معاناة لذيذة وممتعةفي بحثي المضني عن فحل لنويقاتي الملاوين اللي كل وحدة من ديرة تجشمها محدثكم . ولكن معهذه الرحلة لفت نظري عدة اشياء جديرة بالاهتمام:أننا كمجتمع مغرمون بصنع العوائق وبعدها نندب حظنا العاثر .أننا كمجتمع نجد صعوبة في تداول المعلومة مغرمون بالتكتم الشديد كبرستيج هلامي نهتم به بلا حاجة ولا مصلحة .رجيت الصومالي عندي لحست مخه كل يوم جايب له صورة فحل هاه شرايك شي يمدحه وشي يذمه لكن مع مقارنة كلامه مع كلام من أستشيره استشفيت خبرة رائعة عنده وهذا بيني وبينكم لا يدري ويتكبر علي ..المهم كلنا كمجتمع نندب حظ أجيالنا الحاضرة المبتدئة في عدم الخبرة والدراية ولا مبالاتهم بمآثر الاباء والاجداد وننسى أننا مقصرون كثيرا في إحتوائهم وتبصيرهم .مالكم بأطوالها :كلما لقيت فحل وسألت عن سعره طيروه خاصة السعوديين بالعلالي اللي بثلاثين واللي بعشرين واللي بخمسة عشر الف والزول يتصل علي يقول لي يامحمد شف الجمل في الدينا بستة الاف ريال ارد يا زول دركه خذ سبعة يرد علي يا أخي والله صيدة كان في الشبك عليه ثلاثين اهاااا واللي شراه قال سودانيين قلت له يا اخي انا جاي الحلقة قال لي الزول اول ما يشوفونك يرفعون السعرعليك ويطيرونه للسما ..رحت الحراج لقيته سودانيين ويمنه ورشايدة هاه كم الفحول اللي حد بخمسة وعشرين واللي بعشرين واللي مسيوم بثمانطعش ولا باع ومدري متى يبيع ..يعني بالله كل الفحول بالسعودية مزاين بعضها خشته كانها صندقة وبطنه زي بطن اللقحة واللي يعرج واللي يهزطيب ندور عارية يقول لك جيب الناقة الساعة وحدة ظهر طيب اجيبها المغرب استر لي ولك لا العامل مو فاضي وحنا عندنا ضراب اجل حتى ناقتي مسوية اضراب ,المهم اليوم أكدت لشراء فحل من عند واحد شرواكم والباين انه رجل اجودي عطاني كلمة بعد رضي سومتي وادعولي بالتوفيق نياقي تعبت وانا تعبت من سوق لسوق ومن مراح لمراحالله يكتب ما فيه الخير
__DEFINE_LIKE_SHARE__
|