|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم
__DEFINE_LIKE_SHARE__
معليش على العنوان لكن بأدخل على طول يا جماعة الربع أنا اليوم في الرياض وجاي من جنوبها لشمالها المهم مالكم بالطويلة أناظر في الحرارة يوم تبقشت عيوني أنا في علم والا في حلم لا إله إلا الله والله أول مرة أشوف درجة الحرارة في السيارة كذا وأجي للبيت وأجحر من الحر :j أدخل المنتدى إلا ذا الحبيب أبو عبدالرحمن منزل هالموضوع أنغز هنا الله لا يهينك وأتعوذ بالله من الشيطان ثم رجعت لمكشات وأناظر واقرأ موضوعه الثاني ليه كذا يا بوعبدالرحمن اتق الله فينا أتذكر وأنا وسط الفرن !!!! آسف وسط السيارة يا ألله إلهذه الدرجة وصلت الحرارة في الرياض؟؟؟؟... اللهم ارحمنا برحمتك يا أرحم الراحمين أرجع واستغفر وأتعوذ بالله من الشيطان وأجي أفتح مكشات إلا ذا الحبيب أبو عبدالرحمن منزل ذا الموضوع بشويش اضغط هنا :hot: خف الله فينا يا رجال :alarm: تراك بهالطريقة أنت قاعد تعذبنا :butt3: ماش الذاكرة أبت إلا أن ترجع للوراء قليلاً لتذكر الأوقات الخوالي الله لا يعيدها لا حول ولا قوة إلا بالله العلي العظيم :s :s :s قلت أدخل آخر مرة وأشوف آخرتها مع هالرجال إلا وحبيبنا منزل ذا الموضوع أهئ أهئ أهئ :looney: يا بو عبدالرحمن وش سالفتك؟؟؟ اصبر الين يعطلون العالم وبعدها سو اللي تبي!!!! عموماً هذه دعابة لمشرفنا الغالي أبي عبد الرحمن الله يجزاه خير على جهوده وللعلم فهي لأول مرة تكون درجة الحرارة 50 في سيارتي ولا حول ولا قوة إلا بالله العلي العظيم الله يجيرنا من حر جهنم أدعوا الله يا إخوان أن يخفف عنا هذا الحر وجزيتم الجنة |
مواقع النشر (المفضلة) |
| |