فضيحة باريس غاليري !!!!!!!!

~ قبر يضمني ولا شخص يذلني ~ · #1 10-03-2008, 02:54 AM

السلام عليكم ورحمه الله وبركاته

مرحبا مرحباااا السااااااع

جيف حالكم ؟؟؟ ..... شحالكم ؟؟؟...... انشاللـــه بخيـــــــــــر !!!

المهم

هالموضوع نقلته من احد المنتديات بناءا على طلب صاحبة الموضوع بنشره

أعرف انه الموضوع صدمكم

بس هذا إللي حصل

البارحة أنا رحت باريس غاليري إللي في صحارى الشارقة

واشتريت شنطة جيفينشي للعيد

ويوم رحت البيت وأنا مستانسة عليها رحت فتحتها ولاحظت انه فيها ليبل جلد من داخل

وانصدمت بالمكتوب فيها

وطبعا ماركة جيفنشي ماركة فرنسية معروفة المفروض انشوف مكتوب عالشنطة انها صنع فرنسا

بس اتفاجأت انه المكتوب

Made In China

طبعا انصدمت واتصلت في المحل وخبرتهم

قالولي لا مب معقول هالكلام وارتبك مدير الفرع وقال تعالي نتفاهم

رحت لهم ولف ودار علي المدير عشان يصعب علي إرجاع الشنطة إللي شريتها بـ 1500 درهم

أنا أصلا استغربت من سعرها من البداية

وهم عطوني خصم تقريبا 300 درهم، فاستغربت لأن هاي أول مرة أعرف انه يسوون خصم عالماركات

وقال المدير انه جيفنشي اتصنع في الصين شنطها واتبيع للشرق الاوسط لانه سعر تصنيعها أقل في الصين

قلتله أنا إذا بشتري من الصين بشتري تقليد ليش أشتري أصلي

وبعدين ليش ما قال هالكلام من البداية يوم كلمته بالتيلفون، أصلا هو قالي مستحيل صنع الصين بالتيلفون

وبعدين يوم رحت عنده أبا أرجع الشنطة غيركلامه وماطل واتفلسف

قتله مايخصني رجعولي فلوسي وخذوا شنطتكم وأنا بشتكي عند الدائرة الاقتصادية

وفي باريس جاليري ما عندهم سياية إرجاع البضاعة عندهم بس استبدال

بس مع هذا رجعولي فلوسي، وهذا دليل انهم غلطانين

...............

الصراحه انا ما انصدمت وايد بس عنبوو لهدرجه الغش قلنا العطور بعد الشنط حشى اسم وماركه وحالتهمم لله

.....

مب مال شنط لا هي ولا ايقنر وهالخربطان اسم وسيط وحالتهم لله كله شرم برم لوووووووووول
Gevenchy مالت عليهم بس ماااااااااالت انا مااا ادااااني اشترى شي عندهم من يومي ...وبعدين

تبون نصيحتي خذولكم من اي سوق الحره ولا من فرنسا والمانيا ولندن !!!!!

....

ترااا اتريااا ردودكم !!! ^_^ __DEFINE_LIKE_SHARE__

~~Зĩήąώị мτћŵя~~ · 10-03-2008, 03:04 AM

شوفي كاتبت الموضوع

هي مب غلطه هاي وتحصل في كل مكان

يمكن بالغلط و الغلط وارد

و معروف باريس غاليري مشهور و هاي اتي وتضيع ع الشنطه انزين شافت ماركاتهم الثانيه ؟

اذا كلهم نفس الشي غير

بس احلى شي العطور وبس ههه __DEFINE_LIKE_SHARE__

nootyboy5555 · 10-03-2008, 03:26 AM

سلااااااااااااام عليكم اخووواني ......... الصراحة انا مااحب اخذا اي شي من باريس جاليري ماادري احساس ايني انه كل سامانهم غش والحمد لله اعطوررررررررري واشياء كلها من لندن احم احم .......واذا ايحد يبغي شي فاله طيب ومن اعيوني والسموووووووووووحة __DEFINE_LIKE_SHARE__

~ قبر يضمني ولا شخص يذلني ~ · 10-03-2008, 04:03 AM

^____________^

يثلمو على الردوود

هيه والله صدقك nootyboy

احلى شي عطور الي فا لندن <<< اتحس غيـــررر !!!

مب مال باريس غاليري <<< كله تعبئة من جبل علي !!! __DEFINE_LIKE_SHARE__

غيووورة · 10-03-2008, 07:51 PM

الصراحـــــــــــــــــــــــــــــــة راحة
الكلام كلة صح الخارج نفس الداخل
نحن قبل الشراء الشي لازم انشوف ونتأكد
وتسلمممممممممممممممون ع الموضوع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اطلب ما تريده من باريس غاليري .. !!	محروم.كوم	منتدى أخبار المواقع والمنتديات العربية والأجنبية	0	07-15-2010 03:40 AM
عطورات فخمة من باريس غاليري	محروم.كوم	منتدى أخبار المواقع والمنتديات العربية والأجنبية	0	03-20-2010 09:40 AM
رجعنالكم مرة ثانية ((أختار أي عطر من عطور باريس غاليري بسعر أقل ))	محروم.كوم	منتدى أخبار المواقع والمنتديات العربية والأجنبية	0	06-26-2009 04:52 PM
للبيع ساعة GF وخاتم Aigner من باريس غاليري .. (نسائي)	عيونـــي22	بيع و شراء و عروض التجارية	5	06-22-2009 11:12 AM
للبيع ساعة GF وخاتم Aigner من باريس غاليري .. (نسائي)	محروم.كوم	منتدى أخبار المواقع والمنتديات العربية والأجنبية	0	06-15-2009 08:30 AM