اول قصيده تنشر لي في جريدة هماليل

♥ شفافة القصيد ღ♥ · #1 07-30-2010, 01:15 PM

(صفحة وصاتي)

عشقتــك يا هــواء بالــي وحياتـي .. وعشقـت القلـب ليه ينبض بحبـــك ..

عشقتـك وأنت تــدري يـا غناتــــي .. فـــي قلــبٍ عايــشٍ يحلـم بقربــك ..

ألا يـا ساكـــن ٍ روحــــي وذاتــــــي .. كثــر الشـــوق أشقانـــي بدربـــك ..

ولا ظنيــــت تسعـى في شقاتـــي.. بعد ما شفت منــّك طيـــب قلبــــك..

تصـــــور يـــوم أعيـــد الذكرياتـي.. زمـــانٍ كنــت تحلــف لــي بربـك ..

تقـــول أنـك لجلـــي كــم تحاتــــي .. ولا فـــي يــوم قلبــــي بيغْدربـــــك ..

لكــن الوقــت لـي قضّــى وفاتـــي .. كشـف لي الصدق في زيفك وكذبك ..

فمــــان الله روّح مــن حياتـــــــــي .. تــــرى عافتــك نفسـي..ما أحبــك ..

شفافة القصيد
__DEFINE_LIKE_SHARE__

ઇ النورس ઇ · 07-30-2010, 01:43 PM

السلام عليكم ورحمة الله وبركاته

اختي الفاضله شفافة القصيد

قصيده في منتهى الجمال الصراحه

وأسعدني حضورج وتواجدج يا ختيه

أشهد انج نورتي استراحة الشعر ^ـ^

قصيده موزونه .. و معانيها في غاية الروعه

فمــــان الله روّح مــن حياتـــــــــي .. تــــرى عافتــك نفسـي..ما أحبــك ..

ولا هنتي يا ختيه

صح لسانج واعتلا شانح

تسلمين على هالقصيده الغاويه ^ـ^

أبدعتي فيها وما عليج زود

ارقب حضورج ومشاركاتج ويانا شفافة القصيد

وأنتظر بفارغ الصبر قصايدج القادمه

وتستاهلين التقييم

تقبلي مروري

النورس __DEFINE_LIKE_SHARE__

الرهيب القطراوي · 07-30-2010, 10:05 PM

يسلمو يا اختييي وشاعرتنا
شفافة القصيد

كلمات روعه صح لسان القائل
وسلمت ايادي الناقل
وننتظر المزيد
وتستحقين التقيييم على روعة القصيده
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان القطري &

__DEFINE_LIKE_SHARE__