| ||||||
| | LinkBack | أدوات الموضوع | انواع عرض الموضوع |
|
#1
06-22-2010, 09:40 PM
| ||
| ||
| بسم الله الرحمن الرحيم اخيرا النسخة الرابعة من الفريموير نزل أمس ,,,و اي واحد يقدر يحملها و يستمتع بالتغيرات الرائعة اللي تمت على كل من الاجيال القديمة لي آيفون و آيبود توتش ,, و طبعا تقدروا تنزلوا ملف الفريموير عن طريق الآيتونز و يتم التحديث بشكل تلقائي ,,, و لكن بطئ سيرفرات التي يستخدمها برنامج الآيتونز و أيضا من الممكن حتى يعلق معاك التحميل فراح تضطر بعدها انك تعيد التحميل كلو من جديد لأنو على ما اعتقد انو لا يدعم خاصية الإكمال ,, فبدل ما تدخلوا في كل دي المتاهات راح ارفق لكم روابط عن طريقها تستطيعوا تحميل الفريموير بدون اي مشكلة و بشكل سريع و اي تستطيع ان تستخدم اي برنامج تحميل و راح تشوف التحميل اللي هوا ,,, انا صراحة اخذ من حوالي 6 دقائق ... اوكي دحين مشكلة الفريموير و حليناها و نزلنا الفريموير و كلو عسل ,,, لا بالعكس لو تقعد على الفريموير هذا من غير ما تكسروا ما راح نحس بالتغييرات اللي صارت مع هاذي النسخة من الفريموير اللي هي النسخة الرابعة ... الظلم اللي سوته شركة أبل انو مع هذا الفريموير عطلت ميزة تعدد البرامج اللي شغالة في الذاكرة و امكانية تغيير خلفية الصفحة الرئيسية و خلفية القائمة الرئيسية و ايضا عطلت ميزة حصولك على معدل شحن البطارية بالنسبة مثال : 20% حيث كانت في السابق فقط عبارة عن مؤشر اخضر ,,, بس بمساعدة الجيلبيرك يمكن لأي شخص نزل الفريموير الرابع تفعيل جميع هاذي المزايا و تستمتع بيها زي ايفون الجديد ,,, على فكرة شركة آبل عطلت الميز الثلاثة السابقة فقط على آي بود توتش الجيل الثاني ... دحين خلينا نبدأ الخطوات من البداية الى ان تحصل على الفريموير الجاهز على جهازك: الخطوة الأولى : حمل من موقع الشركة آخر اصدار من الآيتونز و هو اصدار 9.2 . الخطوة الثانية : حمل الفريموير من الراوابط المرفقة مع هذا الموضوع , و طبعا هاذي الروابط اللي جبتها لكم هي روابط مباشرة و تقدر تستخدم برنامج تسريع التحميل ... في الرابط راح يكون موجود فيه نفس الفريموير الرابع و لكن لعدة اجهزة و هي : اي بود توتش الجيل الثاني و الثالث , و الآفون 3G و الآيفون 3GS ... فاختار الرابط اللي يتناسب مع جهازك .. تنبيه : بعض برامج تسريع التحميل راح تحمل الملف على اساس انو ملف ضغط ,,, ما في داعي للخوف ,,, لمن يكمل التحميل تقدر تغير نوع الملف الى ipsw علشان يقدر يتعرف عليه برنامج الآيتونز ... طبعا اذا تحمل الفريموير بصيغة ipsw من البداية فلا يوجد اي داعي لتعديل نوع الملف .... الخطوة الثالثة : حمل برنامج اللي راح يعملك جيلبريك و هذا البرنامج اسمو redsn0w 0.9.5b5-3 و رابط التحميل راح يكون مرفق كمان ... و راح يتم شرح هذا البرنامج لاحقا ... الخطوة الرابعة : نزل الفريموير على جهازك عن طريق الآيتونز ... الخطوة الخامسة : طبعا في نهاية الخطوة الرابعة راح يكون الفريموير نزل على جهازك ,,, دحين في دي الخطوة راح نبدأ نعمل الجيلبريك باستخدام البرنامج اللي حملناه مسبقا redsn0w 0.9.5b5-3 .  زي ما شافين في الصورة اللي فوق ,,, انو في زر واحد بس تضغط عليه و تختار ملف الفريموير اللي نزلتوا مسبقا ,,, فبعدها راح تطلع لك رسالة تحذيرية انو اذا كان موديل جهازك يبدأ ب MC فمعناه ينصحك انك لا تكمل الجيلبريك و تختار yes اذا كان فعلا موديل جهازك كذا ,,, اما اذا ما كان يبدأ ب MC اختار No ... بعد كذا اضغط زر التالي ... و انتظر البرنامج راح ينزل شوية ملفات بعدها راح تطلع لك مثل الصورة التالية :  طبعا اللي محطوط عليها علامة صح نخليها زي ما هيا لأنها هي اللي راح تفعل لنا الميزات المعطلة في الايبود توتش الجيل الثاني ... و كمان نضغط زر التالي ... بعدها راح تطلع لك شاشة مكتوب فيها انو طفي جهازك اللي تبغى تحدثوا ,,, و كمان تأكد انو شابك في الكمبيوتر ... بعد كذا اضغط زر التالي ... بعدها راح تطلع لكم اللي في الصورة التالية :  و نتبع نفس الخطوات اللي مكتوب عليها ... بكل بساطة.... بعد كذا ما عليك الا انك تسترخي حتى البرنامج يعمل لك الجيلبريك و طبعا خلال الفترة دي كلها الجهاز لازم يكون شابك و انتبه الاتصال لا يقطع من على جهازك ,,, اقصد اتصال الجهاز بالكمبيوتر ... ممكن تحصل اشياء غريبة قاعدة تصير في الجهاز اللي قاعد تحدثوا بس عادي خلي البرنامج يشوف شغله ... في النهاية راح يقول البرنامج اللي في الكمبيوتر انو انهى عملوا ,,, بس راح يكون لسى جهازك اللي قاعد تحدثوا قاعد يضبط و يعدل نفسوا تلقائيا و راح يأخذ شوية وقت ,,, طبعا خلي الجهاز دايما شابك لا تفصلوا الا لمن تحصل الشاشة الرئيسية للجهاز طلعت و على كذا الف مبروك على جهازك الجديد و استمتع بمزاياه العديدة ... بالنسبة للمزايا ممكن اتكلم عنها في موضوع منفصل ... اتمنى انو الشرح يكون واضح ... بالنسبة للراوابط راح ارفقها بالموضوع ... و الحمد لله رب العالمين ... اخوكم الـــــرايــــق اذا في اي خطأ او تعليق لا تبخلوا على الجميع بيها .. الملفات المرفقة  links.zip‏ (646 بايت)
__DEFINE_LIKE_SHARE__
 |
| مواقع النشر (المفضلة) |
العرض الشجري
| |
الساعة الآن 08:28 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227