| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
11-09-2008, 08:09 PM
| ||
| ||
 الجزء السابع مر اسبوع ثاني على عوشه وهي ويا محمد في ميونخ تسوقت وقضت اوقات زينه وياه .. ومحمد كان يحاول انه ما يزعل لكن بعض الوقت كانت عصبيته زايده وعوشه تمررها له .. كانوا مقررين انهم يتمون اسبوعتين في ميونخ واسبوعين في لندن .. شلوا اغراضهم وساروا ع المطار .. وركبوا طياره لندن محمد كان يحس بتعب والدكتور واصنه ياخذ الحبوب بأنتظام وكانت الحبه ترقد .. فرقد .. عوشه تمت تطالعه .. : الحمد لله لي ربي هداك وخلى صدرك ينشرح لعبادته وتغير رايك من هاك السم .. تمت تتأمله للحظه .. : رغم تغيره لكن بعدني ما احس بشي اتجاهه ما دخل بالي ولا عقلي ولا قلبي ؟؟؟؟! قلبي ؟! قلبي مسدود ما احس بشي من الحب لمحمد .. يمكن حسيت في هالفتره بالامان صوبه لكن ما احس بالحب ..؟! يمكن لانه في عادات داخله ما تغيرت ولا يقدر يبدلها لو كان ما كان .. تذكرت اغنيه ميحد : وين الخل المزوحي .؟ ابكي يوم اذكره .. عوشه ابتسمت : هيييه ها يا سيف .. اسميها مرت اياام وانته بعيد .. كيف حالك الحين ------------------------------------------------------------------------------------------ كانت الساعه 7 الصبح من بعد ما صلوا الفجر سيف ما ياه رقاد نش وتسبح ولبس بدون ما يدري مايد .. طلع و تم يتمشى في الشارع ويتذكر ايامه يوم كان يدرس هنييه ويمشي من الشارع اللي ساكن فيه لين هذا المكان عشان يشتري أغراض له سيف يالله كيف الجو بارد .. : حط ايده في مخباه ودخل ع ستار بكس وخذله كبتشينو وظهر تم يطالع الناس ويتامل فيهم .. يا سلام على لندن وشوارعها .. أسميييييج اياام سيف : يارب ياكريم .. تعافي خليفه من هالعوق وترده لدياره سالم مشى وتم يطالع المكانات .. وقف عند كرسي تذكر يوم كان ايلس عليه هو سوزان اللي كان يحبيها .. سيف : حب ورى حب ورى حب وكله فااشل .. يلس على الكرسي ونزل الكااب على ويهه .. وتساند على ايده وغفل .. أول ما رقد حلم في حلم حلم بأنه يالس عدال خليفه في المستشفى وشاف انه عوشه اللي تعالج خليفه وهو محتر يطالعها ... وهي تطالعه مستغربه .. بعدها خليفه قال له : سيف ما اباك تفكر في عوشه تراها ملكي ؟؟ وبعدها شاف خليفه وحاط ايده على جتف عوشه ومبتسميين نش من الحلم وتم يطالع الناس والشارع والدنيا .. طالع ساعته وشافها الساعه 10 الا ربع نش بسرعه سيف : اوووووووووف طوفت عليه السيره وانا هنييه راقد واحلم في حلم سخيف ما ادري شو تفسيره مايد : ما ادري والله وين سار ام خليفه : اتصلت فيه مايد : ما خليت مكالمه ام خليفه تضايقت : لا حول ولا قوة الا بالله وين سار الولد مايد : قومي نشي امايه نسير صوب المشتشفى يمكن هو هناك ونحن ما ندري ام خليفه : ان شاء الله شمسه يالله مايد سار اول ما نزلوا حصلوا سيف ياي يربع وشافهم ويا صوبهم مايد : وينك يا ريال زغنا عليك سيف يلقط انفاسه : طلعت اتمشى وشربت كوفي شربتها وانا يالس ع الكرسي فغفلت وما دريت بعمري الا الحين .. سيف شاف شمسه تضحك وضحكتها ذكرته بعوشه تم يطالعها .. مايد : الحمد لله يوم انك بخير ولا صارلك مثل ما فكرت ام خليفه : ما عليه شر الحمد لله يوم انه ما ضاع ولا تاه سيف : انا اعرف هالبلاد شبر شبر يا اميه دارس فيها 6 سنين كيف تبيني اتوه فيها ؟ ام خليفه : ما شاء الله علييك حفظك الرب يالغالي ما يد : يالله انسير سيف : يالله ------------------------------------------------------------------------------- اول ما وصلو المطار كان محمد يطالع يمين ويسار .. عوشه حاسه بشي في قلبها .. : شو فيه هالريال ؟؟! شو سالفته .. محمد شاف ربيعه الاجنبي وتحاظن وياه وتم يكلمه بلغه ما فهمتها عوشه قاله انه عوشه حلوه وسأله عن ايدها وخبره انها طاحت وانكسرت ايدها محمد : يالله عوشه عوشه : وين سايرين ؟ محمد : بيستضيفنا في بيته عوشه حست بصدمه .؟! : شوو ؟! محمد : هو واعدني من يوم كنا في المانيا يوم اني اتصلتله عوشه : حتى لو يا سيف ما بنحس براحه محمد : ما علييج الطابق الفوقي كله لنا لانه هو ما عنده حرمه عوشه : شووو محمد انته تخبلت ؟ محمد عصب : عوشه لا تخليني اعصب عوشه متضااايقه تمت ساكته وكاتمه غيضها محمد مشى ورى ربيعه وساروا وياه في موتره الاودي عوشه بعدها متغايضه ومحمد يرمس ويا الريال وكنه من جنسه يرمس بكل ثقه وطلاقه .. كان يرمس وياه ايطالي وهالريال يعرفه من سنيين من كثر ما يتردد محمد على لندن ومره سار يدرس إيطاليا سنه عوشه كانت مستغربه كيف محمد يعرف يرمس جيه ؟ محمد : يقولج الريال مسوي عشى وروحه طابخ عوشه يودت راسها وما عرفت شو تسوي سكتت موليه : مستحييييل يا محمد تتغير مستحيل محمد : شو رايج عوشه في خاطرها : ولي راي عندك محمد : شو بلاج ما ترمسين الاجنبي كان يطالعها في المنظره بس كانت ما تبين محمد : ردي عليه لانه الريال بدى يشك محمد قال للاجنبي انه عوشه شويه خجوله وتستحي تتكلم فضحك ---------------------------------------------------------------------------------------------------- خليفه متضايق : متى بمشي عدل يا سيف سيف : الصبر جميل يا خويه مايد : اللي بدايته خير يا خويه نهايته خير .. ريولك بدت تتجاوب ويا العلاج والحمد لله انته احسن عن غيرك خليفه : الحمد لله رب العالمين سيف : اذا لي معزه عنك يا سيف لا تقول هالكلام جدام امك .. خليفه تم متضايق : ان شاء الله سيف : والله ما شي مثل قلب الام يا خليفه .. يتقطع على شوفة العيال يتألمون ولو تدري كل يوم تتمنى المظر فيها ولا فيك خليفه تنهد ------------------------------------------------------------------------------------------------------- دخلوا البيت وكان نظيف ومرتب محمد : ما شاء الله شوفي البيت اللي مب عايبنج عوشه حاسه بضيق وبكتمه الاجنبي شل اغراضهم وحطهن في الطابق اللي فوق وقالهم اتصرفوا فيه كأنه بيتكم .. عوشه حطت اغراضها ويلست على الشبريه محمد : هذي احسن غرفه عنده عوشه سااااكته وتطالع الصوب الثاني محمد عصب وزعق : عاد ارمسي اف عوشه عصبت : شو تباني اقول محمد معصب : انتي مول ما يعيبج شي الريال مستضيفنا في بيته المفروض تستانسين عوشه هدت : كل اللي انته تسويه زين محمد نش من على الفراش : شكلنا ما بندوم في هالبلاد وايد محمد بعصبيه : يالله يالله ننزل نتعشى عوشه حست انها تبا تصيح .. : ما تعرف شو يصيب هالريال .. كييف بتفهمه .. تحس انها تعبت وزهقت وملت منه .. قلبي مشتعل ومحترق ,, شو هالعيشه المره .. شو هالعيشه لا حولا ولا قوة الا باالله العلي العظيم سارا تيددت وصلت صلاة العشا ونزلت بعباتها الاجنبي كان وايد مستغرب ليش عوشه ما عقت ثيابها فقاله انه في الاسلام انه الحرمه ما تعق ثيابها جدام غريب الاجنبي زعل .. ورد عليه بانه هو مب غريب عوشه وايد مستغربه من نظرات الاجنبي لها محمد كان يبا يغير الموضوع محمد : نسيت اقوله شو اسمج عوشه تطالعه بخوف .. محمد : سابستيان عوشه عوشه سبستيان سبستيان استغرب سبستيان : I like it عوشه منقهره من محمد وربيعه: عيل يعرف انقليزي ليش ما يرمس هالسيسبان محمد تلوم يوم سمع حرمه تقول هالكلام : سبستيان : no my name is sapastyan عوشه : عاشت الاسامي محمد قاله انها تقوله اسمك حلو سبستيان مبتسم ويطالع عوشه : thanks ويلس محمد يسولف ويا ربيعه وبعدها ساروا يتعشون ------------------------------------------------------------------------------------ __DEFINE_LIKE_SHARE__  |
|
11-09-2008, 08:10 PM
| رقم المشاركة : [ 2 ] |
| عضو ماسي | ------------------------------------------------------------------------------------ خليفه : امايه ام خليفه : عونك يا الغالي خليفه : في خاطري آكل مجبوس سمج من ايدج الحلوه هاي ام خليفه : مااااااااطلبت يالغالي خليفه : فديتج والله سيف : بس يمكن ما يخلونك تاكل خليفه : خلهم يولوون أكل الولده هذا ما يضر سيف : بسأل الدكتور مايد : اكيد ما بيمانع لانه الحمد لله صحته زينه ولله الحمد سيف : الحمد لله خليفه : قالي باجر عندي موعد عشان يغيرون لي الجبس قال انه هو الصبح في العياده ولازم ايي هنااك سيف : متى ؟! خليفه : ع الساعه 10 الصبح سيف : بنودييك افا عليك خليفه : تسلم والله ما اعرف جميلكم وبين اوديييه ... كيف ارده كيف اعبرلكم سيف : نحن خوانك يالغالي لا تقول هالكلام مايد : انته ما بتسكت جنه لسانك يباله قص والله يا خلوف خليفه : ياالله من زماان ما سمعتك تقولي خلوف مايد : هههههههه خلوف سيف : راعي الكرك خليفه ابتسم : هههههههه وضحكوا وياه خليفه : ياالله متى بنرد البلاد عشان نسير عند عبد الغفور .. مايد : عندي رقمه بتصله نستعبط عليه شويه هههههههههههههه خليفه : احلف سيف : تدريبه انته ما يخلي حد في حاله ياخذ ارقامهم بس عشان يلعوزهم خليفه : اتصل اتصل خلنا شويه نظحك ام خليفه : شو تبوبه عاد الحين يمكن راقد خليفه : هههههههه راقد حلالالالالالاته والله مايد اتصل تم يرن وبعدين شله عبد الغفور وحطه على السبكر : آآآلو مايد : ههههههههه الووو عبد الغفور عبد الغفر : نعم مايد : شووو انته نووم عبد الغفور : هي نوم منو ؟ مايد : انا مايد ما في معلوم عبد الغفور : منو مايد مايد : انا مايد غفوووري كيف حالك غفوري سيف يضحك : دوم يقوله جييه عبد الغفور : مايد هي هي عرف وين انته ليس ما في يجي مايد : انا سافر لندن عبد الغفور : لندن ليس ما في ودي انا حرامي واحد الكل : هههههههههههههه مايد : نشاد عنك عبد الغفور : شو مايد : عبد الغفور انا شوف منيه بنيه هندي وايييييد حلو انا قول حق بنيه هذا عبد الغفور وايد حلو لازم يتزوج انتي عبد الغفور : هههههههه لالا انا في حرمه داخل بلاد الكل : هههههههههههه مايد : والله انه له بارض يسولف ههههههههههههههه عبد الغفور : الو مايد : انزين كم بجاااه عندك ؟ عبد الغفور : 2 بنيه واحد ولد مايد : ياااالله اسميك بتكد عليهن البنات عيل عبد الغفور : بنات وايد مشكل يبقي فلوس عسان سوي عروسه مايد : الله يغربلك انتوا مسلمين والعروس تعطي مهر خليفه : ما يسووون عندنا في البلاد جييه اسمينا بنفتك الكل : ههههههههههههههههههههههه مايد : زين غفوري انته معلوم خليفه ؟ عبد الغفور : خليفه منو مايد عطاه التيلفون ------------------------------------------------------------------------ عوشه شافت غراش الخمر في كل مكان محطوطه حتى على طاولت العشى .. حست انه راسها بينفجر من ريحته محمد طلب من سبستيان ايبله هو وعوشه ماي واستغرب سبستيان يوم انه محمد طلب هالشي سيستيان كان يتذكر انه محمد كان يشرب خمر ومن اجود الانواع شو ياه هالوقت عوشه ما كلت وايد وقالت حق محمد انها بتسير فوق عشان ترقد شويه ومحمد قالها سيري وهو بييلس ويا سبستيان شويه وبيلحقها عوشه مشت بسرعه وركضت على الدري ليييين فوق دخلت حجرتها وسارت صوب الحمام ورجعت كله اللي في بطنها من ريحت الخمر اللي كانت تارسه المكاان .. تمت تصيييح عوشه : ياااربي شو اسوي بعمري وين انا من الدنيا .. ابا ارد البلالالالاد ابا اسير عند هلي .. فطييم ابا اتصل فيها شلت تيلفون محمد اللي كان على الطاوله واتصلت في فطيم كانت الساعه 9 عندهم في الامارات تم يرن التيلفون بعدها شلته فطيم عرفت الرقم لانه عوشه كانت متصله عليه قبل فطيم : عويييييش عوشه تصيح : هلا فيطم فطيم اول ما سمعت صوبها ارتعب قلبها : عويش شو فيج ؟ عوشه : فطيم .. ما اقدر خلاص ما اقدر فطيم نشت واقفه : عويش شو فييج .. عوشه متضايقه وتصيح : تعبت من محمد يا فطيم خلاص فطيم : عويش اهدي مب زين تسوين في عمرج جيه شو السالفه شو فيه محمد عوشه : فطيم والله ما ابا حد يعرف من هلي والله قومي اطلعي عنهم اذا انتي عندهم فطيم : لا انا في الحجره روحي عوشه : حتى سالم ما اباه يعرف . فطيم : انزين انتي هدي وقولي شو السالفه عوشه : تخيلي اليوم ربطنا كشارنا وسرنا لندن والحين نحن في بيت ربيع محمد إيطالي .. منو هالصاحي اللي بيخلي مرته تيلس في بيت اجنبي خمار كافر ما يعرف للدين ولا شيات فطيم مب عافه شو تقول .. : عويش استهدي بالله لا تصيحين جيه بيضربج انهيار عوشه : خليني انهار ولا هالعيشه يا فطيم ما تدرين شو العذاب اللي حصلته من محمد وشو صار ( لين الحين كاسر ايدي كسرها يا فطيم كسرها فطيم : شووووووووووووووو ؟ شو فيه ليش يسوي جيه ؟؟ عوشه ما قدرت ترمس .. : فطيم والله احلفلج باللي خلقني ما تخبرين حد ادعيلي يا فطيم ادعيلي فطيم يتها الغنبه تزعق : عويش خبريني عوشه : فطيم لا تتصلين لي على رقمه ارجوج ارجوج بس ادعيلي فطيم : ان شاء الله بس لا تصيحين توعديني ما تصيحين عوشه : الحين ببند عنج ما اقدر اطول اخاف يسمعني فطيم : اوكي وبندت عوشه عن فطيم تم قلبها يعورها وما قدرت تتحمل فنزلت دموعها على عوشه .. ----------------------------------------------------------------------------------- سيف ومايد واهله طلعوا عن خليفه وساروا صوب الفندق مايد : من يينا هنيه ما طلعتوا شرايكم نتعشى اليوم في مطعم ام خليفه : مالي طربه ع المطاعم يالغالي مايد : بندخل بنطلب عشى وبناكل وبظهر ما بنطول يعني ام خليفه : لالا ما لي طربه على هالسوالف انتوا طلعوا روحكم وانا وشمسه بنظلب عشى من الفندق مايد : الله يهداج يا امايه اللي تبينه سويه ام خليفه : يالله فمان الله وصكت باب التكسي -------------------------------------------------------------------------------------- مر الوقت وعوشه طايحه على الشبريه وتصييح وفطيم في هالوقت نفس الشي كانت مب راقده طايحه وتشوف سالم راقد .. وكانت تدعي طول الليل انه ما يصيب عوشه شي من محمد محمد تأخر واستوت الساعه 2 فلييل عوشه تحس انه جايستنها انفضه ومب قادره تتحرك من مكانها : ياربي شو يسووون شو السالفه ما اقدر اطلع ياربي محمد في هالوقت كان شارب ويا ربيعه سابستيااان ليييييييييين غطوا بالنوم على الغنفه ------------------------------------------------------------------------------------------------------------- في صباح اليوم الثاني الساعه 9 نشوا قوم سيف وسارو صوب خليفه عشان يودونه صوب دكتور العظام يطالع ايده .. وكان موعده الساعه 10 عوشه نشت من كثر ما ينبح جلب اليران وحست انه ايدها تعورهااااااااا والمكان اللي تحت الجبس وارم .. عوشه : لا حول ولا قوة الا بالله نشيت سبحت وخلصت ولبست عباتها ووقايتها وفتحت الباب بشوي شوي وطلعت نزلت تحت اول ما دخلت ع الصاله روحت المكان كله خمر ومحمد وسبستيان طايحين ع الغنفات .. عوشه نزلت دموعها : شو هالحال ياربي سارت صوب محمد ووعته عوشه : محمد محمد : هاااه عوشه صاحت : محمد قوم محمد : شو فيج ؟ عوشه ساكته وتطالعه نش محمد وتم يطالعها وشاف الدموع تنزل من عينها وميوده على ايدها اللي تعورها عوشه : وعدتني ويا مكثر وعودك يا محمد محمد حس بلوم عوشه وهي تصيح تتألم : ايدي تعورني بموت من ويعها محمد نش : بتسيرين المستشفى ؟ عوشه ساكته سبستيان نش و شاف عوشه تصيح محمد خبره السالفه وقال انه ولد عمه في المستشفى يشتغل وبيوديه عندهم محمد : عوشه انا بسبح وبوديج ويا سبستياان عوشه يلست وتمت تتألم ع السريع محمد خذ شور وسبستيان بعد وطلعوا في الموتر .. ووداهم على المستشفى دخلاه سيده على الدكتور وسلم عليه سبستيان وقاله عن حالتها يوم فتحوا الجبس كانت ايد عوشه وارمه وايد ومخظره اكثر عوشه تصيح وتتألم ومحمد كان واقف يطالعها وكنه متضايق محمد : لا تصيحين يا عويش خلج هاديه عوشه تطالعه : اصيح لجل الويع مب لجل شي ثاني حطوا لها الجبس مره ثانيه وعالجوها وعطوها ابره .. كان في هالوقت خليفه يالس على الكرسي المتحرك برع وسيف واقف ورى الكرسي وميودنه اول ما طلعت عوشه كانت مب منتبهه وتطالع الجبس .. وويها محمر من كثر ما صاحت .. خليفه انتبه لها ودفر سيف يقوله طالع لكن سيف اول ما شافها ------------------------------------------------------------------------------------------------ أختنقت بداخلي العبرات .. تصلب قلبي وكأن قالب من أسمنت صُب عليه .. أنتي هناا ؟ ام هو طيفكِ يراودني مثل كل لحظه .. أجيبني ألتفتي إتجاهي .. تكلم أيها الوجه الحنون .. لماذا عيناكِ تفيض بالدموع .. ولماذا يدُكِ ملتفه بجبيره بيضاء تملأ معصمك الذي دائما أراه متجمل بالحناء .., لماذا انتي هنا هل القدر جعلكِ تلحقين بي .. ام قدري جعلني الحق بك .. تكلمي يا جورية بستاني ... ويا حوريه بحري .. واوراق اشجاري .. تكلمي يا عصافير جوي .. ويا أعذب ألحاني .. تكلمي يا ملهمتي .. ويا حروف أشعاري .. هل هذه صدفه .. اضيفها الى دفاتر تذكاري .. او قائمة أفكاري ..إلي اين انتي ذاهبه ؟! اجيبي __DEFINE_LIKE_SHARE__ |
|
| |
| |
|
11-09-2008, 08:12 PM
| رقم المشاركة : [ 3 ] |
