( إبــــــادة الـصـيــــد )



#poem_4c3794687cdc7 td { font-family: Simplified Arabic; font-size: large; font-weight: bold; } الصيد ياهل الصيد صابه إباده وخصٍّ من اللي يعشقون التصاوير اللي الى من صاد واحد جراده نزّل لها بالنت موضوع تشهير ويكرّر التصوير لأجل الإفاده وبعض الفوايد ماتبي نوع تكرير ولو كان بالتصوير عنده إجاده يمكن بموضوعه تشوف المعاذير لكنّ جنسه عايشٍ بالبلاده ومع البلاده يفعلون التهاوير شفهم أبادوا كل حيّ وجماده ولا اسلمت منهم بهايم ولا طير شعارهم عند الجميع القراده ومنهاجهم بالصيد منهاج تدمير لا شاف له ثعلب تكابر عناده وشلون لامن شاف جول العصافير كم باشقٍ كد هدّ به عن هداده وكم طير جوٍّ منه ذاق التعازير دامه جفولٍ مايوفِّر زناده يرمي وعنده لكل ما صِيد تبرير وان راح للمقناص خارج ابلاده مايجني غير الطهبله والمخاسير يصيد شيٍ مايحطّه بزاده بس افتخارٍ بالجماعه وتصوير أيّة فخر ياهل الولع و الطراده في صيد جاموس وسيع المناخير ترميه من مترين وابلا ركاده ولو تمسكه ماهجّ عنّك ولا ذير لكن ابمدح مهتوين الرياده اللي اتقدّيهم سلوم المناعير ناسٍ لهم بالصيد مذهب وعاده تِرفع لهم بين النشامى تقارير مايتركون بكل حال العباده مستارثين الجود والطيب والخير فيهم مداوير القطا بالحماده وفيهم هل الأرنب وفيهم صقاقير وفيهم قنوص الضلع أهل الجلاده وفيهم هل القمري وربع الخواضير وفيهم كثيرٍ ما أحيط بعداده وكلٍّ على عشقه يسوق المشاوير اقروم تجمعهم فنون القياده لا روّحوا على الحراوي مداوير مايفارق المطنوخ منهم مراده والى لقى المقسوم ماصاد تبذير حتى مكانه مايحاول فساده يترك مكانه مثل ماكان للغير حريص مايترك تراه اجتهاده يخاف لوم أهل الوجيه المسافير




خالد الوقيت ؛