المعتزل وشاعرنا ابوعون.... رزقهم الله بهالفرخ المزيون,,,ذراع الذيب

محروم.كوم · #1 06-28-2010, 05:00 AM

السلام عليكم ورحمة الله وبركاته

مساكم \وصبحك الله بالخير يالاجواد اعضاء ومشرفين وزوار منتديات مكشات,,

كيف حالكم عساكم طيبين كلن بأسمه من الصغير للكبير

اليوم جيناكم بموضوع,,

وكالعاده عن سوالف ابوماجد وقصص طرحه للطيور اللي ماتنقطع ماشالله تبارك الله,,

عليه الله يزيده من واسع فضله ويرزق الجميع

ومن يقرى بالطيور الطيبه ,,

وهي قصه قصيره لتلطيف الجو بهالخيمه الطيبه ,,

فيه يوم من الايام من الموسم الماضي وكانت الحروه هجرة فروخ الشياهين,,

قطعت فرخ شياهين على خوينا ابوصقر الجهني

في جنوب الاحواش شمال ,,

الشعيبه وقطعت الخور ودخلت البحر وضيعها ابوصقر ياجعل ربي يعوضك,,

يابوصقر بالنادر اللي مانطرح مثلها واستفزع ابوصقر بالمعتزل ابوماجد,,

وكان ابوماجد يصلي صلاة العصر وطافي الجهاز وقتها

وبعد مانتهى,,

من صلاته شغل الجهاز وسمع باالصجه وراسله ابوصقر وقال يالمعتزل,,

قطعت علي شيهانه وراحت علي قبل شوي وقامو قنوص الشعيبه كلهم,,

فزوع واخذولهم وقت يدورن على الشيهانه

وماحصلوها وطلع ابوصقر,,

على الجهاز وقال للقنوص ترزقو الله ترزقو الله خيرها بغيرها وكلن قنص,,

في حال سبيله وتوجه المعتزل جنوب وكانت وجهته يم الجزيره اللي بجنوب,,

القطان وفيه جسر موصول بالجزيره معبر للمواتر

وكان المعتزل ناوي,,

الجزيره وحصل الجسر مقفل وشاف له موتر بالجزير جيب صالون نيسان,,

والاهو خوينا الشاعر ابوعون وعرفه المعتزل وراسله يابوعون يابوعون,,

ارسل ارسل يالمعتزل رد المعتزل ليه يابوعون تقفل الجزيره ليه هههه

يمزح مع ابوعون قال المعتزل يابوعون

اطلع مع الصل وانا وياك نيه,,

للمغرب قال بسم الله وثواني والاابوعون يتصل على المعتزل بالجوال,,

الحق يالمعتزل عندي طير لااله الاالله سبحان الله

يازين النيه زيناه,,

حصلها ابوعون تعلف طير بحر ويفز ابوماجد ويدخل للجزيره من جهة الابحاث,,

من ورى الشورا وابوعون قيده عطاها قطاه طلق

ووصل المعتزل للموقع,,

وحاولها وقزها كم مره الين طارة عالق ويهد طيره مشهور تخبرون طيره,,

اللي غدا ويعلقها بالسماء ويتجمعون القنوص على فرحة ابوعون والمعتزل,,

,

,

,

,

وهذا شاعرنا ابوعون تستاهل كل خير ياخوي

,

,

,

,

وهذ المعتزل تستاهلون الاطيب والله يرزقكم ,,

كل سنه بالطيور الطيبه

وهذي القصيده اهداء من المعتزل لمطلق الفزران,,

هلا يامرحبا ترحيبتن من خاطرٍ مايضيق

.................................................. .صميم القلب مصدرها ومنصاها الى اللجه

لقرناس الحرار اللي ابد ماحافه التسبيق

.................................................. ..........هلابه عد ماهلت مزون صبها ثجه

نناظرله مداهيج الهداد وساحة التطليق

.................................................. ......وعجات القنيص اللي ابد مامثلها عجه

وياخذنا مع الهوجاس ويحلق بنا تحليق

.................................................. ...ويبعدنا عن الزحمات والروتين والضجه

ووكريه وشيهانه ندربها على التلحيق

.................................................. ......اذا من الوحش علا يصيبه منها رجه

نعلمها فنون الطرد والترديد والتعليق

................................................ومنها يخاف مايقوى على الروغه ولاالهجه

شفيت القلب يامطلق وشوقته على التطريق

.................................................. ....طروقن كلها جزله وفيها ابيات منسجه

وصلى الله على اللي وثق النهج لنا توثيق

................................................عدد من زار بيت الله ومن طافه ومن حجه

وسلامتكم واعذرونا على الاطاله,,
ولاتنسونا من دعواتكم الصادقه تحياتي لكم
__DEFINE_LIKE_SHARE__