوا بالعلاقات المحرمه ..

أنا بنسبه لي ما أشوف إنا لزواج سن محدد

سواء للجنسين ..

نفرض مثلاً .. البنت لو تقدم لها من أكبر عنها سناً سواء أكبر عنها

بخمس أو عشر أو عشرين سنه أو أكبر عنها بـ 30 سنه مب عذر إنها ترفض

ليش ماترفضه أنا بقول السبب ؟؟

الرسول عليه الصلاة والسلام تزوج من خديجه رضي الله عنها وهي عمرها 40 سنة

والرسول عليه الصلاة والسلام كان عمره 25 سنه ( الكبر لا يضر )

يعني هيه أكبر عنه 15 سنه

من كلامي وضحت نقاط عديده

أول شيء الزواج ماله عمر محدد ..

ثاني شيء مافي أي عيب أو اعتراض إذا كانوا مختلفين بالأعمار سواء أكبر أو أصغر عنها ( للجنسين طبعاً )

بس المشكله إلي ينظر لها الجميع

من ناحيه الأعمار .. الكل يقول ويدعي

مابكون في توافق عمري وفكري وثقافي واجتماعي ووو .........ألخ

بس هذا كله من رأيي الشخصي غلط ولا يجوز >> اسكت يالس تفتي على كيفك

على البنت أو المرأة بالأصح من يتقدم لها أن لاتنظر لزوج من ناحيه العمر

تركز على ماهو أهم

وهو أن يكون زوج صالح ومناسب ووو........ألخ

إذا كان الزوج ذو سمعه طيبه وأخلاق عاليه ينبغي على المرأة أن توافق عليه

ولو كان أكبر عنها بسنين كثيره ( والعكس صحيح بنسبه للمرأة )

إنا اختلاف السن أو العمر ليس عذراً مدام الزوج صالح والزوجه صالحه

أصلح الله حال الجميع والله خير الحافظين ..

نصيحه مني ..

على الجميع أن يبادر ويسارع بزواج لقول النبي عليه الصلاة والسلام

( يامعشر الشباب من استطاع منكم الباءة فاليتزوج فإنه أغض للبصر وأحصن للفرج

ومن لم يستطع فعليه بالصوم فإنه له وجاء )

وقوله عليه الصلاة و السلام ( إذا خطب إليكم من ترضون دينه وخلقه فزوجوه إلا تفعلوا

تكن فتنة في الأرض وفساد كبير )

في سالفه واقعيه صارت من كم يوم تقدم شاب لخطبه

والشاب ذو سمعه طيبه بس تم الرفض لإنه لايملك جنسيه الامارات

وهو من دول مجلس التعاون والبنت إماراتيه

والبنت تقدم لها حتى الآن 4 خطاطبين وكلهم راحوا باب الرفض

ولإسباب غير مقنعه

بها الشيء زادت نسبه العنوسه

أمكن يؤدي إلى فساد كبير وعواقب وخيمه

وأخيراً

وفق الله المسلمين جميعاً لما فيه صلاح أمر دينهم ودنياهم إنه سميع قريب

تقبلوواا ردي البسيط والمتواضع

أخوكم بوناصر [/align] __DEFINE_LIKE_SHARE__

القمرهـ · 11-06-2008, 12:02 AM

السلاااااااااام عليكمـــــ

شحالج سلااااااامتيــ^^
بشرريني عنج؟؟؟

انا ف نظري ان السن المنااااااااسب هو مادوون الـ 20
وويفضل بعد انها اذا كانت البنت تدرس تكمل دراستها وعقب تعررس

مافي ريال بيتحمل حرمهـ نص يومها في الجامعه
ونصهـ رقاااااد ووتحضييييير
وجان يابت يااهل على منو بتعقه؟؟

على امها او البشكااااااارهـ /صح ولالا
وها الريااااااال ووين ووجوده من الاعراااااااب؟؟
متزوج ولاكأنه متزوووووووووج

يعني ماااااشي حرمه تقول لي تقدر تووفق بين اثنيين
واللي تقدر يبووها لي اواجهها

وفووق كل ها
البناااااااات الليـ اعمارهن من تحتـ الـ 20
يتحرن العرس كشخه وخقهـ ومادل شووووهـ،
مايعرفووووون با المسؤليه والحمل

بس ها الحيين شي بنات يرفضوووون
لان البنت تعرف ان هي هب قد المسؤووليهـ

سلمتي سلامتيـ ع الموضووع الغاوووووووووي
هذا اللي عودتيينا عليهـ ابداع في ابدااااااع
عساج ع القوهـ

تقبلي مرووري
السموحه ع القصوور

اختج وبنت عموتج/قموورهـ آآل محروم __DEFINE_LIKE_SHARE__

ام منصور · 11-06-2008, 10:22 AM

السلام عليكم ورحمه الله وبركاته

شحالج ختيه سلمى عساج بخير ،، ^_*

العمر مثل ما قال اخويه مغازلجي مب شرط انه يتحدد

لانه فيه ماشاء الله شباب وبنات متفتحين وفاهمين وااايد اشياء

عن الزواج ( ف الاحسن انهم يزوجونهم ) واحيانا اعمارهم

18 او 19 سنه @@ يعني اقل من 20 سنه

قبل الشياب بعد ما يكملون عيالهم ف الشغل 5 او اقل بشوي

يعرضون الزوج عليهم عكس الحين من يمسكون الشغل حتى

لو ما خلصوا مرحله الثانويه لشباب يطلبون بالعرس @@

بالنسبه للبنت ،،

من اييها المعرس الزين وهي تبا لووول امره يوزونها

بس الافضل بعد ما تخلص من الدراسه لانه راي من راي ختيه قمره

واذا هي تدرس ما عليه يترياها كم سنه ههه لين ما يعقل وهي

وتعقل وتكبر لوول

يعني ماااااشي حرمه تقول لي تقدر تووفق بين اثنيين
واللي تقدر يبووها لي اواجهها

يس يس نص ربايعي طبن الجامعه

خويتج الغزال الدماني سابقا __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضع العضو المناسب في المكان المناسب ..	محروم.كوم	منتدى أخبار المواقع والمنتديات العربية والأجنبية	0	06-24-2010 07:30 PM
الزوج المناسب في السن المناسب بالنسبة ل حواء	محروم.كوم	منتدى أخبار المواقع والمنتديات العربية والأجنبية	0	05-05-2010 03:10 PM
بوستر : الرجل المناسب في المكان المناسب (يوضح مدى مناسبة هذا الوزير لم	محروم.كوم	منتدى أخبار المواقع والمنتديات العربية والأجنبية	0	01-06-2010 08:40 AM
اسباب رفض البنات للزواج	محروم.كوم	منتدى أخبار المواقع والمنتديات العربية والأجنبية	0	10-16-2009 05:40 AM
شاهت طفلين صغيرين في السن ....تساويا في السن ولكن ماذا(حادثة عجيبة)!!	غرنوجة	قصص و روايات	2	05-15-2008 01:36 PM