بالنسبه لركادت الطير كل الصقاقير تبى طيرها راكد على التكيه وهى من الصفات او الطباع الطيبه فى الطير والركاده مع الطلع ثلاث اربع المقناص اذا ماهو كله بعد توفيق الله سبحانه اذكر لكم واحد من خوينا كان وين مايطقها عوجاء كان الرجال يهتم بالجناح اهم شى طير سبوق ولا يهمه الطير الراكد ابد يعنى يجنى الطير الصلف والسبوق يمر عليه الموسم مثل مابتدى نادر مايصيد خوينا هداه الله وغير نظرته وبدل طيره بطير راكد ولا يرغب الحمام بس ريشته طيبه المهم العام ر صيده خمس حبارى اغلبهن طلع وضربت هالمثل لميزت الطير الراكدعلى التكايه مع الطلع طبعا ومن اهم تركيد الطير نقله على اليد لاطول فتره ممكنه فى اليوم فيه بعض الصقاقير وهو ياكل غداه او عشاه يكون طيره على يده ناقله ولا تمل من النقل كانوا فى الماضى يتداورون نقل الطير هذا ينام وهذا يقعد يساهره وهو ناقله لفتره تتراوح15 يوم الى الشهر اما الان يمكن اسبوع ويهده شغل على السريع المهم ثانى شى تكون التكايه موضوعه وضع صحيح يعنى ماتتحرك مثبته تثبيت ممتاز ثالث شى تجنب هد الطير على الحمام من السياره اذا كنت تبى تهد طيرك على حمام طلعه من السياره وهد يعنى ابتعد عن هده من التكايه وطلعه من نافذت السياره نهائيا رابعا عدم ترك الطير يطرد السياره هذه الطريقه حتى الطير الراكد يتغير طبعه ويبغى كل فتره يكفخ ليطلع من السياره على شان يحصل علف خمسا فيه ناس تحوم الطير لفتره بسيطه وهذا يجعل الطير حتى فى برقعه يكفخ اذا حس بشى من الحر وامل انى افدتكم وفى الاخير لكل قاعده شواذ ولكم تحياتى اذا اصبت فذالك بتوفيق من الله واذا اخطات فمن نفسى والشيطان
__DEFINE_LIKE_SHARE__
|