..،{ يخطي من يتجآهلك "،..يآورد..،" ~ْ/للشآعر عبدلله الشريف ْ~

شآعرة يآلبيه · #1 06-26-2010, 03:48 PM

بسم الله الرحمن الرحيم
السلام عليكم ورحمة الله وبركاته ..
بعد ما خلصت الموضوع وعدلته وكشخة نقرت على اعتمد الموضوع الجديد وبعدين قال لي
إيرور

بس يله ماعليه ماعاش إيرور يوقفني

هالقصيدة من إبداع الشاعر عبدالله الشريف بعنوآن ..يآ ورد ،والله وصف بالورد شي مذهل وجميل
أخلييكم مع قصيدته ..

يقول الشآعر:

أيا ورد لاموني وأنا أمجدك يا ورد ...ومن لامني في الورد والله ما ألومه

لو إنه يشم الورد كان استحق الرد...ولكن روحه من شذا الورد محرومة

شذا الورد للي يعرف الورد برق ورعد...ولا فآتني عن طيٍب الورد معلومة

تعلمت منه إن الزمن فيه جزر ومد...ومن لم يصانع ربما ضاعت علومه

تعلمت منه إن الزمان ألردي له حد...ولا شفت غصن يطرح الورد من يومه

تعلمت منه ابعد عن الهزل يوم الجد...ولا أشبع وغيري يندب الدهر ويصومه

تعلمت كيف اصبر ليالي الشتاء عـ البرد...وأداري نهار القيض وأقاوم سمومه

ولا ارقي على عمود نخره الزمن وامتد...ولا اطلب لذيذ التمر من يابس الدومه

ولا اذكر الغالي بهمه نهار السعد...وإذا أمسى حزين شلت عن قلبه همومه

تعلمت كيف اجعل من الناس حولي سد...ولا أطيع نفسي واجعل خطاي مرسومه

ولو طعت نفسي اليوم بالومها في غد...ولآني بمعصوم ولاهي بمعصومة

تعلمت كيف اسهر وليه ومتى واعتدت ...ولا أبات أناجي الليل واعدد نجومه

تعلمت ما اسرد على المسامع قصيدي سرد...ولا ابعد عن الفصحى ولا اجر مضمومة

ولاحظت كيف الورد وافي يصون العهد...ولا يجرح إلا من به صفات مذمومة

ولاحظت كيف الفرع يحمل صفات الجد...وكيف الورود بمصدر الشهد مختومة

وبعض الورود اللي بها أشواك تشفي الكبد ...وبعض الورود اللي بلا أشواك مسمومة

ولا كل ما ياقف على الورد يصنع شهد...ولا كل من يرقى الجبل يعرف سلومه

ولا كل من يبني ولو تعب يبني مجد...ولا تستر اللي يهدم الشامخ هدومه

ولاحظت كيف إن الطري لا صبر يشتد...وقدر الفتى يبنى على قوة عزومه

ولاحظت كيف الضد يظهر جمال الضد ...وللشوك منظومه وللورد منظومه

تعجبت كيف الورد ينمو وتحته لحد...وكيف الورود تعيش في السهل ورجومه

تفهمت ليه الطفل اذا شب ينسى المهد...وإذا شاب وحلم انه فتى صدق حلومه

تفهمت ليه الصقر يقدم ولا يرتد...وعللت ليه الليل يستر على البومه

ترى ألديره اللي تزرع الورد كف وزند...ترى الديرة الي تزرع الورد مرحومه

بكى الورد عطر ومن هشيمه بخوره...وكل يصف ورده على قدر مفهومه<<هيه نعم صدقت

وأنا ما اغرس إلا طيب الورد قبل وبعد...ولا اقرب من الورد المزيف ولا أسومه

وأنا في حما ورد ندي ما عرفت الوجد...ومن راح عني ما تحريت لقدومه

وأنا أسبح المولى واثني بشكر وحمد...جعل عبرتي في الورد وارضي بمقسومه

وباموت واحيا ما ازرع إلا غصون الورد...ومن يزرع الثوم الله يبارك بثومه

وسوآآلم
أتمنى انها تعيبكم مثل ما عيبتني
"وإن كنت أستاهل التقيم قيموني.."

فدآآعة الله ~ْ

__DEFINE_LIKE_SHARE__