| عضو ماسي | الجزء الثامن ها هي أمواجاً من ذكرياتك تدافعت لمخيلتي .. لمجرد النظر إليك أحساس كان خامد تفجر لرأيتك .. كبركان فار من شدة الحمم لحقتك عيني .. الى إين تذهب وتتركني الى اين,, الى السراب الى الضباب؟؟ .. ارجوك لا تًكرر الغياب .. قلبي لم يتبقى منه سوى آثار ,, جفت الانهار ومات الازهار .. وبكى عليه الاقارب والجار .. اريد اللحاق بك والاعتراف بجرمي .. وهو حبي لك ... الذي أتلف فوادي منذ ان عرفتك .. تعودت على الغرام الذي ينبع من عينيك الجذابه .. وتعودت على صوتك العذب بأنغامه ... الى ان تم التفجير .. بألغام رصت ما بين قلبي وأحشائي .. لتعلن أنتهاء .. عالم ساده الحب لمدةٍ قصيره اول ما طلعت عوشه كانت مب منتبهه وتطالع الجبس .. وويها محمر من كثر ما صاحت .. وبقايا دموع على عينها خليفه انتبه لها ودفر سيف يقوله طالع لكن سيف اول ما شافها اختنق .. مرت تمشي بسرعه ومحمد وراها يرمس ويا سبستيان .. خليفه : حلييلها بلاها شكلها مواطنه . سيف صابه مثل الجنوووون .: انا في حقيقه ولا خيال .. هذي عوشه ووراها ريلها .. عوشه تصيح .. متغير حالها .. عوشه مب هي الاوليه .. مب هي راعيه الابيتسامه الجذابه .. شو فيها ... شو صابها .. وليش الجبس على ايدها ... يا دور خليفه .. وسيف مب منتبه سرحااااان يفكر لو لحقتها جان عرفت وين سايره على الاقل اخليها تنتبه لوجودي خليفه يطالع سيف فوقه : سيييف سيف انتبه : هلا خليفه : دوري يالله سيف : اوكي دخلوا ع الدكتور ويلس يكشف عليه .. وسيف سرحااااااااان .. كان ياس على الكرسي اللي مجابل الدكتور وكان يحاول يشوف شو مكتوب في الاوراق اللي جدامه .. يمكن يشوف اسم عوشه --------------------------------------------------------------------------- محمد : تبين ريوق عوشه تهز راسها بلا محمد : عوشه شو تبين بالضبط خلينا نظهر عوشه زعقت عليه : ما ابا شي خلني بحالي طلع سر وين ما تبا محمد يود على ضروسه : بخليج تمي هنيه روحج انا طالع وطلع محمد عن عوشه وخلاها روحها عوشه حلفت انها ما تصييح ومسكت عمرها وتمت يالسه .. في هالوقت سيف كان مثل المينون .. : يبا يعرف مكان عوشه على الاقل يعرف اخبارها وليش هي تصيح .. وليش الجبس في ايدها .. خلص من عند الدكتور وقال حق مايد انه يبا يطلع روحه شوي يتمشى .. طلع من المستشفى وتم يدور يصد يمين ويسار في الشارع .. ركب تكسي ومشابه لين مكان معين ونزل تم يمشي ويطالع يمين ويسار وقف مره وحده وقال لنفسه : انا خبله ادورها في هالمكانات ؟؟ ! وين بحصلها في هالعالم .؟؟!!! رد سيف يمشي ودخل المحل عشان يشتري له شي يشربه .. اول ما دخل كان طالع ودفره بدون ما يدري وانجبت قهوت محمد سيف انصدم وتجمد مكانه .. محمد : Im sorry سيف يطالعه منصدم وقال : لا عادي محمد ضحك : ههههههه اعربي ما شاء الله سيف يحس انه متبلم وبعدها تكلم : هيه إماراتي محمد : يا مرحبا والله ومغط ايده سيف سلم عليه وخلى عمره كأنه ما شافه في العرس محمد : اسمحلي والله ما شفتك سيف كان يطالع وراه يمكن يشوف عوشه : مسموح محمد : شو تسوي في البلاد دراسه ولا ..؟؟! سيف مب عارف يتكلم ويا محمد حس بضيييجه فضييييعه جاست قلبه : يايين ويا ربيعنا سوى حادث وياين نعالجه محمد : هييه الله يعافيه سيف في هاللحظه قال ليش ما يسأله وين عايش يمكن في نفس الفندق اللي هو موجود فيه وكان يستهبل : وانته محمد : انا والله معرس ويايب الحرمه هنيه مبتسم وباينه عليه علامات الفرح سيف حس بضيق زياده : مبرووك محمد مبتسم : الله يبارك فييك سيف : الحين اسمحلي باخذلي شي وبسير عند الشباب محمد : مسموح بس خلنا نشوفك سيف : ان شاء الله بس وين ساكن ؟ محمد : والله حاليا ساكن ويا ربيعي مستضيفنا في بيته سيف حس بصدمه : في بيييته ؟؟؟! وعوشه ؟ كيف يالسه هناك محمد : في هالشارع وانته ؟ سيف : في هالفندق اللي مجابل هنيه محمد : اها , يالله عيل ما بأخرك تشرفت بك الغالي سيف متغايض : وانا اكثر محمد طلع من المكان وتم يطالعه سيف ليييين مشى شويه بعيد تم يلحقه ويلحقه لييين شافه دخل البيت سيف تقرب من البيت ويلس يطالعه هنييه يالسه عوشه حس بقبله يدق بسرعه .. تم يالس تحت يطالع يمكن تظهر عوشه من البيت ويا محمد استوت الساعه 12 الضهر وهو يالس قال خلني اسير وارد في وقت ثاني ورد صوب الفندق ----------------------------------------------------------------------- محمد : يالله ننزل نتغدى اليوم سبستيان طابخ غدى رهييييب طبخه ايطاليه بالربيان عوشه تطالعه : ما ابا غدى محمد : ليش عوشه ما حبت تكبر الموضوع : احس بويع في ايدي ما اقدر آكل محمد : انزين انا بأكلج عوشه : لا ما عليه بس ما ابا اكل محمد : انزين بييب لج الاكل هنييه المهم تاكلين مب زين ويهج مصفر عوشه : اوكي محمد نزل تحت وحط حق عوشه الاكل في صينيه ويابه فوق .. محمد : تبيني آكل وياج ولا عوشه : تفضل محمد : احم احم .. والله استانست عوشه تنهدت محمد : انزين ممكن ااكلج عوشه : لا عادي باكل بأيدي محمد : ايدج تعورج عوشه : انزين اليمين ما فيها شي محمد : لا لا انا ابا أأكلج مب انتي حرمتي ؟! عوشه : اوكي بس لقمه وحده محمد مبتسم عوشه مستغربه من محمد شو فيه ؟! --------------------------------------------------------------- سيف رد صوب الفندق متضاااااايق وحالته يعلم بها رب العالمين دش على مايد الحجره مايد : ويينك انته ؟ سيف متضايق : سرت اتمشى شويه مايد : وين تتمشى اتصل فيك كله مغلق .. سيف طلع تيلفونه من مخباه : فضى عني مايد استغرب : شو بلاك سيفوه ؟ سيف : ما شي ويتنهد مايد : والله لتقولي سيف : متضايق يا مايد مايد نش ويلس عداله : شو منه متضايق ؟ سيف : ميود قم عن ويهي ما ادري شو اسوي بعمري مايد : اوكي شكرا وانا اللي احاتيك سيف : مشكور ع المحاتاه مايد : تغديت سيف : ما لي نفس بطيح ارقد شويه اوكي مايد : خذ راحتك طاح سيف يرقد ومايد تم يطالع التيلفزيون ------------------------------------------------------------------------ محمد : انا ما اباج تتظايقين ولا تصيحين يا عوشه عوشه حست بضيج : ما اصيح من شي يا محمد من الهم محمد : اذا شفتي شي من صوبي طنشي يا عوشه لا تباليين عوشه وقفت : شو لا ابالي يا محمد انته تدرك شو تسوي انته تدمر حياته بنفسك .. لا دختر نفعك ولا شيات .. تركت المخدرات وطحت على الخمر .. من دماار لين دمااار .. صدري اصطك من الجقاره اللي ما تجلعها عن ثمك .. شو تباني اسوي يا محمد .. انته ريلي انته شي مني الحين .. كيف ما تباني ابالي .. وصاحت محمد تم يطالعه : عوشه انتي تدرين اني انسان مدمن وانا من اسبوعين من قطعت المخدرات وهالحبوب يالله تخليني ارتااح .. وهذا انا من زماااان اشربه قبل لا اخذج عوشه حست بنغزه في قلبها: يعترف ياربي وين الاحساس اللي فييك انته تدري بكل كلمه تقولها انا اتعذب .. محمد انته ماخذني عشان اتعذب ؟ خبرنني ..؟! محمد : لا تقولين جيه يا عويش انا ماخذنج اسعدج واحاول اسعدج بس انا ما ادري شو فيني ويلس عوشه : أي سعاده هذي وسكتت محمد : يعني من كلامج افهم انج مووول ما مريتي بلحظه حلوه ويااي قوليلي يا عوشه ؟ عوشه ساكته وتصيح بصمت محمد صد صوبها : خبريني وبعدها ساكته سحب ايدها اللي تعورها .. ويود عليها : قولي عوشه صرخت : محمد شو فيييييييييييك محمد هدها بسرعه .. وطلع من الحجره .. عوشه تمت تصيييح صياح من الالم ومن الهم __DEFINE_LIKE_SHARE__ |
|
| |
| |
|
11-09-2008, 08:13 PM
| رقم المشاركة : [ 4 ] |
| عضو ماسي | ------------------------------------------------------------------------ مر الوقت وسيف رقد ليييين العصر الساعه 5 مايد : سيف قم نش فاتتك صلاتيين سيف فتح عيونه : وليش ما وعيتني مايد : قلت اخليك ارقد عشان ترتاح سيف تنش : افففففففف مايد : انته فيك شي جايد والله ان ما قلتلي لازعل علييك سيف :انا وين وانته وين شل الفوطه ماله ودخل الحمام يسبح مايد : هذا شي في باله مب خالي الريال ------------------------------------------------------------------------ عوشه قفلت عليها الحجره ويلست .. قالت في خاطرها بدال هالصياح اللي ما له فايده ليش ما اسير اقرا لي شويه من القران .. اريح خاطري فطيم كان في خاطريها تقول لحد سالفه عوشه ... وكان قلبها يحاتي لييل نهار وتعبانه من هالسالفه .. فطيم كانت يالسه عند عمتها واهلها كلهم : تدرون قلبي على عوشه .. ما سمعت اخبارها من زماان ام سعيد : اكيد مستانسه ويا ريلها حليلها وما تحصل وقت تتصل يمكن ام خالد : خله تستاانس وييااه .. هي بعد ما شلت تلفونها وما ندري كم رقم ريلها سالم : تعالي هاك اليوم هي متصله من تيلفون ريلها على تيلفونج صح فطيم زاغت : هيه بس مسحته هاك اليوم سالم : اسمع انتوا يعني البنيه مسافره ويا ريلها بناخذ الرقم وبنتصل فيها نرمسها نسأل عن احوالها فطيم : لا ان شاء الله بتكون بخير لا تحاتون .. وتمت فطيم سكاته وتفكر ------------------------------------------------------------------------- محمد ما يا موووووليه للبيت وعوشه تمت لييين الساعه 6 تقرى قران ... بعدها نشت وفتحت الستاره وتمت توايق من الدريشه .. شافت فيها بلكون .. فتحت البلكون وكانت محطيه على راسها وقايتها .. ومتحجبه فيها .. سيف في هالوقت كان خاطره يسير صوب البيت اللي فيه عوشه يشوفها .. سيف : خليفه انا بسير شويه وبرد مايد : انا بيي ويااك ام خليفه : برايكم اظهروا الغالين نحن بنتم هنيه شويه سيف تضايق يوم قال مايد بيي وياك طلعوا وخذوا تكسي مايد :وين ساير سيف : بخبرك بعديين .. ويلس يخبر السواق بالمكان لي قاصدنه ... عوشه تمت واقفه في البلكون وتطالع الناس اللي يمشون وتطالع الاولاد اللي يلعبون في الحديقه عوشه فكرت تطلع عشان تشوف اليهال من قريب لبست عباتها .. وكان محد في البيت لا سبستيان ولا محمد ما بالت فيهم طلعت وصكت الباب وراها ... مشت ليييين الحديقه .. في هالوقت سيف كان يتمشى ويا مايد وكان مايد يسولف كعادته .. مايد : اندووك اطالع منو هنه ؟ سيف : منو ؟ مايد : هذا عمار ولد خالت امي سيف : ما اعرفه مايد : شوفه يالس هناك سيف : اوكي سرله سلم علييه مايد : وانته ؟ سيف عافس ويهه : ما لي بارض يا مايد مايد : سيف انته شو فيك ما عرفنالك سيف : هالايام احس انه فيني ضييق يمكن لانه خواني بيعرسون وانا محد مايد : بيعرسون الله يوقفهم بس انته لا تضيج بعمرك شحقه عااد ؟ هدى بالك يالغالي سيف : ان شاء الله مايد : اوكي الحين بسير اسلم علييه بتسير سيف : لا انا بتمشى شويه مايد : كيفك سيف : اسمحلي مايد مايد : بالحل مايد ساار صوب عمار وسلم علييه هو تم يطالعه وبعدها مشى ليين صوب البيت اللي فيه عوشه تم يطالع الباب ويقول في خاطره ابا ازاعق وازقرها بأعلى الصوت ألتفت صوب مايد وشافه مغزر في السوالف وصد صوب الحديقه اللي جدامه .. شاف الاولاد يلعبون بالكره .. شويه وسارت الكره صوبه .. ويودها .. الولد الصغير يأشرله بأنه ايبها صوبه .. فقام وتم يلعب فيها وينقزنها على ريوله لييين وصل صوبهم وكان مستانس .. والاولاد الصغار بعد استانسوا .. وتم يطلعب وياهم بالكره عوشه كانت يالسه بعييد شوي وتطالع الساير والمار في الحديقه .. صدت صوب الاولاد وشافت ها اللي يلعب وياهم ابتسمت تذكرت اخوها سالم عوشه : ياالله يا سالم فديتك والله وتنهدت .. وفديتكم يا حمد وحمييد .. وفديت فطيم وخالد ورويه .. دمعت عينها ونشت وتمت تتمشى وتتمشى ليين وصلت تحت الشيره كانت بعيده منهم بشوي .. يلست تحتها وتمت تطالعهم سيف شات الكره للولد بس ما صدها سييييييييييييييده يت على ويه عوشه .. وصرخت صرخه قويه سيف زااغ والاولاد وقفوا مكانهم ركض سيف صوب الشيره وكان ميت من الخوف يوم سمع صرخت الحرمه .. سيف ركض ووصل صوبها وهي كانت تتألم من الضربه تحس انه الدنيا مسوده في ويها سيف متسمر مكانه ما شاف ويه عوشه لانها كانت صاده تحت وميوده على خدها اول ما شاف العباه اختبص حاله .. سيف في خاطره : هذي اعربييه عوشه تتألم يوم شافت جوتي واقف صوبها تغشت سيف : تعورتي ؟ عوشه حست في هالوقت انه الدنيا تدوووور فيها من سمعت الصوت , هالصوت مب غريب علييه والكلمه هذي سمعتها من نفس الانسان اللي اشك في صوته الاجانب كانوا يسألونها ويقولون : انتي بخير رد عليهم سيف وقالهم انها بخير وهو بيتكفل بالموضوع عوشه ساكته وما ردت علييه وتحس انها تبا تصييح سيف زايغ بعده حط ايده على ركبه ونزل ليين عندها .. : اختي تعورتي ؟! عوشه زاغت و بعصبيه : لالالالا روح عني سيف كان وايد مرتبك سيف : انا بطلبلج الاسعاف عوشه حست انه اللي يكلمها سيف ما كانت تطالع صوبه بس تحس بوجوده تعرف صوته زييين من كل الاصواات .. سيف أول ما شاف أيدها مجبسه ضربته رعشه في قلبه وتم واقف مكانه وعوشه يالسه عوشه ميته من الخوف ليش هذا واقف عدالي ويطالعني شو يبا ؟ سيف حس كأنه يته ظربه في قلبه وقالها بصوت واطي وبويه منصدم: عوشه عوشه سمعتها بكل وضوح وحست كأنه حد يخنقها ... ظربة الكره مأثره فيها ولا هي في حقيقه سيف صد الصوب الثاني وضرب كفه ببكس قوى عوشه بعدها يالسه مكاانهااااا وسااكته وتطالع تحت وترجف سيف متضايق وما يعرف شو يقول بويه متفاجأ : مب انتي عوشه ؟ عوشه دموعها تيمعت في عينها وويع الضربه بعدها تعورها سيف نزل على ريوله وكان بعيد بخطوتين عنها وكان يزعق : خبريني مب انتي عوشه ؟ عوشه صاحت وعلى صياحها وبصوت متقطع : سيف سيف حس بخبال جاس راسه وبخوف نطق اسمها مره ثانيه : عوشه عوشه تمت تصيح وهي متغشيه سيف حس انه العبره ذابحتنه وكان يسأل عمره في خاطره ليش تصيح غمضته ؟ عوشه بطلت عن ويها وصدت وتمت تطالع سيف بعيون فيها دموع سيف ما تمالك نفسه ودمعت عينه ..: ليش تصيحييييين ليش هالدموع يا عوشه عوشه بصياح : انته شو يابك هنه .؟! سيف بعذاااااااب : عوشه قوليلي ليش تصيحيين عوشه تمسح دموعها : ولا شي سيف وهو يمسح دموعه : ليش ايدج جيه ؟ عوشه صدت الصوب الثاني : طحت وانكسرت ايدي سيف : تقصين عليه عوشه تطالع سيف : مالك خص سيف : انا ؟! ,,, مشكوره عوشه دمعت عينها : شو يايبنك هنه ؟ سيف : ربيعي سوى حادث على الدراجه ويايين نعالجه عوشه : الله يعافيه تمت ساكته وتطالعه ويطالعها حست بزيغه : انا لازم اسير سيف : عوشه تمي ابا اكلمج عوشه يايه بتنش بس ما قدرت تحس بدوار سيف تروع : شو فيج بسم الله عوشه : ما فيني شي بس اكيد محمد يا وما اباه يدورني سيف حس بغياض سيف : انا شفتج في المستشفى عوشه : شفتني ؟ متى سيف : كان خليفه عنده موعد عظام فشفتج طالعه من العياده بس ما صدقت عيني تموا ساكتيين عوشه ما تدري كيف تكلم سيف بهالطريقه يعني كانها تعرفه من زماان .,, تحس باحساس غريب في قلبها .. تحس انها موجوده في الامارات من شافت سيف وعوشه كانت تبا تغير السالفه : شحال خواتك سيف يطالعها وما شل عينه عنها : انتي اللي شحالج عوشه صدت الصوب الثاني : انا بخير سيف : حالج ما يسرني يا عوشه قلبي تقطع عليج وبصوت مغبون عوشه تمت اطالعه مبهته وبعدها حست انه لازم تقول جييه : سيف انته شو فيك اااااانا حرمه معرسه المفروض ما تيلس وياي سيف انصدم : بس يا عوشه عوشه : لا بس ولا شيات محمد ممكن يعرف بالسالفه وبعدها بيضررر وسكتت سيف تشنج مكانه يوم سمع بدايه الكلمه ونش : شووووو يضربج ؟ عوشه حست بأنه ويها بينفجر و ما كانت تعرف شو بتقول سيف معصب : انا متأكد انه هالكسر اللي في ايدج من سواياه عوشه عصبت وبعصبيه : ما يخصك سيف نفذ صبره وما قدر يتحمل ... وحس انه لازم يقول اللي في خاطره وبعصبيه : عوشه انتي شو تبين تسوين فيني انتي تعرفيين زين اني انا احبج احبج وربي الشاهد عوشه انصدمت بالكلمه اللي قالها سيف.................... قالها بصوت بعالي حست انه قلبها ارتج من الكلمه سيف بويه متضايق : متى بتفهمييين متى يا عوشه تذكرييين الورقه اللي كانت في جاكيتي خذتيها ادري انج خذتيها .. .. تذكرين مسجاتي تذكريين نظراتي تذكريين خطبتي لج اللي حددت يوم مماتي .؟! تذكرين ولا اذكرج .. كنت احبج بصمت يا عوشه وانتي مب حاسه كنت احبج كنت اموت بترابج ... في شهور بسيطه ياعوشه حبيتج نعم حبيتج من خاطري ,, وانتي الحين تقولين ما يخصج .. كيف ما يخصني وانا محتفظ في مشاعري ومتمسك فيها حتى لو انج عرستي ... قلبي ما طاوعني يا عوشه انساااج .. ما قدرت انسااج ومستحييل انسااج ... اقولج وارد اقولج اني احبج .. وليتج تذكرييين عوشه كاااانت ترتجف من الكلمات اللي سمعتها من سيف نشت بسرعه وركضت وسيف كان واقف وزعق بصوت عالي تذكرييييين ؟ سيف كانت مشاعره هاك الوقت متخالطه ما كان يعرف يتكلم وما كان يعرف عن شو يعبر .. حس انه افكاره ضاايعه , وكل اللي قاااله جدمها هو الصح ... قلبي دليلي وقلبي اللي تكلم مش انا .. عوشه ركضت لييين البييت ودخلت داخل وهي تصييح صياااح .. وما كان لا محمد ولا ربيعه داخل ركضت لين فوق وصكت على عمرها الباب ... سارت صوب الدريشه اللي كانت مجابله الحديقه وتمت تطالع وهي تصيح .. شو يابك لييي شوو كيف عرفت مكاني .. ؟ تبا تعذبني تبا تقطع فوادي اكثر من ما هو متقطع .؟! شويه وشافته هوو وربيعه تلاقوا وساروا يمشون عوشه : حسبي الله ونعم الوكييل .. حسبي الله ونعم الوكيل --------------------------------------------------------------------------------------------------------------- __DEFINE_LIKE_SHARE__ |
