قصـــــــــــة واقعيـه بروايــــــه دراميـــــــــه سنافيه*****

محروم.كوم · #1 06-24-2010, 02:30 AM

سلام يارجال
قصتي هذي وقعت في زمن من الازمان

وابي اروي القصه بدون اي تكلف محاول ايصال المعلومه
بكل سهوله ويسر
انا احد ابطال هذي
القصه كان عمري انا ذاك 14 عام
عمي شقيق الوالد
كان تاجر ابل وكان يجلب الابل للعراق في تجاره دوريه مقسمه
بين التجار يعني كل شهر يروح تاجر من التجار ويجلب
بضاعته ما علينا
طلبت من ابوي ان اذهب مع عمي
فوافق بعد كل كلفه
واقناع (صحت عنده لين قال طس عن وجهي)
تم التجهز لمثل هذي
الرحله الشاقه وتجهيز الزهاب الكافي كان وقت المغادره قبل
صلاة الفجر بساعه يعني جهمنا انا ما جاني نوم فرح بالرحله
وخايف عمي يروح عن كنت نيم عند الرحول ورابط الحبل برجلي

المهم بعد مامشينا مسيرة نص نهار
امر عمي الرعيان الوقوف والتزود بالوقود
حلووووووووووووووه وقود

الوقود ان البعارين تفلي بالمرعى شوي حتى تستطيع مواصلةالسير
انا بسوي نفسي شقردي عند عمي شبيت النار وزينت الدله عمل الدله قديما متعب حمسة القهوه وبعد دقه بالنجر
ومن حسن الحضي كان هناك قهوه جاهزه بس فوحته بالملقمه وزليته بالدله
المهم قهويت عمي وتقهوو الرعيان وتناولنا الميسور من قرص الجمري

وشربنا الميسور من حليب الابل
وواصلنا المسير قبل مغيب الشمس لقينا معشا زين وتوقفنا فيه للمبيت
اول لليله كانت متعبه لي
انا مواصل لي يومين ما نمت بس صلينا المغرب والعشاء
حطيت راسي مااشوف والله ما تسمع غيرصوت شخيري انواع التقاسيم المنفرده

نوم البر غير شكل

صحيت نص الليل شبعان نوم

وشبيت النار وزينت المعاميل

وعجنت بسوي مصابيب

بديت اسوي اثر عمي صاحي

جلس يتقهوا وانا ازين من المصابيب الى يحبه قلبك

صلينا الفجر

وهمينا بالشديد

واصلنا المسير حتى مر علينا اكثر من 15 يوم مشي على الاقدام

وتبداء القصه

في اليوم ال15 من الرحله

صوت عمي صوت غريب للرعيان

واشوف حركات عمي غريبه

وش العلم

مدري؟

جدعني عمي بجحر حصني ورما علي هاك الرمثه وقال لا تتحرك

المهم في الحجر
لقيت فروخ الحصني تعضضني تحسبني صيده جايبته امهم
وافترك على واحد منهم واعضه ذيك العضه
اما عضيته تكفون مشوي هذي لي

نرجع للقصه

اعلم ان عمي لا يمزح في مثل هذي الامور

الى حصل انه غزونا قطاعين الطرق ونهبو حلال عمي بالكامل

ما بقا غير الرحول كانت كبيره بالسن ما اخذوه

ما قدرعمي يقاوم كان عددهم كثير

ولو قاومهم كان ممكن يذبحونه هو ورعيانه

حصل الى حصل

قال الراعي لعمي

ياعم

تساوا السنام بالغارب

رد عليه عمي

قال

(*الغارب غارب والسنام سنام)

اثناء ما عمي محتار في حلاله الى راح وتجارته الى خسره

كنت متوقع نرجع حق ديرتنا

لالالالالالا

قال عمي نبي نصبر ما نبي نرجع الحين

قال

بعد 15 يوم من اليوم تبي تمر منا قافلة ابو فلان

ونبي نشريه منه

خلال

ال15 يوم كدنا نهلك

قوتنا من صيدنا فقط

ما علينا

بعد 15 يوم جا قافلة رفيق عمي

واشترا عمي القافله بالكامل

طبعن اجل

ما صدق خبر رفيق عمي انه يتخلص من القافلة باقل التكاليف ويرجع لهله

قال عمي رح معهم ياولدي خاف علي من مشقت الطريق بعد الاحداث الاخيره

ما طاوعتني نفسي اترك عمي لحاله

واصلنا المسير متجهين الى بغداد

قبل وصولنا الى بغداد مسيرة يومين

امر عمي الرعيان الوقوف

قال نبي نجلس لنا كم يوم

الماء راهي والمرعى

هذي الفكره دها التجار

طبعن سوق بغداد كان ينتضر قافلة عمي ولم تصل من شهر

ومن بعد القافله الثانيه وهي ملك عمي الحين

وارد عمي ان يشح الابل في السوق حتى ترتفع اسعاره

بعد فتره من الزمن

دخل عمي سوق بغداد بنص الحلال

وباعه بقيمة حلاله المسروق بالكامل

وبعد فتره اخرا من الزمن

دخل السوق بالنص الثاني وباع الحلال بالكامل

بسعر الحلال نفسه

بهذي الطريقه

السنام رجع سنام

والغارب ما تغير عن حاله

عطاني عمي مبلغ من المال قال ادخل السوق اشتر ما تشاء من السوق

عاد انا ما كذبت خبر
شريت لابتوب توشيبا اخر اصدار
ههههههههه
في امان الله

جميع ما ذكر في هذي القصه هو من نسج الخيال

مقتبسه من قصه حقيقه
رحمة الله على ابطاله وجميع اموات المسلمين
__DEFINE_LIKE_SHARE__