][ وذكـرت نـآسٍ بيننـآ رآحو آموات ..من بعدهـمـّ زادت حيــآتي مرارهـ ][

دبر عمرك · #1 11-02-2008, 11:33 AM

[align=center]السلام عليكم ورحمــة الله وبركاته

لا ضاق صدري تالي الليـل بالـذات
وزادت هموم القلـب حـزن وحـراره

في لحظةٍ وحـدي وفكـرت بسكـات
والحزن يرسـم فـي خيالـي مسـاره

أبحرت في فكري أصـوغ العبـارات
وقمـت آتخيـر للعـبـاره عـبـاره

وذكرت ناس ٍ بيننـا راحـوا أمـوات

مـن بعدهـم زادت حياتـي مـراره

كانـوا حزامـي فالليـال العصيبـات
وقفاتهـم عنـد الشـدايـد شـطـاره

من روحوا راحـت جميـع المسـرات
كـم وقفـةٍ منهـم تجيـب البـشـاره

طاريهـم فبالـي أخـذ لـه سنـوات
ياكيف بأنسـى لـو فـوادي حجـاره

ويزيـد هالقلـب المعـنـا معـانـات
جحدة خوي ٍ حـي ترجـي إنتصـاره

وعجزت ألاقـي للمصايـب نهايـات
وركب الفـرح عـدا وعـدا قطـاره

أصبح على هم ٍ وأمسّـي كمـا فـات
وإلا النكـد خلـى فـوادي وجــاره

وإن كان خف الحزن في بعض الأوقات
أبيـت ودموعـي تـهـل بـغـزاره

وأحـاول اخفـف همومـي بالأبيـات
وأثري اهدم اللـي بقـى مـن دمـاره

وقلت آتسلـى وأتـرك اليـوم مافـات
وفكرت فـي مشـروع يبغـى مهـاره

وعرضت قلبي في مجـال العقـارات
وقسمتـه لفلـه وقـصـر وعـمـاره

وقسمت كـل النـاس عـدة مقامـات
كلـن لـقـى قــدره بقلـبـي وداره

بعض البشر لامن فقدتـه لـك آهـات
وبعض البشر لامـن كسبتـه خسـاره

وبعض البشر تتعب تعيـد الإشـارات
وبعض البشـر تكفيـه منـي اشـاره

نـاس لهـا مبـدا طبايـع وعـادات
ويكسيـه مـع خلـق رفيـع وقـاره

وطال إنتظاري ثم خفضت الأجـارات
ادوّر السـاكـن وطــال إنتـظـاره

ولا جا لقلبـي غيـر كـل المطمـات
الحـزن والضيـة وهـمـي ونــاره

ماهمني من يسكنه عقـب مـا مـات
صويحبـي راع الـوفـا والشـطـاره

وببيـع قلبـي وأعرضـه بالعقـارات
ويا شـاري قليبـي لقيـت الخسـاره[/align] __DEFINE_LIKE_SHARE__

الـدانـة · 11-02-2008, 01:23 PM

وعليكم السلام والرحمة

بعض البشر لامن فقدتـه لـك آهـات

وبعض البشر لامـن كسبتـه خسـاره

وبعض البشر تتعب تعيـد الإشـارات
وبعض البشـر تكفيـه منـي اشـاره

تسلم اخوي ع القصيدة الرائعة .. والكلمات الأروع

وصح لسان الشاعر

والله يعطيك العافية ع الطرح

ولا تحرمنا من يديدك __DEFINE_LIKE_SHARE__

♕ وليد الجسمي ♕ · 11-03-2008, 02:55 PM

صح لساانـــج

وما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع القصيده الغاااااوي وصح السانج الشااعر

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

دبر عمرك · 11-05-2008, 05:31 AM

يامرحبا

ربي يسلمكم من كل شــر، وشاكر لكم تواصلكم

لا خلا ولا عدم __DEFINE_LIKE_SHARE__

ماتـهـاب · 11-05-2008, 11:46 AM

صح لسانك أخوي ولسان شاعرها

ويعطيك ربي الصحه والعافيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصاحب ساحب . . . !	ولـد الـمـرفـأ	رياضة محلية و عالمية	2	04-08-2010 02:02 PM
الى كل صاحب اخوه الى صاحب ضمير مسلم ان يدخل والاجر لله	محروم.كوم	منتدى أخبار المواقع والمنتديات العربية والأجنبية	0	08-02-2009 02:40 PM
[ عرض اعلان ] : احذر من صاحب هالعضوية : عبدالله الجابرى ومن صاحب شركة سوبر	محروم.كوم	منتدى أخبار المواقع والمنتديات العربية والأجنبية	0	05-30-2009 04:10 PM
كل واحد يقول رأيو ايش احسن جزء عندو في لعبة تومب رايدر	محروم.كوم	منتدى أخبار المواقع والمنتديات العربية والأجنبية	0	04-17-2009 10:40 PM
الى الاخ صاحب	محروم.كوم	منتدى أخبار المواقع والمنتديات العربية والأجنبية	0	04-14-2009 01:00 AM