أخاف أقوله له " خاين " وينجرح بعدين ...

♕ وليد الجسمي ♕ · #1 10-03-2008, 07:38 PM

قصيده أعجبتني فنقلتها لكم

.. تذكر يوم أقولك جسد يحتوي روحين ..

.. وأوعدك ما أخليك وتوعد ما تخليني ؟

.. أذكر يومها أشوف بالدنيا بس اثنـين ..

.. قلبي اللي يحبك وقلبك اللي يحويني ..

.. بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..

.. مرحبا باللي القلب لجلـه حيل كاويني ..

.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..

.. وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..

.. سألته : ليه تنسـاني ؟ وإلا ماكنت تغليني ؟؟

.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

.. سحبت وجهه و مسحت الدمع على الخدين ..

.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟

.. ابتسمت وقلت أجلك ماعرفت للحين ..

.. إني أحبك حيل واللي يرضيك يرضيني ..

.. سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

.. وصارت الدمعـة إذا هلّت أقول أهلين ..

.. والبسمة هجرتني ونست دربها فيني ..

.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..

.. ويوم إني رحت .. وصيته لي بورقتين

.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..

.. كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

.. تكفين لا تظنين إني خنتك ياالغلا تكفين ..

.. وإذا لازلتي تحبيني دايم بـالخير ذكريني ..

.. سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني ..

دمــتم بــخــيــر.. __DEFINE_LIKE_SHARE__

وهـج القمر · 10-03-2008, 07:44 PM

صح لسان من قالهاا

والقصيده في قمه الروعه __DEFINE_LIKE_SHARE__

ماتـهـاب · 10-03-2008, 09:08 PM

روووووووعه
صح لسان قايلها وتسلم يد كاتبهاا ^_^
ولا هنت أخوي عـ القصيده __DEFINE_LIKE_SHARE__

мz« · 10-03-2008, 10:48 PM

يسـلـ م ــوو عـلى الـمـوضـوعـ جـميلـ ومرتبـ

والـ م ـجهــود الـرائــعـ ..

و تــقـبـــل//ــي مــــــروريـ ..

وان شاء الله راح ان شـوفـ مـنـك/ج اكــثـر

لا تحـرموونــا منـ جـديـدكـ //ج

تح ـــــياتي

علهــ ع جبدكمــ

__DEFINE_LIKE_SHARE__

♕ وليد الجسمي ♕ · 10-09-2008, 01:21 AM

تسلمون ع المروركم وردكم الجميل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"دويتشه بنك": "إعمار" و"الدار" و"الخليج الأول" و"الموانئ" شركات واعدة	محروم.كوم	منتدى أخبار المواقع والمنتديات العربية والأجنبية	0	04-22-2010 09:30 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM