@@@ قصه ابو نايف واخوياه في اول المقانيص (حقيقيه )6 @@@@@@@

محروم.كوم · #1 07-22-2010, 06:00 PM

<div><div align="center">السلام عليكم ورحمة الله وبركاته
وش رايكم نبلش بالقصه دغري (واحد خواله سوريين)هههههه
كان ياما كان في قديم الزمان...في سنه من السنين معاد نعرف التاريخ قنصنا مقناص عليميه للحباري ..ياحلو ها لطاري في اطراف الربع الخالي على سيارتين وعددنا
خمـسـه ؟ ؟؟ مشينا عصر الثلاثاء وامرحنا حول المقناص وصباح الاربعاء قنصنا الى الظهر وقيلنا والعصر دوجنا في محل حرررررروه ولاكن ماكتب الله شي وجا وقت
المعشا ونوقف في هالطعس النظيف ,,,,والنشاما يدهرون الي ينزل العزبه... والي يجمع حطب ...والي يتحالفون على الطبخ ... كلكم مارين على هالطريقه ,, وشوي وإلا واحد
من الربع يبشرنا بجرتها ونجي كلنا نكحل عيوننا بجرتها الي طيرت التعب والعوماس وفي طعس كأنها هالحين ’’ ونرجع ونصلي المغرب وانا وواحد معي ما قدرنا نصبر
اخذنا كشاف وقصيناها اكثر من كيلو ولقيناها طايره البارح ؟؟ وامرحنا وقبل الفجر والذيابه شابين النار:f وهاذ يصلح القهوه والشاهي وذاك يصلح الحليب والثاني يعجن القرص
وبعد الصلاه نتقهوا ونضف مواعينا وراكبين بس نتحرا يطلع السفر ... ويوم صرنا نشوف ونحرك على وجهت مطيرها ونقطع لها شوي ونحصل اثر لها قديم ونتعدا طعوس قدامنا
والا خويانا يبشروننا بجرت خويتنا ولاكن امس وناخذ معها شوي ونلقا جرة حفان وقديمه وتكثر علينا الجرر وصرنا نحشك من بعيد ونتراسل بالجهاز القديم الى قبل مايجي الكنود واضن
ان اسمه (توكي هوكي)ولاعندنا لها اناتل مثل هالحين ... مافيه إلا معلاق الثياب او اي واير حديد ؟؟ المهم وشوي ونحصل هاك الجره الجديده الى خلتنا نتنافض مدري من خوف :jوإلا فرحه
وإلا هي تدوس على كل الجرر ومعها ومعها وبدت تصنقل ورجفات قلوبنا تزيد ومر نطالع بالجره ومره نطالع قدام واخويانا يبارون لنا ويكلمونا واحيانا مانرد عليهم وبعد شوي قالو خويانا ترى جرتها عندنا
ونجيهم وإلا هي تخشش ورا الشجر وتزداد رجفات القلب :heart:والركب ومغص البطن والسواق رجله ماتدعس الكلتش زين والوكري (سلطان) الى يسوى ثلاثه حرار على التكيه متأهب والسبوق مفكوكه,,,,وبدت اللخبطه بالكلام الغير مفهوم ....وصاح الصايح
طارت طارت والطير مع الدريشه والحبار تجلد قدامه وهو يترقالها ... يهادي يادليل ,, يالله انك تعينه,,, ويعطيها لحوق بإرتفاع وتنوخله وينشها وهي تكبر وينشها الثانيه ونطيرها لانه مايحبها بالارض طبع شاهين ويلحقها وتوقع ونعلق البواري عليها وتخالفه وتطير

<font size="5">ويلحقها وقبل مايورد عليها وفأجئه ويصفح عنها ويوقع ؟؟؟ ويسبرها خويي الى كان (قبطان في جزيرة جنه) >> ابومحمد __DEFINE_LIKE_SHARE__