معقووله وصلنا لهالستوى ؟ >>مهم أرجو التفاعل

نسايم كلباء · #1 10-21-2008, 07:48 PM

السلام عليكم ورحمة الله وبركاته

> موقف <

فالجات ...

الولد .. ( مرحبا الساع شحالج يالغلا ^^ ) <<< ليش تعرفها تعرفك ؟؟

البنت .. ( مرحبتين هلا والله )

واسترسل الحديث بينهم لييييين ... >>

الولد .. ( ممكن رقمج يالغلا . )

البنت .. ( لا ما اقدر بس لو كنت تبي .. عندي رقم وحده بعطيه لك ) .

الولد .. ( عادي يعني . )

البنت .. ( عادي تراها تكلم شباب واهي من المكان الفلاني ..... إلخ ) .

الولد .. ( وانتي شنو مصلحتج من ها كله .. يعني ليش تعطيني رقمها .. ؟ )

البنت .. ( مالي مصلحه بس جيه .. دامها تكلم ما يهمها .. ما اعتقد ترفض ) .

الولد .. ( اوكي خلاص عطيني . )

البنت .. ( xxx xxxxxxx )

ــــــــــــــــــــــــــــــــــــــــــــــــــ ـــــــــــــــ

البنت كررت هالسالفه معـ أغلبية الشباب اللي فالجات ..

واهي غير مباليه للمصيبه اللي تلحقها للبنت .

ــــــــــــــــــــــــــــــــــــــــــــــــــ ـــــــــــــــــ .

الولد .. ( يتصل للبنت >>> بدون رد . <<<

البنت .. < صاحبة الرقم .. اففف منو هاييل أذوني .. جم رقم الحين ياني .. احطه صامت وارتاح منهم ..

ــــــــــــــــــــــــــــــــــــــــــ .

الصبح ..

البنت ... خيييييييييييبهـ 20 مكالمه طول الليل منو هاييل ..

ـــــــــــــــــــــــــــــــــــ .

بعد جم يوم ..

مسج >> لوسمتحي ممكن أكلمج في موضوع مهم ويخصج ومهم بالنسبه لج .. وانا أبالج الخير .

البنت ... ( ما ردت ) ..

مسج >> صدقيني ابالج الخير ما ابى شي منج ولا راح اتصل مرة ثانيه .

البنت ... اوكي

ــــــــــــــــــــــــــــــــــ .

الولد .. ( الوو .. السلام عليكم .. ما بطول وياج من جم يوم كنت فالجات ..... وقال السالفه كلها والبنت مصدوومه ..

انا قلت لج عشان تشوفين شوبتسوين .. والسموحه منج .. حبيت اساعدج لاني حسيت انج مظلومه .. مع السلامه

وتمت البنت في دوااامهـ ومب عارفه كيف تفكر أو ستشوي ...

ــــــــــــــــــــــــــــــــــــــــــــــــــ ـــــ .

موقف سمعته من صاحبة القصهـ وحبيت اطرحه لكم >>> بعد موافقتها طبعا ً

7
7
7

الحين هالبنت اللي انتشر رقمها .. وضاعت سمعتها بين الشباب ومب بعيده يوصل هالشي لاخوانها شنو ذنبها

والبنت اللي تلعب بشرف البنات وسمعتهم شنو مصلحتها وليش تسوي جيه ..

معقوولهـ وصلنا لهالمستوى من الإنحطاط والدنائه ..

هاي ما تعرف شو يعني قذف المحصنات ..

كل اللي راح أقوله .. حسبي الله ونعم الوكيل في كل شخص يسوي جيه .. وكما تـــــــــدين تــــدان

أتركـ الموضوع في متناول يدكم
وأتمنى أن أجد تفاعل من الجميع

والسموحه منكم ع الإطاله ..

الموضوع بقلمي ..

اختكم

Nsayem kalba
__DEFINE_LIKE_SHARE__

ابو البندري · 10-22-2008, 01:53 AM

ماخفي اعظم وادهى

مانقول الا الله يسترنا من الجاي

اللهم استر عوراتنا وعورات اخواننا المسالمين __DEFINE_LIKE_SHARE__

ذبحــ الحب ــني · 10-22-2008, 03:57 AM

حسبي الله ونعم الوكيل عليها
لهدرجه وصلت بالدناءه انها تنشر الرقم ربي ياخذ الحق منها انشالله اختي انا اتمنى من هالبنت انها تروح تعلم حد من اخوانها وتشوف رايه وعشان يوقف معاها بعدين لا صار شي لا قدر الله اما على البنت اللي نشرت الرقم ربي بيجازيها نست انه كما تدين تدان __DEFINE_LIKE_SHARE__

ά7Ļά 3чόόη · 10-22-2008, 07:54 AM

❤... ممم ـ موضوع مهـم الصـرآأحة

مع ـقوؤله فـي نـآأس ج ـيه مـآأ تفكـر أبــد فـي سمع ـة بنـآأت خ ـلق الله ..

الله يستـر بس ..م ـن اللي بنشـوؤفه في هالـزمن ..

تسلـمين ع الـطرح .. لج كل الم ـوؤدهـ ..

دم ـتي بكـل وؤد غ ـآألـ’ـيتي ... ❤

__DEFINE_LIKE_SHARE__

نسايم كلباء · 10-22-2008, 06:00 PM

المشاركة الأصلية كتبت بواسطة ابو البندري

ماخفي اعظم وادهى

مانقول الا الله يسترنا من الجاي

اللهم استر عوراتنا وعورات اخواننا المسالمين

تسلم اخوي ع المرور

وربي لا هانك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أرقام حلوه وأسعار معقووله	محروم.كوم	منتدى أخبار المواقع والمنتديات العربية والأجنبية	0	02-26-2010 05:50 PM
هام جدااااااااً أرجو التفاعل...........	محروم.كوم	منتدى أخبار المواقع والمنتديات العربية والأجنبية	0	02-03-2010 06:00 PM
موضوع جا خطير................أرجو التفاعل وعدم الحذف!!!	محروم.كوم	منتدى أخبار المواقع والمنتديات العربية والأجنبية	0	05-21-2009 07:50 PM
....معقووله 70 اسم للنساء ....	Al-Rayyani	الإستراحه العامة	8	04-16-2009 03:26 PM