|
| |
| |
|
11-11-2008, 09:48 PM
| رقم المشاركة : [ 5 ] |
| عضو ماسي | --------------------------------------------------------------------------------------------------------------- مر اليوم ولا سيف ولا عوشه عرفوا يرقدوون وعوشه ما كانت تعرف شي عن محمد ليين الساعه 1 فليل ما طلعت من الحجره كاانت يوعاااااااانه .. شويه وسمعت صوت محمد يضحك بصوت عالي ويا سبستياان وبدى قلبها يدق .. محمد ركب فوق وبخطوااات ثجيييله اول ما فتح البااب حصله مقفوول وكان يرمس بالايطالي ويسب وعوشه زاااايغه ما تعرف شو تسوي .. اول مره تشوف ريلها سكرااان عوشه : ياربي شو اسوي نشت وفتحت الباب ولصقت على الكبت .. محمد يطالعها بعيونه الحمر وعوشه قلبها يدق : شووووو فييج هذي حياتهم الحلوه وانا عايبتني لا تقولييين لي شي.. تراني اعصب والله محمد مشى لييين السريير وعق عمره علييه عوشه تحس انه قلبها بينفجر من كثر مب هي زايغه ودموعها كانت واقفه ولا نزلت .. ركضت وصكت الباب وقفلته و تمت مختنقه من ريحت محمد عوشه : بس خلالاص ملييت انا لازم استوي قويه جدام هاي المواقف لازم سحبت المخده وحطتها تحت وخذت الفراش اللي تحت اللحاف وحطته تحت بعد وبطلت جوتي محمد ودلاغاته ويرت اللحاف بقو من تحته ولحفته .. عوشه : هذا ابتلاء ولازم اصبر علييه والصياح ما يعالج مثل هالاموور .. شلت اللحاف والمخده وحطتهن على الغنفه .. وطاحت .. تطالع محمد وتفكر في سيف .. شو خلاه يسوي جييه .. كيف القدر ساقه ليي ؟؟ كان متعمد يضربني ولا كيف ؟ عوشه تحس بغصه في قلبها : وليش تظهر لي يا سيييييييف تبا تجدد حبي لك .. و ليييييييييييييييش قلت هاك الكلام كله ليش .. وليش نطقت هذيج الحروف اللي سمت فوادي سم ...ورقتك وكلامك ونظراتك كلها محتفضه فيها بصندووق قلبي .. ومستحييل تجدم .. يا سيف سيف في هالوقت كان تعباان من كثر الظييج اللي فاح في فواده .. و الليل كله ما رقده ومايد بعد كان يتجلب ومب عارف يرقد من حركه سيف .. نش مايد وشغل الابجوره مايد بويه معصب : شو فيك سيف بعده متلحف وملحف ويهه مايد : سيفوه انته راقد سيف : لا مايد : شو فييك ما رقدت وما رقدتني ويااك استوت الساعه 2 وانا ما ياني رقاد سيف : وانا ما فيني رقاد مايد : باجر ورانا نشه بنسير صوب السفاره سيف : ان شاء الله بنسير انته لا تحاتي مايد : من يومين وحالك مب عايبني والله سيف حس انه يبا يفضفض : لو اقولك ما بتصدقني مايد : ليش قد يوم رمست لي بشي وما صدقتك سيف : لا مايد : عيل تكلم سيف : شفت اللي ........ وسكت ويا ريلها هنيه مايد انصدم وتم ساكت سيف : ولحقت ريلها لين مكان سكنهم وتميت اترصد لها مايد منصدم من سيف : سيف انته شو تقول تلحق وحده معرسه سيف متضايق : لا تقولي شي .... شفتها في الحديقه اللي جدام مكان السكن وفي لحظه اعترفت لها بكل شي كانت يالسه كافيه خيرها وشرها شفتها بصدفه يا ميود صدفه مايد متفاجا: كيف ومتى ؟ سيف : مب البارحه تمينا ننتمشى مايد : هي سيف : انته سرت ترمس ويا ولد خالة امك وانا سرت عند البيت بس ما شفت حد لعبت ويا الاولاد الصغار ويت الكره على ويها لانه هي كانت يالسه عند الشيره وانا كنت ما ادري يا ميود ؟ مايد : كيف مب فاهم انا شي سيف : يوم ضربتها الكره صرخت فزغت انا وسرت اشوفها ما كنت ادري انها هي .. شفتها بس كانت متغشيه عني عرفتها من الجبس اللي في ايدها لاني كنت شايفنها في المستشفى يوم مودي خليفه للعياده مايد مب مصدق اللي سمعه كله : سبحان الله سيف متضايق : يا مايد ما ادري شو خلاني الحقها لين هنااك .. كنت اتناسا وتذكرتها مايد : ما اعرف شو اقولك ياخويه بس مب زيين ياسيف هذي حرمه معرسه والمفروض ما كنت تقولها هالكلالام الحين بتم تفكر في اللي قلته لها سيف متضايق : خلها تفكر مب انا بس اللي اتعذب من فراقها مايد : لا تقول جييه اكيد هي مستانسه ويا ريلها والحين تي انته وتخرب عليهم فرحتهم سيف دموع في عينه : ميود انا متأكد انه هي مب مستانسه ويا ريلها لانه كلامها وايدها والكلمه اللي قالتها خلتني اتأكد انه معاملة ريلها لها مب زينه مايد : شو قالت ؟ سيف : قالت كلمه ما كملتها وهي كانت تقصد يضربها .. مايد : لا لا مستحيل سيف : مايد هذا ما ينقال عنه مستحيل انساان خماااار تعرف شو خمااار مايد منصدم في ربيعه : وانته شدراك ؟ سيف : سألت عنه يوم خطبها مايد : وليش يزوجونها خمار سيف معصب .. : خلاص مايد ما بتكلم في هالسالفه اكثر مايد حس بسيف : اوكي اوكي بس عندي نصيحه لك ابعد عنها عشان ما تسوي لها مشاكل سيف : مستحيل .. مستحيل اخليها وهي في امس الحاجه لي مايد : انته تخبلت سيفوووه .. هاي حرمه معرسه وبعدين انته ما يخصك يضربها ولا يجتلها خلالالالالالالالاص اسحب ايدك منها هي متززوووجه تعرف شو متزوجه , ويمكن ريلها اذا شافك يسويلك مشاكل وويع راس انته ما لك غنى عنها., سيف معصب : هذا يزاتي اني قلتلك المفروض توقف ويايه ما تعاتبني مايد معصب : يا سيف فكر بعقلانيه .. حبك لها وقربك منها بيسويلها هي مشاكل بعد وبتدخل في سين وجيم ويا اهلها وممكن توصل في الفضيحه والمحاكم سوالف ثانيه غناكم الله عنهااا سيف يطالعه بحزن : بسسس مايد معصب : انا قلتلك الصح واذا ما تبا تسمع كلامي كيفك وبند الابجوره وطاح