(( قصة الفارس : نومان الحسيني ))

محروم.كوم · #1 07-25-2010, 06:20 AM

الســلام عليكــم ورحمــة الله

قصــة نومان الحسيني مع إبن عريعر إتمنى مايكون أحد سبقني لعرضها حتى ما أكون مطفوقه .. لأن والله بحثت عنها في المنتدى وماحصلتها ,,,,

نبدأ بإسم الله :

نومان الحسيني فارس اشتهر بالشجاعه والوسامه
وهو من قبيلة الظفير الشماليه ولكن بما ان حياته مع إبن عريعر من شيوخ بني خالد
فكانت لهجته قد تكون جنوبيه نوعا ما حتى ان راضي بن جدي وصفه باحد المعارك ( بالجنوبي )

اصبح نومان من رجال بن عريعر . اعطاه بن عريعر فرس ورمح
فكان قديما عند اهل الباديه "يزبرقون" الرمح ويسمونوه المشنشل
ومن اكثر مايحطون عليه ريش النعام . وكان يوجد هناك اناس متخصصين لفعل هالشي
اللي هو حبك الريش على الرمح واغلب ماتسويه النساء..
المهم ان نومان سأل بعض شباب الخوالد قال تعرفون مره تحط الريش على الرمح
قالو: راعية اكالبيت
راح يمه وصوت لراعية البيت وطلعت اكالبنت قالت وش عندك يارجل
قال نومان سمعت انكم تحطون الريش على الرمح قالت : بس بشرط . قال : شرطك !!
قالت البنت : شرطي انك "تخضب" الريش بالدم ( يعني: تصبغه )
قال نومان : انا ماحطيت الريش الا لهالشي ..

المهم حصلت لعريعر معركه مع شمر .. وكان من ضمن فرسان شمر ( راضي بن جدي )
وأثناء المعركه تطاردو (نومان الحسيني ) و(راضي بن جدي ) وانعزلوا عن الفرسان
مضى وقتهم ماواحد قدر على واحد
اصبحو متكافئين ,, وكان سبب مطاردهم (ذود من الإبل )
والكل منهم عيا لايعطي الثاني ,, قال راضي : عندي الحل ,,
إلا بجنبهم جبل يسمى : الابرق
حاصر راضي الابل على الجبل وهن ينقسمن
قال راضي : "قسمهن ابرقهن يالجنوبي تخيّر"

المهم تعاهدو راضي ونومان ماواحد يغزي على الثاني "

يوم رجعو لبيت بن عريعر اعجب بن عريعر بشجاعة نومان ,, وكان نومان الحسيني غائب عن المجلس
قالوا الحاظرين ( كانوا حساد لنومان ):ياطويل العمر نومان ماهو شجاع
مار هذي فرسه "حشور" بمعنى انه هي اللي ترمي به على الفرسان ( وماهي شجاعه فيه )
رجع نومان للمجلس وعلمه ابن عريعر بكلام الجالسين .. ساعتها قال نومان هالأبيات :

قالوا حشور وقلت سوو سواتي
ارخو لهن ياكاربين المصاريـع
قلايعي عشر وهـن مقفياتـي
"بالنافعي" قطعت روس المداريع
اليا رضى مضنون عيني شفاتي
نازوع للذلان ضرابـة الريـع

**النافعي اللي هو : سيفه

المهم قرر إبن عريعر انه يغزي شمر
يوم دري نومان حاول انه يرفض وقال ياطويل العمر انا وراضي بيننا عهد ولا اقدر ابوق
قال بن عريعر ان الله اشاء الا اغزي شمر

وكان حجة بن عريعر ان (لينه) من املاكه ويريد استعادته من شمر ( تقع لينه في شمال المملكه )

المهم مشو على شمر ويوم جو قبل لينه بالليل هم ينامون
والوعد على انهم الصبح يصبحون شمر
اما نومان ماقدر ينام فمن ضمن ماقال:

ياسابقـي ليلـة قربنـا للينـه
ياواهجٍ بالصدر لو عنه تدريـن
لو حط لك ذوب العسل ماتبينـه
حيثك على حوض المنايا بتردين
يسهج قطاتك كل شلفـا سنينـه
عساك منها ياجـوادي تعتقيـن
حمرا لنومان الحسينـي ضنينـه
تسوى مطارد تالي النوم بالعيـن
وانا عليها دون ربعـي رهينـه
انطح شبا المقبل وافك المخليـن
لعيون من يزهى وشامه جبينـه
"اللي هرج لي ليلة الغزو ماشين"

فصبحو شمر بالصباح ,, وصارت معركة لينه "اللي انهزم به بن عريعر "
وقتل به نومان الحسيني ,, قتل على يد : راضي بن جدي

وسلامتكم
ومن له إضــافه على القصه حيــاه الله
__DEFINE_LIKE_SHARE__