أم القصايد

عـادل · #1 10-07-2008, 05:14 AM

كلمات سمو الشيخ محمد بن راشد ال مكتوم

يا رسـول الخيـر تيزينـي
بالسّـرع قـم بلّـغ كتابـي
بلّغـه سـيـد المزاييـنـي
لي عنا صوبـي بالجوابـي
بوحيايـيـن مجـاريـنـي
حـرف دال خـطّ بكتابـي
أحـوريّ كامـل الزّيـنـي
قايـد الخفـرات لكعـابـي
لي ربـا وسـط البساتينـي
دار مـن يثنـي التّرحابـي
أنـت يـا سيـد المزايينـي
يالغضـي ياولـد لانجابـي
مرحباَ بك يـا نظـر عينـي
عـدّ مـزن هـلّ سكّابـي
حبّكـم داخـل شراييـنـي
في العروق وفي الجسم دابي
دايـم القفـات تضويـنـي
مثل بـرد وثلـج لهضابـي
ياعقيـد اريـام وحشيـنـي
لي نظرتـه عقـب لغيابـي
بـو مجـاديـل مزافيـنـي
لي محنّـي كفّـه اخضابـي
والجبيـن يشّـع بالزّيـنـي
لي هدب عينـه كالحرابـي
والمضمّـر قبـض ليدينـي
قـدّ فتـريـن بالحسـابـي
متعبنّـي مـاخـذ سنيـنـي
يتعـب العـشّـاق لعّـابـي
دمعتي حمرا علـي عينـي
مثل لي موغـوف بصبابـي
جريها مـا حـفّ يازينـي
حفيت عيوني مـن الدّابـي
كنّهـا النّـيـران تكويـنـي
الصّخر مـن ونّتـي ذابـي

ونّتـي ونّــة مساجيـنـي
لي عليهـم قطـع لرقابـي
قد لهم في السّجن عامينـي
وحان وقت صدور لعقابـي
مالـهـم أوراق تبيـيـنـي
شرعهـم يحكـم بالغيابـي
ذاهل والنّـوم مـا يجينـي
لين بـان الفجـر وانسابـي
وان نظرت مكحّـل العينـي
بوهـدب زافـات وحرابـي
بالعيـان الدّعـج يرميـنـي
صاد قلبـي صيـد نشّابـي
ويـن ياخلـي وانـا وينـي
دونكم عيّـت بـي اركابـي
تظلمـون الحـق وتهيـنـي
وانت دارس شرع لكتابـي
ليت عقب التّعـب تيزينـي
لو بكلمة مرحب اهـلا بـي
كلمتـه تسـوى ملاييـنـي
لـو نطقهـا ضـدّ وعتابـي
لو سمعهـا القاسـي يلينـي
ولـو مطـوّع فـرّ لكتابـي
مثل حرف العين والشّينـي
درّ مـن خلفـات لعرابـي
ودّله فـي حايـب العينـي
مسكن له في الحشا رابـي
الوعـر مابيـنـه وبيـنـي
عسر في المرقاه عايـا بـي
في سهول وفـي ملايينـي
يرتعي في روض لعشابـي
ذيّـره صـوت الرّعايينـي
وارتفع فـي شامـخ نابـي
في ضلوع إجبال ومحينـي
في عـلاه ودونـه اشعابـي
صوبـه اقدامـي تمشّينـي
قلبـي الماخـوذ عايـا بـي

اعتقد القصيدة المفروض يسمونها ام القصايد ول شرايكم

مع تحيااااااات .:[] بـوسٌـعٌـيٌـدٌ[]:. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور وبعض القصايد في الطير	محروم.كوم	منتدى أخبار المواقع والمنتديات العربية والأجنبية	0	07-13-2010 10:40 AM
ياهل القصايد والسوالف والامثال	محروم.كوم	منتدى أخبار المواقع والمنتديات العربية والأجنبية	0	07-10-2010 09:10 PM
مكتبه أجمل القصايد المختارة عن القنص	محروم.كوم	منتدى أخبار المواقع والمنتديات العربية والأجنبية	0	08-09-2009 04:20 PM
أبنشد اللي يكتبون القصايد	محروم.كوم	منتدى أخبار المواقع والمنتديات العربية والأجنبية	0	06-12-2009 05:20 AM
يا بو القصايد	شــمــ انثى ــو خ	شعر و خواطر	3	08-22-2008 05:40 PM