يـابـوي مـابي غـيـرك يـغـسـل جـثـتـي بـالـمــي

دبر عمرك · #1 10-05-2008, 04:22 AM

السلام عليكم ورحمة الله وبركاته

يابوي ليه تبكي كل ما شفتك وعينـك لـي ؛،؛
تخاف أموت يابوي ... وقبل الموت تبكيني

كفا يابوي لا تبكي وأنا موجود معك وحـي ؛،؛
أجل بعد الرحيل أشلون في قبري توطينـي

ابوي لو تموت الناس ماتسوى دموعـك ذي ؛،؛
وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛
جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛
وتكفا قبل لا أتكفن .. يابوي فك لـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتاخذني على قبري وتكسب أجرهـا فينـي

إذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـة المصلينـي

وحط الطين وادفني وعز اللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني ؛،؛

تذكر وش كنت أقول يـوم إنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي
__DEFINE_LIKE_SHARE__

ماتـهـاب · 10-05-2008, 06:06 AM

صح لسان شاعرها .. وسلمت يمناك أخوي عـ النقل ^_^
__DEFINE_LIKE_SHARE__

حرف الذهب · 10-08-2008, 06:38 AM

قصيده ذات معني دفينه تمس المشاعر اذا يت ع الجزاله مافيها حيــله
سلمت يمين ناقلها
وصح ألسان شاعرها وأعتلى شانــه وأبعد الضيق عنه

تحياتي لشخصك أخوي __DEFINE_LIKE_SHARE__

♕ وليد الجسمي ♕ · 10-09-2008, 01:11 AM

صح لساانـــج

وما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع القصيده الغاااااوي وصح السانج الشااعر

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

*نظره مني تسدك* · 10-11-2008, 11:28 AM

]السلام عليكم ورحمة الله وبركاته

صح لساااااااان الشاعر واعتلااااااااا شااانه

قصيده في قمه الروعه الصرااحه ولها من الحزن الكبير والعميق

عيبتي هالأبيات..~

إذا جيت القبر يا بوي نزلني شوي شـوي ؛،؛
ووجهنـي لبيـت الله .. وقبلـة المصلينـي

وحط الطين وادفني وعز اللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني ؛،؛
تذكر وش كنت أقول يـوم إنـك تنادينـي

روووووووووووووووعهـ وربي

يعطيك الف عافيه ع النقل المتميز

نترقب اليديد..^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
>\| مـمـلـكـة تـصـامـيـم الـpsd [ تـعـلـم بـنـفـسـك قـبـل أن تـطـلـب مـن غـيـرك ] \|	محروم.كوم	منتدى أخبار المواقع والمنتديات العربية والأجنبية	0	09-06-2009 11:10 AM
مـلـك الـسـاحهـ .. الاعـب ولايـهـمك غـيـرك ..	Al-Rayyani	سيارات و دراجات	10	07-25-2009 12:18 AM
بليز طلب مفاتح للكاسبر اسكاي انترنيت سكيورتي	محروم.كوم	منتدى أخبار المواقع والمنتديات العربية والأجنبية	0	06-17-2009 04:10 AM
[ برنامج ] : مفاتح كاسبيرسكي بتاريخ اليوم 8/4/2009	محروم.كوم	منتدى أخبار المواقع والمنتديات العربية والأجنبية	0	04-08-2009 06:20 PM
مفاتح كاسبيرسكي بتاريخ اليوم 7/4/2009	محروم.كوم	منتدى أخبار المواقع والمنتديات العربية والأجنبية	0	04-07-2009 09:50 PM