قصة حب يوسف وساره
يوسف وساره في نفس العمر بس يوسف اكبرعن ساره بارع شهور ومن يوم ولاتدتهم الاهل اتفقوا عليهم
انهم ياخذون بعض..مرت السنين وكبروا صار عمرهم 12 سنين والاهل بعدهم يحنون يوسف لساره
بس طول هالسنين ساره ويوسف ما كانوا يشوفون بعض لانه ساره ما تحب تزور بيت عمها ولا بيت يدها
ومرت السنين يوسف ساره اكبروا وصار عمرهم 18 سنين..تخيلوا طول هالسنين ما شافوا بعض
فجاة في المدرسه ساره شافت بنت عمها زهرة الي اهي اخت يوسف اصغر عنه بسنتين
ساره..هلا زهرة شخبارج من زمان ما شفتج ..زهرة انتي الله هديج ما تمرين عليه مع انه انا وانتي في نفس
المدرسه..ساره اسمحيلي والله زهرة كنت دوم لاهيه مع اربيعاتي وتعرفين ليش ما ازوركم ولا ازور بيت يدي
زهرة..خلينا عن هالسوالف اليوم لازم اتيين بيتنا تزورينا انا عازمتج انتي وبنات عمنا الثانيين

ساره..ليش شو المناسبه..زهرة ماشي بس حبيت نتيمع..مرة ثانيه شرات يوم كنا صغار
ساره ما قدرت ترفض الدعوة لانه زهرة عزيزة على قلبها..وردت منو بيكون اهناك
زهرة... الشله انا وانتي وشما وهنادي يعني في حد غيرهم بي نحن الاربعه
ساره..اوكي انشاءالله اليوم المغرب بمركم....وصار المغرب وساره راحت بيت عمها الي سنين ما دخلته
جان يتلاقون شما.. هلا والله ساروه من زمان ما شفناج..ردت هنادي هيه والله من زمان ما يلسنا معاج
وطبعا ساره وشما في نفس العمر..وزهرة وهنادي في نفس العمر..ويلسوا يسولفون ويضاحكون
وفجاة دخل عليهم يوسف لانه يوسف متعود ييلس مه زهرة وشما وهنادي لانه اهم كل يوم في بيتهم
واهو معتبرهم شرات اخواته..يوم دخل سلام عليكم اشحالهم الشلة..جان يلتفت انتباهه ساره
جان يستحي وقال اسف ما كنت ادري اربيعتكم وياكم..ردت عليه زهرة يوسف اشفيك هاذي ساره
بنت عمنا..يوسف انصدم لانه نسى انه عنده بيت عم بهالجمال..قال ساره عندنا لالا ما اصدق القمر اليوم
من وين طالعه..بصراحه ما عرفتها..ردت عليه ساره اشفيك لهدرجه شكلي تغير..
يوسف..وايد محلوة ما شاءالله..لا اقصد وايد متغيرة..ويلس معاهم يوسف..وحس بحب من اول نظره
عقب ساره روحت البيت..ويوسف ما قدر بناسى ساره..فراح لاخته زهرة عسب يفضفض الي في قلبه
يوسف..زهرة بصراحه انا ما قدرت انسى ساره..زهرة..لا والله ليش........؟؟؟
يوسف..زهرة انا بقولج شي انا يوم كنت صغير كنت ما احب ساره بس كثر حنة الاهل حبيته
عقب نسيتها..بس يوم شفتها اليوم حسيت انه الحب الاول قام وعاش من اول يديد
زهرة..اسكت اسكت قيس انت قوم الحين روح غرفتك ونام ولا تفكر في ليلى وايد
يوسف...ااااه والله صدقتي قيس وليلى..زهرة ..طاع هذا مصدق عمره روح نام
واهني بدات قصه الحب قام يوسف كل يوم يتصل في بيت ساره ودوم يسأل عنها
بس دوم كانت البشكارة تردعليه ما يلقى فرصة يرمس مع ساره..للين اخر شي
حصل رقم موبايل ساره..قام بيصل فيها كل شويه بس ساره كانت معتبرتنه شرات اخوها
يعني ما كانت تحس انها تحبه شرات حب يوسف لها..بس بعد فترة ساره حبت يوسف
حست بحب من اتجاهه..بس اهي ما كانت تكشف انها تحبه..