يرقد سيف تم يفكر في كلام مايد بس هو كان يحس انه عوشه محتاجه له في هالوقت بالذاات وهو اقرب شخص لها .. ------------------------------------------------------------------------------------- مر اسبوع غيره عليهم وهم في لندن .. محمد كان يرمس عوشه بس عوشه ما ترمسه الا من بعيد لبعييد كان يطلعها ويا سبستياان ربيعه ويوديهم لمكانات حلوه كانت تطالع بس بدون صووت ولا كلالام وفي هالوقت كله تفكر في سيف وفي الكلام اللي قاله لها وسيف كان هالايام كلها يمر صوب البيت اللي فيه عوشه بس ما يشوف شي حس انه عوشه غادرت البلاد ولا غيروا البيت .. في هالوقت كان سيف واقف عند الحديقه ويطالع من بعييد في وقت الظهر شاف سيارة سبستيان ظهرت من البيت وفيها سبستيان ومحمد وعوشه ما كانت وياهم سيف زاغ : ويينيه وين سارت شويه وطلعت من البلكونه .. وتمت واقفه عوشه تطالع الحديقه ومجتفه ايدها وتتنهد .. : وينك يا سيف .. اقول اشتقتلك وانا ما يحقلي .. اقول احبك وانا ما يحقلي ... اقول أنت ملكي وما يحقلي شقول يا سيف علقتني يا سيف عمري ما حبيت انسان مثلك .. سيف شافها وما صدق عينه كان يبا يكلمها تم يفكر : اطلع جدامها ولا كيف ,, ابا اكلمها .. أبها تحس فيني عوشه قررت تطلع صوب الحديقه يمكن تشوف سيف تحس انها تبا تشوفه .. كانت تحس بالغربه وهي في الغربه ويا محمد .. كانت تبا تفضفض لسيف عن محمد كانت تبا تبوح اسرارها له .. اول ما شافها سيف دخلت أكتأب .. : ياربييييي شو اسوي الحين .. حط في راسه الف خيار وبعدها شاف عوشه طلعت من البيت سيف وقف مكانه متسمر : يايه صوبي .. عوشه كان قلبها يدق بسرعه شافت سيف واقف عند باب الحديقه .. تمشي وتطالع تحت .. تخطت الشارع وصلت صوب الحديقه قالت في خاطرها انا بتجاهله وبشوف شو يسوي مشت عوشه وهي مب مباليه في سيف وخطفت عنه ودخلت الحديقه .. سيف تم يطالعها .. ومتفاجا من الحركه اللي سوتها .. عوشه تمت تمشي وقلبها يدق بسرررعه سيف صد ورى يطالعها وعقب مشى وراها بخطوات سريعه لين وصل صوبها ... عوشه لفت صوبه : نعم سيف معصب : جيه تسوين فيني عوشه : انا ما سويت لك شي سيف : عوشه اسمعيني زين عوشه : نعم سيف تم يفكر في كلام مايد ربيعه انه هي حرمه معرسه والمفروض ما يقولها هالكلام مره ثانيه عوشه خانقتنها العبره بس تكابر : نعم آمر شو بغيت سيف يحرك شفايفه يبا يرمس بس مب قادر عوشه : ليش موقفني مدام ما عندك رمسه , ولا طابتلك السالفه وقلت برمس وياها كل ما ييت سيف متفاجا : استويتي قاسيه يا عوشه عوشه صدت الصوب الثاني : انا مب قاسيه سيف : امبلا عوشه : انته تدري انا ليش اتكلم وياك جييه سيف : ليش ؟ عوشه : لاني انسانه متزوجه وعندي ريل وبنت ناس وعرب ومستحييل ارمس ويا أي حد سيف : أنا أي حد يا عوشه عوشه : انته تطري اسمي كانه وحده من هلك سيف وايد منصدم وعصب : هيه نعم بطري اسمج لانه يحق لي عوشه ألتفتت صوب سيف وتبينه انها معصبه : نعم جني ما سمعت سيف : بذكر اسمج لين ما تنتهي حياتي لين ما امووت وانا أطري اسمج عوشه حست انها بتصييييح : اففف كلام يهال سيف : كلام يهال؟؟؟؟!!!!! عوشه عصبت : انته شو سالفتك بالضبط كرهتني عيشتي يا ولد االناس سيف تم معصب وسااكت وبعدها قال : انا عمري ما انذليت لحد وعمري ما كلمت حد وقلتله انا احبك وهو لانسان ثاني .. اسمعي يا عوشه انا من هاللحظه اسحب كلامي واقولج الله يوفقج واعتبري الكلام اللي قلته لعب يهال مثل ما تقولين حبي لج ما اتغير حتى يوم اني خطبتج وردوني .. وحتى يوم انج عرستي وابتعدتي .. لكن من هاللحظه اقولج اني انا مب سيف اللي تعنى عشانج .. وتارك ربيعه في المستشفى وربيعه اللي نصحه يولوون ...... أسمحيلي اقولج انه قلبي ما يستاهل قلبج وصد عنها وساااار يمشي برع الحديقه عوشه في هالحظه حست انه الدنيا اظلمت في ويها .. وقلبها وقف عن النبض .. تمت ترتجف وهي واقفه مكانها .. الدموع طاحت من عينها بدون احساس وعيونها تمت تتابع سيف ليييييين غاب عن ناظرها سيف انسان حسااس بشكل فظيع نزلت دموعه لحبه حس انه هو زاد الطين بله .. لو تميت احبها وانا محروم منها احسلي من ما تقطع قلبي مرتيين .. تنهد ودموعه تنزل .. حس انه هالموقف اكثر موقف مر بحياته نزلت له دموعه .. كاني سويت شي غلط .. يعني هي شو بيدها تسوي ..؟! اانا ما خطبتها من الاول .. ويوم الحين خذت قدرها عاتبتها آآآآآآآآآآه ألا يبكييك ما اصابني ألا يكفيك ما حل بي .. تعذبت بسببك عدة مرات .. واهنت قلبي لحد الممات .. وركضت وراك وضعت في دروب الشات .. كلمات وكلمات وكلمات .. لا تعبر عن ما اصاب الفواد من آفات .. ---------------------------------------------------------------------------------------------------------- __DEFINE_LIKE_SHARE__ |
|
| |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تدوير شاشة 5530 فى وضع أفقى بدلا من الرأسى | محروم.كوم | منتدى أخبار المواقع والمنتديات العربية والأجنبية | 0 | 04-30-2010 11:10 AM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-20-2010 01:30 AM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-19-2010 11:40 PM |
| ياربى شو هالصورة اذا قدرت اتعلق على الصوره علق | محروم.كوم | منتدى أخبار المواقع والمنتديات العربية والأجنبية | 0 | 04-19-2010 11:30 PM |
| يا اخواني لا اعرف كيف اغير الصورة الرمزي لصورة من عندي م لكمبيوتر | محروم.كوم | منتدى أخبار المواقع والمنتديات العربية والأجنبية | 0 | 06-15-2009 09:40 AM |
الساعة الآن 02:50 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227