أبـي عقب التعب راحـه.. لقى فيني التعب راحــه<<من اروع ماقرأت

دبر عمرك · #1 10-14-2008, 04:16 AM

السلام عليكم ورحمة الله وبركاته

يعين الله يادنيا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحه

يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه

سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه

سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحه

سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه

واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه

سقى الله بيتـنا ذاك البسيط مشقق الجدران
شجـاع ٍ يهزم الغدراء … بقنديله ومصباحه

تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه

جميع الذكريات اللي غدت في قفرة النسـيان
يحـاكي حلوها عبره ... بموق العين سبّاحه

خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه

رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه

قصيده مابَعَد مرّت ببال مسـاعد وضيـدان
هواجـيس ابدويٍ هايـم ٍ في عشق فـلاحه

وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه

تقولين المطر ماهـوب … يمّـه دايمٍ هتان
اجل معذور قلبٍ في همومه ضاعت افراحه

انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه

خذلك الوقت فيني .. ماخذلتك ياأعـز انسان
وش الدبره ؟ وحظي صار.. قفل ٍ ضاع مفتاحه

للشاعر/ محمد الدحيمي
__DEFINE_LIKE_SHARE__

حرف الذهب · 10-17-2008, 04:07 AM

سلمت يمــــناك لا خلى ولا عدم يالخوي

الله يعطيك الصحه والعافيه

متميز بذوقك كالعاده ّ __DEFINE_LIKE_SHARE__

دبر عمرك · 10-18-2008, 03:24 AM

هلا بك يا الغالي

ربي يسلمك ويعافيك من كل شر

ولا يحرمني طلتك يا الخوي^^

1000 شكر لك __DEFINE_LIKE_SHARE__

ولهانة · 10-18-2008, 03:43 PM

وربي لا هينت ع هالابداع الطررررررررر مش غريب ع شخصك الراقي وربي ذووووووووووووووووووووق

وبالتوفيق دوووووووووووووم __DEFINE_LIKE_SHARE__

яôǾô7-έłĢsёёđ · 10-19-2008, 12:53 AM

صح الله لساانه صدق انه بدع

ماافيه وحيله

وتسلم ع النقل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خذني من ايدين التعب لين القاك	محروم.كوم	منتدى أخبار المواقع والمنتديات العربية والأجنبية	0	07-15-2010 12:40 PM
هل سبق لك الوصول إلى هذه المرحلة من التعب ؟؟‏	محروم.كوم	منتدى أخبار المواقع والمنتديات العربية والأجنبية	0	10-14-2009 01:00 AM
ودي اجيك من التعب ثم اضمك.....حياكم.....	الرهيب القطراوي	شعر و خواطر	8	06-11-2009 01:05 PM
ودي اجيكـ من التعب ثم اضمــــكـ,,	الاميرهـ الصغيرهـ	شعر و خواطر	25	02-08-2009 07:44 PM
التعب ماهو تعب جسم وعظام التعب لما تحب وتنجرح !!	ємαяαтya Kαsн5a	هواتف , مسجات , وسائط , برامج , ثيمات , نغمات , بلوتوث	21	06-04-2008 02:02 PM