فا في مرة كان يوم الجمعه نورة وشما وهنادي كانوا يروحون المدرسه لانه في حصص اضافيه لانه كانوا متاخرين
شويه في المادة..فكان يوسف يوصلهم المدرسه..فكانت شما تقول حق يوسف..يوسفوا حوطنا شوي قبل ما
توصلنا المدرسة..ردوا هنادي وزهرة هيه والله حوطنا ملل في المدرسة..رد عليهم يوسف يلا انا بروح البيت بعد ابا انام..ردوا الشلة والله انك سخيف...جان يضحك عليهم يوسف وصلهم...
في الجمعه الثانيه كانت ساره عندها حصص اضافيه وكانت لازم تروح المدرسه فقررت تروح في الباص
الشلة ما طاعوا تروح في الباص..قالوا تعالي معانا يوسف بيوصلنا ساره قالت لا مابا بسير في الباص احسن
فحنوا عليها للين ما رضت ساره..في اليوم الجمعه يوسف كان مستانس يتريا ساره برع بيتهم..
والشلة كانوا وياه..قالوا اوف ساروا وايد تاخرت اكييد يالسه تتكحل وتتعطر..وكل وحدة يالسه تتأف اف
عقب ظهرت ساره..ويلست ورى مع هنادي وشما..اول ما ركبت السياره يوسف قال هلا والله اشحالج
ردوا عليه الشلة هيه لبعض الناس تسلم ونحن مالنا رب ما تسلم علينا..جان يضحك يوسف
فردت زهرة يلا يوسف وصلنا المدرسة..يوسف..تعالوا نطحوط شوية..جان يردون الشلة هيه اسبوع الي طاف ما طعت طحوطنا بس الحين يوم بعض ناس ويانا بغيت طحوطنا..جان تضحك ساره لانه عرفت انها اهي كان مقصدهم
عقب يوسف وساره حبوا بعض لدرجه انهم دوم يشوفون بعض ويوسف كل ما يروح مكان اييب هديه حق ساره
وكل يوم يتصل فيها ويسولف معااها...يعني كانوا يحبون بعض وااااااااااايد
بس عقب فترة ساره حست انها فيها شي كانت تعاني من مرض وهي ما تدري..يوم فحصة طلع عندها سرطان في الثدي..وعقب ما عرفت اهي ما خبرت حد ولا حتى يوسف لانه اهي ما تبا يوسف يحزن عليها وكانت ماتبا تحطم قلبه..فهي خبت هالشي..لمدة شهور للين ييه اليوم الي ما قدرت تسيطر على هالمرض ففجاة طاحت عليهم ساره..ويوم ودوها اكتشفوا الاهل سرها..والدكتور قال انه مالها امل انها طييب انها السرطان انتشر في جسمها
يوسف حزن حزن شديد وكان كل ليله يصييح وكان يكلم ربه ليش ليش ما استوى فيني احسن ما يستوي فيها ليش..فكانت ساره في المستشفى في العنايه..لانها كانت خلاص قرب يوما..فزارها يوسف وهو كان يصييح ليش يا ساره ليش ما قلتيلي ..ساره انا ما بغيتك تحزن عليه انا ماابي اشوفك حزين..
يوسف..انا الحين حزين ساره ..يصيح يصيح.......................................
ساره..لا تحزن يوسف مع مرور الايام بتحب وحدة وانشاءالله بتعرس وبتييب اعيال
يوسف..لا لاتقولين جذي يا ساره لا تقولين انشاءالله رب العالمين بيشفيج وبتقومين بالسلامه
ساره..يوسف انا راضيه انه الله بياخذني هذا هو قدري وهذا هو المكتوب
فيوسف قرر انه يتزوج ساره حتى لو ما بقى من حياتها الي فترة قصيرة..فرفضت ساره..يوسف اصر على هالشي
لانه اهو يبى انه ساره تقضى ما بقى من حياتها معاه..في الاخير رضت ساره..فتزوجوا وعاشوا مع بعض لمدة شهرين..وساره فارقت الحياة بين ايدين يوسف وهو يحضنها..وللين يومنا هذا يوسف يصيح كل ليلة لفراق ساره له
والحين يوسف صار عمره 38 سنه وبعده ما تزوج وحده غير ساره..لانه عمره ما قدر ينسى ساره الي حب حياته...