صور من البومي واتمنى ان تعجبكم

محروم.كوم · #1 06-23-2010, 12:20 PM

اولا صبحكم _ مساكم الله بالخير جميعا اعضاء وزوار
اليوم جايب لكم كم صوره من البومي لعلها توسع صدوركم بالقيض والحر:s الي نحسب ايام متى يخلص
ويجي وقت البراد والمقانيص
اولا نبدأ بصور الكراوين وبسم الله
الصوره الاولى قبل الغياب بربع ساعه واول صيدنا والحمدلله مبوسوطين وطايرين من الفرحه
لان تأكدنا ان فيه كراوين بمنطقتنا واول الخير قطره
وهذي هي

وهذي الصوره الثانيه

وهذي الصوره من اصبحنا ونحصل اثنين وتعال دورنا تشققنا من الفرحه لاحظ علامه الجيب فيها راس الي باصوره الاولى راحت بالبطن

وهذ فرخ الدرج لقيناه بطريقنا وفي ناس يسمونه الدرجلان وفي بعد يسمونه القيروان
وسبحان الله ياجماعه يوم قربنا منه يرص عمره بالارض مثل الحباري

والحقيقه كنا نبي نصور معه ونفكه وهذا الي صار

وهذا سلمكم الله الغالي على قلبي طيري وراد (طلع)(ركاده)(صايد)(سبوق) اذكروا الله تكفون يالربع
لاتقولون موسوس يخاف من العين لكن لاتلوموني العين حق وهو غالي علي

وهذا الملثوث ضاع مني بشهر واحد بمدعى الوليد طير سبوق وصاد معي وحده (دجاجه) لحوق لكن العقبان ماقصرن اغدنه

وهذي الشيهانه مثلوثة البحر الي ذكرتها في موضوعي الاول كراوين وسبق(ن) فااااااااارط

واتمنى ان يكون الموضوع حاز على استحسانكم
وان شاء الله يجيكم الموسم وانتم بأتم الصحه والعافيه ونرتاح ونطرب على شفنا وهوايتنا
والصقار مثل مايقولون مقيض مع طيره
والسلام ختام
وحبيت انهي الموضوع بصوره تنعش القلب وان شاء الله نشوفهن قريب

اخوكم : صقـــارB __DEFINE_LIKE_SHARE__