. . . |[ ترٍى صعبَه علىْ مثلك ، يفكرٍ انّه ينهينيْ ! - الصفحة 3

Aljohara · #1 07-26-2010, 05:34 PM

قبل أمشي تسمحلي .. اقولك كلمتين قلال !
تسمعني ، تطنشني ، ترى ماعاد يعنيني . .
تحملت من الكلام ، اكثر من ان يتحمله جبال = (
حطبتلك من ضلوع صدري ، نار تشبها فيني ،
ابد ماهقيت إنك لجرحي كنت حيل تختال !
تنومس به وتضحك ، وبجمرك دوم تبكيني ،
حشى ماكان حبك لي ، سوى حب(ن) يسمى هبال . .
تزعلني ، تضايقني . . ولا فكرت ترضيني ،
حتى لو الخطا منك تقول القلب عليك شال ’

وانا ماغير اتمتم لك ( ياقلبي متى تعفيني ) !
ولكن يالغلا اسمع ، وأبد ماخاب من هو قال !
جرح البنات اكبر من كلام(ن) ينفجر فيني . .
ترى لو تبي ألبس لعينك يالحبيب عقال ،
واميله ع اليمين لجل تعرف وش يعنّيني !
تربيت على العزه ، وحصدت أخلاق رجال . .
ما أخلف / ما أخون . . والمعاصي حدر رجليني ،
ملكت من الحسن ديره ، وكنت لأوله مرسال ’
خجل / طيب / وعفو . . خذيته من ورى سنيني ،
كسبت من سما العنوز ، كِبَرْ * وشموخ إجلال ،
وهامتي ماتنحني ، الين الأرض تحويني . .
تبي من الآخر أقولك وش بقى أقوال ؟!
( ترى صعبه على مثلك ، يفكر انه ينهيني ) !

* الكبرٍ لله وٍحده ،

السلآم عليكم وٍرحمة الله وبرٍكآته ،
مسسآكم عذب كعذوٍبة قلوٍبكم ..

قبل فترٍه وٍعدت بآنها تنزل قرٍيب وٍكتبت البدآيه هنــآآ ..
وٍمآنزلت الا اليوٍم ، الظروٍف أقوٍى :$
يهمني رٍآيكم ..

__DEFINE_LIKE_SHARE__