~ { وينه اللي ما يـِخلي أي كلمه في شرود ... لو يزلّي شخص مثلي قال تخدع هالعباد } ~ .. جديدي .. حياكم

ઇ النورس ઇ · #1 10-03-2008, 03:31 PM

السلام عليكم ورحمة الله وبركاته

وبعد ..

,,,,,

أبتعد عن الغموض دائما ..

أختار الكلمات الواضحه والبسيطه .. التي يستطيع ان يفهمها القارئ ولو لم يكن شاعرا

لربما هكذا انا ^^

...

لكم يديدي يالشعرا ..

قصيده بعنوان : ~ { أنياب الاسُود } ~

هي َ لمن يفهمها .. والمعنى مابه أي تعقيد ..

ونبدا ...

أقول :

مـــا أحـــاتي لـــو أبـــاتي وسـْـط أنيـاب الأسـُـــود
يـــــا عذولـــي شـــوف قـولي وْ لا تـِـحاول بالعنـاد

أيّ عـــاذل لـــو يــِـجادل عـــارف ٍ إنــــــــه حــقـود
كـــــلّ واضــح دوم فـــاضح بين ظــلــمه أو سـواد

وينــه اللي مـــا يــِخلي أيّ كـــلمه فـــي شـِـرود
لـــــو يــِزلّي شخص مثلـي قــال تخدع هـــالعبـاد

واضح انـــي فــــي تـأنــي وْ أنـتــظـر مــنـّـه ردود

لــيت يــدري بــْـطيب صدري مــا يزعّلني انــْـتقاد

كـــان أنــوي شــي اسَـوّي دوم عينـي مــا تنـود
دام بالي في انـْشغالي جفني ما صابه نــِــــــواد

كمّ أكتــب كمّ أعتــب مــــــا أشوف الا الـــصـدود
ما عليـّه لـــــو عليـّه تــْـوجهت نـــــــار الـــــــزنـاد

يا مـِـعــــانـد لا تـِـعــانـــد وان تجــــاوزت الـــحدود
لا تـِـلوم ان شفـْـت يـــوم انـّك يغـَــطيك الـــظماد

من تـِـكلـّـم أيّ كلـــمه قـــــال انــا شـــاعـر ودود
من تـِـعلـّـم أيّ حكمه صـــار لـــي فــيهـــــا جواد

كمْ نسينـــا مـــا كلينـــا لـــيت مــاضينـــا يــِـعـود
كــان صخــّـوْ ناس و وخـّـوْ روسهـم تحت المخــاد

يـــا عــَـدوّي شـو تـِـسوّي كيف تشعــِــل بالوقود
ما دريـــت انــي طفيت لـــْـهـيب نـــارك والــــرمــاد

ليــت الـوفــه لــــيت اشوفــه طبـْع كــذاب الوعود
دوم احطـّــم دوم ألــْــطم مـــن تــِـكبـّر فـــالبـلاد

هاجـِسي لا ما يـْـخَسي هيهات ما يـْـصيبه خمود
نـــزْف حبري دوم يسري وْ غيري في حالة كساد

مـــن يبالـــي فالأعالـــي فلـــيواصل فـــــالصعود
والـْـجبان اللي يــُــهان يــْـعيش في وسط الفساد

الخيــــانه فــــي قوانـيـنــي تــرا فيهــــــا حــِـدود
والحبيب انْ مـــا وفـــا .. فــالحــال أعلنت الـْـحداد

شعر : خالد الشامسي

النورس
__DEFINE_LIKE_SHARE__

الـدانـة · 10-03-2008, 04:12 PM

وعليكم السلام والرحمة

صح لسانك أخوي النورس على هالقصيدة الحلوة

ما شالله عليك أبدعت فيها ودومك ما شالله مبدع ومتميز في قصايدك وهالشي مب غريب عليك

كلمات حلوة ومعاني أحلى

والله يعطيك العافية ع الطرح الرائع

ولا تحرمنا من يديدك ومن أبداعاتك المتميزة __DEFINE_LIKE_SHARE__

*نظره مني تسدك* · 10-03-2008, 05:18 PM

عليكم السلام ورحمه لله وبركاتهـ..~

صح لساااااانك واعتلااااااا شااااانك يالشاعر

في ذمتيه غراااام وربي كلمات في قمم الروعه وعندك اسلوب رااائع يلفت القارئ

لفت انتباهي هالبيت من روعته

يا مـِـعــــانـد لا تـِـعــانـــد وان تجــــاوزت الـــحدود
لا تـِـلوم ان شفـْـت يـــوم انـّك يغـَــطيك الـــظماد

