عـــين الســـيح - ماهو عين السيح ؟؟ يا ابو رداد ؟ ادخل وتعرف !!

محروم.كوم · #1 06-23-2010, 02:30 PM

السلام عليكم اعضاء ومشرفين ...

اليوم موضوعى عن عين السيح طير ابو رداد !!

بعد موضوعه اللى تابعناه كلنا على مدا حرق اعصاب

اقول ماشالله عليه والله يحفظه من العين شوف الوجه !!

وشوف هالوضع كأنه يقول لبو رداد اشرايك فينى ؟؟

وهنا يقول والله كبرنا وتغير الريش بس الفعل بزود انشالله يا ابو رداد

وهنا فرحة ابو رداد ما توصف ولا الومه ماشالله طير فعله ينومس .... ويستاهل العشا...

اما بالنسبه للاسامى انا اقول وهذا اقتراح عين السيح خوش اسم بس !!! عندى انا حسب سالفته وشلون وصل لبو رداد وصار من اغلى طيوره اقول ماله من الاسامى الا ( مقسوم)

لانه الله سبحانه قاسمه له رغم انه صفطه لربعه جابه الله له اهو واهو يستاهل ....

طبعا فيه هديه لبو رداد او جائزه على هالموضوع المميز!!

واهو يستاهل شرواكم ::والجائزه قصيده واتمنى تعجبكم وتعجبه واسمحولى على القصور ..

الحروف اللى تبى وضع من تحت النقط
..............ما تعاند شاعر ٍ يبدع...... القاف العسير
بيض الله وجه.. هاروت يومنه..... خلط
................نوع من جينات شاهين مع جينات جير
اشهد انه فاهم العلم.... ما يخلط .....عبط
..............واصبح المنتوج صاروخ بس بشكل طير
جير شاهين ٍ على الخرب دايم به سخط
.............. ايه عين السيح بالصيد كالسيف الشطير
جابه المقسوم والحظ ....يومنه ...صفط
..............جا لبو رداد مقسوم واللـــــــــــه القدير
دربه تدريب فنى.... وعلمه ....الخطط
..............وبعد تقريبآ شهر صار بالهده ....خبير
لا نتل سبقه على الخرب خربه ما مغط
.............علمه بالجو. .وشلون.. تحديد... المصير
كل ما ورد على الراس بالكف وشعط
............ضاق بالخرب المسيكين هالكون ..الكبير
ولا استوى بالطرد عرٌض على الجنب ومعط
.............وطش ريشه فوق إعلان للوضع الخطير
ثم شهر للغيم ثم ٍ تــنكس وانخرط
..............لعبة ٍ لامن بداها تشوف... طيار... غير
ولا قضا لعبه مع الراس تله ثم هبط
...............تل زحزيح ٍ نشيط ٍ ...لدلو ٍ وسط... بير
ما الوم اللى قنص فيه لامنه ربط
..............بعد فعله صار .بالقلب.... ماحوله... خشير
اشهد انه يكحل العين من بعد القحط
..............بعد ست شهور ربطه.... ينسيك .. الهجير
صاحبه لا فك سبقه تنومس وانبسط
...............نادر ٍ صيدته..... وياه... ما تقدر.... تطير
بيض الله وجه هاروت يومنه خلط
...............خلطة ٍ من جين شاهين مع جينات جير
واهبه ربى من العلم مايخلط عبط
.............واصبح الانتاج صاروح بس بشكل طير
والحروف اللى تبى وضعها تحت النقط
..............غصب ترضخ لى وانا مروض القاف العسير

اخوكم: مــــــطلق الفــــــــــزران

__DEFINE_LIKE_SHARE__