السلام عليكم ورحمة الله وبركاته

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1536 * 2048 و حجم 369KB.
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1536x2048 والحجم 369 كيلوبايت .


تم الاتفاق بين المنشد عمر المنسلح والاستاذ الشاعر المشهور ب (( شاعر الجزيره ))

بتسجيل عدد من القصائد بصوت عمر

وهذه القصائد كانت مغناة من قبل فنانين قدامى (( عيسى الاحسائي و فهد بن سعيد )) رحمهم الله

اليكم القصائد بالنص :


صرت الحكم بين البراقع والسفور
تخاصمن عندي نحيلات الخصور
قالوا نبي نسمع وخلق الله حضور
احكم بحكم العدل ما بين البنات
تقدمت بنت تلبس البرقع دلع
واهل البلد حضار والكل استمع
قالوا بلانا من خراب المجتمع
قطن براقعهم ويمشن سافرات
ذبن براقعهم وذبن العبي
تجييك تمشي وانت تحسبها صبي
وان قلت يابنت الحلال تادبي
عيين يطيعن البنات الغاويات
كأن المره رجال وتشوف لباسها
بدله فرنجيه وتحلق راسها
لوكان لي قدره كتمت انفاسها
بنت الحمايل ما تسوي هالسواة
ترى السفور تجييك ما فيها حلا
واحنا اللذي يشهد لنا كل الملأ
يحرم على رجل عشقنا ما سلى
يشبهونا بالخيول المسرجات
جات السفور وقلت لا تتكلمي
تحضري وتزهبي وتولمي
خليني اخلص منها وتقدمي
حنا ابتلشنا بينكم يا الغانيات
لحظه وجاها الدور قلت اتفضلي
لاتغضبي من هرجها لا تزعلي
الحق يعلى والحقيقه تنجلي
وش ذا المشاكل بينكم وانتو خوات
قالت براقعهم نسينا دورها
ولى زمنها وانتهى جمهورها
واحنا البدور اللي تجلى نورها
يشرق ضوانا في الليالي المظلمات
حنا على المكشوف والعالم تشوف
اما البراقع ياحكم غشوا الوف
ما فيهم اللي كاملات بالوصوف
الا عيون من البراقع طايرات
حنا بنات الحور ربات الجمال
واللي تغطى لا تغرك بالخيال
يوقع بهم دايم غشيميين الرجال
هذا صحيح القول والعلم الثبات
قلت انتهى الموضوع والحكم استوى
جميعكم بلوا على اصحاب الهوى
عزالله انا لو جمعناكم سوى
بنات حوا كلكم متكاتفات
لاتخدوعنا في المشاكل والخصام
نعرف سوالفكم ونعرفكم تمام
كلمه صريحه قلتها عند الختام
تتزاعلون اليوم وبكرا راضيات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ



امس الخميس من صباح الله خير
زوجة رجلتاجر مع زوجةفقير
تهاوشن وصار شين ما يصير
يالله دخيلك من مشاكل هالحريم
سمعت لجتهم وانا وسط الفراش
ورحنا علي الهوشات نتفرج بلاش
وان كان شفته راح يجمعنا الهواش
لا والله ابعد وش ابي في سين جييم
طالعت ولا هاالخلايق واقفين
سالتهم يا ذا العرب وش شايفين
قالوا حريمن وبالعصي متحاذفين
قلت ارحم النسوان يالله يا كريم
ناظرت في ذيك الوجيه الكالحه
الا عبيهم والبراقع طايحه
كان المهاوش صار قبل البارحه
كل عرف ماصار ما فيهم غشييم
قلت الستيره ياقليلات الحيا
اقشر حريم شفتهم في اسيا
وش جاب هالحفاي بين الاغنيا
هذا خطا واستغفر الله العظيم
جت زوجة التاجر وقالت يا فلان
هذي مره ما شغلها الا ليلا دان
صوت المسجل عندها طول الزمان
وهي تغني صوتها يطلع مدييم
واحنا فلا يوجد مسجل عندنا
ما هو بعيبن والله انه ودنا
لكن مع الاموال نبذل جهدنا
نحسب تجارتنا علي الشكل السديم
لاشك لاجاء الليل حطت لي حجاب
والا خلف والا سميره او عتاب
نسمع مسجلهم ونغلط في الحساب
واحنا قرايتنا علي الشكل القديم
من عقبها جت زوجة الشخص الفقير
قالت تفضل وادخل البيت الصغير
فنجال شاهي وان تبي واحد عصير
ترى الكلام يطول وافهم يا فهيم
يومن دخلت البيت انا شفت العجب
شفت الحياة اللي لها قلبي رغب
هلت بنا وباشرتنا في ادب
ياليتني في بيتهم دايم مقيم
قالت ترانا عايشن احلا حيااة
وش عاد لو نسمع جميع الاغنيات
نطرب وتالي العمر عز الله ممات
وهمنا اعطيناه ذا الجار اللئيم
فكرت اروح لمنزل الشخص الغني
واجهت عند الباب شايب منحني
مسك بثوبي يالله انه هدني
يقول رايح وين يا ابليس الرجيم
قلت انت شايب قال ياعلك تشيب
قلت انت طيب قال يا علك ما تطيب
قلت اسقني ماء قال مطلوبك صعيب
عسااه ما يفرح بجنات النعيم
قلت يا ذا العود اظنك ما تشووف
قال انعمي لاشفت قدامي ضيوف
قلت انا املك ملايين والوف
جيت اشتري منكم بضايع يا حليم
قال انت ما ودي تطول عندنا
قلت العفو ربع ساعه حدنا

ابشرك ماني بقايل غدنا
انا سعودي و مسكني وسط القصيم
اقبل على مجلس اجدارن لينه
يسال عن المفتاح يا من عينه
قالوا له المجلس مسكر من سنه
العام يومٍ زارنا ضيفن كريم
البيت من داخل مثل حوش الغنم
وراعي البيت الغني مثل الصنم
دشداشته متشققه وحافي قدم
عساه دايم من هنا الدنيا عدييم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


ياقرب واشنطـن و لنـدن و باريـس
حذفت عصا للـي رصيـده ملاييـن
اللـي هنـا دنيـاه مالـه مقاييـس
لبـت مطاليبـه وقالـت لـه اميـن
وياعـز حالـي للرجـال المفاليـس
اللـي تضايقهـم وجيهـه الدياييـن
اللي قضى عمره وهو خالي الكيـس
ماشاف من دنيا الورى الا عمى العين
يطول ليلـه بالسهـر و الوساويـس

والفجـر مابانـت لقربـه براهييـن
يصير في عين البشر كنـه ابليـس
تكثر خطياتـه وهـو ماعمـل شيـن
يارب ياساتر على اهـل النواميـس
فـرج لمـن جوفـه تفجـر براكيـن
عايش بليله مثـل ليـل المحابيـس
يجاذب الونـات والنـاس ممسيـن

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

..
كل ساعه من حياتك رايحه
مايرجعها لك المال الكثـــير
وايش جاب اليوم مثل البارحه
الزمن يمشي على سلك الحرير
ليلتن تخسر وليله رابحـــــه
والهنا دايم حبله قصـــــــير
وانت ياشايل همومن فاتحــه
خل في سعا صدرك وابشر بخير
صفحة الايام ماهي واضحه
قدرت الله ماتوريك المصير
ليتني مثل الطيور السابحــه
في سماها وين ماتبغا تطــير

ــــــــــــــــــــــــــ

ومازال هناك اتفاق على بعض القصائد الاخرى

تقبلوا طرحي

المصدر موقع المنشد : عمرالمنسلح

__________________