هل تبتغي لي الذنب اكون تكفيره>>> سوان..

,,SwaN}~ · #1 10-09-2008, 12:47 AM

:

:

السلام

:

:

قصيدة كتبتها في لحظات كريهه

من زمان ما كتبت واحس فقدت كل صلاحياتي الشعرية

جنه صابني شلل وعاجزه عن هالشي

:

:

القصيدة مش بالمستوى اللي يرضينيه ويمكن ما يرضيكم

بس ابا افرها هنيه والسلام

واللي يبا ينتقد يتنقد

:

:

تقول افكار مالحسرة تصيح

:

:

لا زال فيني القلب تسكنه حيرة
كلما أبحرت في فكري وسجيت

صار العنا والهم لقليبي الديرة
وصار السكن للعين وغيره ابد ما ريت

ابغضت طاري الحب والعشرة والجيرة
وكل ما لفاني خير عنه أنا عييت

ولو مره جرحي التم لابد من غيره
كأنه عليه دين واقف بباب البيت

ولو قالوا خلي عنك وانساها هالسيرة
انكرت حزن القلب ولا كني قد عانيت

اضحك واجاري اليوم ع كثر تعثيره
وادوس نبض القلب حتى ولو قاسيت

جرحي هقيته طاب من بعد تطهيره
واثريه ينزف هم من بعد ما داويت

قلي يا بعد القلب يا ورده وطيره
يا دمعتن بالعين منها انا غصيت

هل تبتغي لي الذنب اكون تكفيره
وادفع ثمن ايام من مرها ذاقيت

ولا تبيني الرب اعرف تدبيره
وتحسب اعرف الغيب وبالعمد انا خبيت

ارحم وروف يا عم لو بس تصبيره
واسمع ونين القلب يبكي ندم يا ليت

:

:

وسلامتكم

:

:

على فكره احس القصيدة مش كاملة ، صح؟؟

:

:

حنان __DEFINE_LIKE_SHARE__

غـــلاي.. · 10-09-2008, 12:59 AM

[align=center]اممم مرحبا ..

اول شي انا ماعرف واايد للقصيد يعني الوزن ومادري شوو
بس احب اقرااا وااايد وكل شي يعيبني ..
ثاني شي واااايد حلووة الكلمااات والواحد يووم يحزن يحس بهاا ..
بس ليش كل هالالم ..
الله يكون في عون كل مسلم يارب..
وبس ..
تقبلي مروري .. [/align] __DEFINE_LIKE_SHARE__

,,SwaN}~ · 10-09-2008, 01:03 AM

هلا الغالية غلوي

انا اقولجاذا ما تعرفين

الوزن منقع في بعض الابيات هههههه

بس ما يهني ومش متفيجة

واللي يبا ينتقد ينتقد

زين منيه يوم شليت القلم وكتبت عقب كل هالفترة

نورتي وتسلمين دبوه

=) __DEFINE_LIKE_SHARE__

♕ وليد الجسمي ♕ · 10-09-2008, 01:05 AM

صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

ام منصور · 10-09-2008, 01:54 AM

يوووووووووووووووووووووور مرحباااااااااااا خخخ بصوت عالي محد سمع لوول

هي ف الوزن مره ياييه ضبط خخخ ( ما اقصد )

شوفي وانا اختج خخـ

يقول سبحانه وتعالى ف سوره الشعراء ( أَلَمْ تَرَ أَنَّهُمْ فِي كُلِّ وَادٍ يَهِيمُونَ* وَأَنَّهُمْ يَقُولُونَ مَا لَا يَفْعَلُونَ ) صدق الله العظيم

جان ع الوزن تراج ف كل واد همتي ويمعتي منه واذا تحسين انه ناقص ولا شئ به ترا تقولين مالا تفعلين شدخل

واذا ع الكتابه ،، سبحان الله تيييج فتره بتحبين واايد اشياء وبتبدعين فيها ويوم تشبعين هه تعافينها لوول

نرد ع الشعر

ولو مره جرحي التم لابد من غيره
كأنه عليه دين واقف بباب البيت

حلوو ذكرني بييت شعر

يقولج الشاعر سعيد بن طميشان الكعبي ،،

يتساقط الهم واصوله مثابيت
مثل الورق يسقط ولا يسقط الجذع

،،

الهم له ف صدري مقيل ومبيت
زياره ما تنقطع يعلها القطع

=============

ارحم وروف يا عم لو بس تصبيره
واسمع ونين القلب يبكي ندم يا ليت

ياااليت ،، كلمه ذكرها يزعل اكثر من
دواها ههههـ تخليج تتحسفين اكثر

^^ صح الله لسانج ولا هانج الرب ان شاء الله

طولت ف الرد عليج

والسموحه ع القصور __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل تريد أن تبتعد عن أصلك و خلقك و دينك؟	محروم.كوم	منتدى أخبار المواقع والمنتديات العربية والأجنبية	0	02-26-2010 06:20 PM
الفرق بين البندقيه الذئب الاسود وبندقية الذئب الأحمر	محروم.كوم	منتدى أخبار المواقع والمنتديات العربية والأجنبية	0	05-06-2009 03:10 PM
لا تحاول عن عيوني تبتعد	اسير العذاب	الشعر المنقول	9	12-23-2008 04:12 PM
كيف تبتعد عن النميمة؟؟؟	ريماني غرااام	الإستراحه العامة	5	02-27-2008 06:38 PM
لا تبتعد .. [فاطمة القرياني]	• ™ мαяỉαмч «\|	كلمات الاغاني	15	01-24-2008 12:41 AM