من تـِـكلـّـم أيّ كلـــمه قـــــال انــا شـــاعـر ودود
من تـِـعلـّـم أيّ حكمه صـــار لـــي فــيهـــــا جواد

طرررررررييييييييييشن الصراحه

ع العموم القصيده كلها غاااااااااويه وما عليها رمسه

سلمت يالشاعر وكثر منها هالقصايد..^^

يعطيك الف عافيه

كمْ نسينـــا مـــا كلينـــا لـــيت مــاضينـــا يــِـعـود

كــان صخــّـوْ ناس و وخـّـوْ روسهـم تحت المخــاد

سلامي علييييييييك والله

نترقب اليديد..^^ __DEFINE_LIKE_SHARE__

راعية الكروزر2007 · 10-03-2008, 05:33 PM

مرحب وعليك السلام ورحمة الله وبركاته

امرحب الساع نورسنا ^_^

نورت القسم لوول من متى نرقب قصيده من جداك

المهم ماعلينا القصيده مرره طرطيشن

وماعليها كلام

وحبيت اعلق على كمن بيت لوول

واضح انـــي فــــي تـأنــي وْ أنـتــظـر مــنـّـه ردود
لــيت يــدري بــْـطيب صدري مــا يزعّلني انــْـتقاد

هالبيت شدني وعيبني وايد ليش مادري لوول

يمكن لاني بنفس الطبع ويمكن شي ثاني

ليت يدري والله وصح لسانك فهالبيت ابدعت الصراحه

بينت انك انسان طيوب والزعل مايمر صوبك لوول

كمّ أكتــب كمّ أعتــب مــــــا أشوف الا الـــصـدود
ما عليـّه لـــــو عليـّه تــْـوجهت نـــــــار الـــــــزنـاد

مشكله والله يوم تعاتب وتكتب واللي جدامك يتجاهل هالشي

وماتشوف منه الا الصدود بس عاد الزناد مره وحده لوول

لا ان شاء الله ماتوصل هالمواصيل

يا مـِـعــــانـد لا تـِـعــانـــد وان تجــــاوزت الـــحدود
لا تـِـلوم ان شفـْـت يـــوم انـّك يغـَــطيك الـــظماد

يابوي لا تعرف شو انا بخبرك احم احم

هم ما يعرفون شو الشعور الا يوم يغتاظون اصلا

يوم يحسون بنفس اللي انت تحس فيه ذيج الساعه يبحسون

يوم تعاملهم بنفس اسلوبهم بيحسون انهم الغلطانين

بس بعد لا تعاملهم شرات اسلوبهم خلك احسن منهم لوول

يمكن فيوم من الايام يلين قلبهم يوم يشوفون طيبه قلبك

وجني تفلسفت وايد

المهم صح لسانك ولا هنت عالقصيد الغاوي نورسنا __DEFINE_LIKE_SHARE__

آ۶ـشڨ ڎآڪ }›،. · 10-03-2008, 05:37 PM

صح لسآآنك .,

مآشاء الله عليك ابدعت ,.

ولك مكآآن في الشعر وـآـآضح ,.

الخيــــانه فــــي قوانـيـنــي تــرا فيهــــــا حــِـدود
والحبيب انْ مـــا وفـــا .. فــالحــال أعلنت الـْـحداد

حبيت هالبيت وـآـآيد .,

والقصيده آكثر وآكثر .,

عجبني المعنى .,

نرقب يديد حروفك ,.

وربي يحفظك يآالشاعر __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~{ جيت متأخر ,, } يديدي ,, حياكم	ઇ النورس ઇ	شعر و خواطر	25	07-17-2010 08:01 PM
طفل اعرب كلمه بغداد ,, اعراب تدمع له العين... حياكم ...	الرهيب القطراوي	الإستراحه العامة	4	03-08-2010 08:41 AM
كلمه تستعرض كل الصور اللي بكمبيوترك حتى اللي محذوفه	ĚŋDmaĵ ǺĹaЯωaà7 } ..~	طلبات البرامج والشروحات وحل مشاكل الحاسب الآلي	8	01-16-2010 01:59 AM
جديدي بعد غياب .. ^^ .. حياكم	ઇ النورس ઇ	شعر و خواطر	49	08-07-2009 11:37 AM