متعب القلب

قـلب دبـي · #1 10-02-2008, 02:02 PM

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’
لاصرت تجهل عناء الدنيا .. وضيقاتي ,,
من دون ماشرح لك اوضاعي تأملهـا ’’
الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’
لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألها ’’
يسكني الحب .. واضح من عباراتـي ,,
وش عاد لجلـك حروفـي لـو أدللها ’’
عذبني الشوق واسرفـت بخيالاتـي ,,
روح ٍ تحبك دخيلك ليـش .. تهملهـا ’’
ياليتك إشوي تشعـر فـي معاناتـي ,,
دنياك يمكن عليـك تضيـق باكملهـا ’’
الحزن كنه سفيـري فـي علاقاتـي ,,
والهم خيّم على حالـي .. وطولهـا ’’
اغديت دربي وتاهت فيـك خطواتـي ,,
كل المواعيد مـدري ليـش تجهلهـا ’’
سنين احاول وضاعت كـل حيلاتـي ,,
ماتدري اني ( حياة الـذّل ) مقبلهـا ’’
لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’
لا تتـرك الظـن يلعـب باحتمالاتـي ,,
الكلمه اللي تحـزّ بخاطـرك .. قلهـا ’’
تعال شفني وحـس بحـال لوعاتـي ,,
كن الدقايق بدونـك عـام مطولهـا ’’
متى التباشير بقدوم ( الغـلا ) تاتـي ,,

فرحة زمانـي بشوفـك مـا تخيلهـا ’’
خلاص صبري تعـدى كـل هقواتـي ,,
اتعبت نفسـي ( اعزيهـا .. وعللها ) ’’
ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’
والحين جيتك ابمسح كـل غلطاتـي ,,
دنيـاي دونـك وربـي ماتحملـهـا ’’ __DEFINE_LIKE_SHARE__

♕ وليد الجسمي ♕ · 10-02-2008, 06:53 PM

صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غلاك ف القلب يكبربي ويتسلل ... يقولها القلب قبل ماتقولها شفاهي ... v.t.c	..{mr.shrjawy }..	سيارات و دراجات	18	11-07-2009 12:48 PM
متعة متعة تذوق طعم المتعة نغمة أصحاب الذوق الرفيع	محروم.كوم	منتدى أخبار المواقع والمنتديات العربية والأجنبية	0	06-27-2009 10:00 PM
نغمة جوال من القلب الى القلب http://up8.fileaty.com/download-ee65333d7f.mp3.html	محروم.كوم	منتدى أخبار المواقع والمنتديات العربية والأجنبية	0	06-01-2009 03:10 AM
يا متعب القلب	عيناوي حبتين	الشعر المنقول	3	10-03-2008 10:39 PM
يا متعب القلب قلي ويـش غلطاتـي ,,	‏غرور اماراتيهـ	الشعر المنقول	5	05-22-2008 07:59 PM