its bad !!!

قـلب دبـي · #1 10-12-2008, 09:28 PM

لو اسافر وين اسافر ماني رايح بعيد
دامني في وسط صدرك من بلاد الى بلاد

لو اسافر !! من عيونك انت في عيوني اكيد !
كل ما نادى بياض العين لباك السواد

لو اسافر ! اي علي مرفوق لا آردد واعيد
ان حبك كل ما تزيد المسافه زااد . زااد .!

لين ما يطغى على قلبي ويحتل الوريد
ويتزاحم مع هوى الانفاس في لحظة وداد

( لا عقبني شر ) باسافر ونفسي ما تريد
كود تبقى بخير ويحفظك لها رب العباد

وماني موصيك على روحك ولو طبعك عنيد
بس تدري ما عجبني في حلاك الا العناد .!!

زين وجهك لا زعلت .! ايوه يا ملحك يزيد
كل ما تزعل يزيد الغنج في وجهك فساااد .؟!

والشفايف جمرها لا ساح حبات الجليد
وقتها لا عاد تنشدني عن انفاسي لا عااد

ايه بسافر !! ولكن ماني مسافر وحيد .!
دام روحك ما تبارحني فيا طيب الرقاد

ايه بسافر !! على متن المحبه دون قيد
لاني اصلا ما احب اسلوب حب الانقياد ؟

وايه بسافر ومابه عقب ما اسافر جديد
غير شوق يلوي ضلوعي على درب البعاد !

لو تقول ايش ينقصك باقول كلك ( I need )
وان سألت الوضع وشهو قلت وضعي ( its bad )

بس لا هب الهوى الغربي والبرد الشديد
شب ضوك . من طواري حبنا في كل وااد

وفي غيابي !لا تناسى عهدنا يا ريم صيد
دام عادك عند وعدك لي و ( ريمٍ ما يصاد )

وفي غيابي ! كل ما تشتاق حاول تستعيد
كل ( ليلة عشق ) لا هبت نسايمها برااد

وفي غيابي خل شمس الصبح مرسال البريد
لانها من نور وجهك تآخذ من النور امتدااد

فكل ما تقرى مشاعر عاشقٍ حسه قصيد
اعرف ان لك بين طياته مساحه وانفراد .!

وكل ما غنى مخاوي دمعة الحزن الاكيد
تستثر كل المشاعر دمعة عيوني وكااد

عاشقك يا نور عيني صاير عقبك بليد ؟!!
والليالي في غيابك لابسه ثوب الحداد .

ااااه يا شين المفارق وااه لا ذاب الجليد
لا حدٍ منا تهنى ولا حدٍ منا استفاد

مد لي يدك ,, ( باسافر ) وانت كرر وعيد
اول ابيات القصيده واعرف المعنى المراد

( لو اسافر وين اسافر ماني برايح بعيد .!!
دامني في وسط صدرك من بلاد الى بلاد )

وان يقولوا ما يفك من الحديد الا الحديد .؟!
فما يداوي عوق قلبي ( غيرك ) وهذا وكاد .! __DEFINE_LIKE_SHARE__