ٱحبَڪ ۈٱڎرـﮯ تحبَنـﮯ فڎيتڪ يٱنظر عينـﮯ !●₪●.. - الصفحة 114

رحلت عن بلادي · 11-19-2011, 10:56 PM

بدآآية البارت ..
http://vb.ma7room.com/t435566-113.html

[ مدْخَّـل ~
|{ هِـيْ عَـرؤسْ آلنـؤرْفِـ هذآ آلـزمـآنْ
.. هِـيْ مَـلآكٍ بَـسْ فِيْ صـؤرةْ بِشَـرْ
.. مِـنْ غَـلآهـآ نقـؤلْ صـلـؤآ عَـلى آلرسـولْ
.. يَـ آللِيْ شفتـؤهـآ بِـ قلبِيـنْ ؤ نِـظَـرْ ~

السساعه 11
اتسكرت ليتآت القآعه ,, وبس النور الوحيد نور الششموع إللي اتزين الطآولآت ,, وليت موجه لـ مدخل العروس ,, وصوت ميوزك هآآآدي
اتبطل البآب اششوي اششوي وبدآ الدخآن ايزييد صصوب الباب ..
واعتلى صصوت ششآعر يوصف فيه زين وحلآ العروسس مــــــــــروه

صوب مروه كانت عندها ريم واقفه على صوب عسب ما اتبين فالتصوير ,, وامل الصوب الثاني ,,
كانت العروس

(بس فستانها طويل للأرض ^^ )

مكياجها

تسريحتها (بدون الششي إللي على راسسها لول :$ )

ريم : مروه حبيبي لا تتوترين ,, ابتسسمي ,, وخلج ريلآكس ..
مروه ابتسسمت : ان شاء الله ,, بس الدخآن مابيخف ؟؟ اختنقت ,, ويالسس ايوترني
امل : هههههههه نفسس حالتي يوم العرس ,, ان شاء الله بيخف ماعليج حبيبتي ,, ألحين الشعر بيخلص وطلي عليهم ,, وابتسسمي اهم شي ولا تتوترين ..

مروه بعد ماخلص الشعر وبدت الزفه ,, ظهرت للحضور وابهرتهم كآنت جمييييله ومحد كان عندها إلا 2 فلبينيآت ايعدلون لهآ الفستان واهلها كلهم واقفين بعيد عنها عسب ماتتوتر , بس شهد اختها جريب منها واتقول لها ابتسمي ..
مروه فـ خاطرها : متى اوصصل للكوشه وافتك , الفسستان ثجييل ,, والباقه اثججل ,, يارب سسترك بس ما اطيح واتبهدل ..ويلست تذكر الله لين وصلت الكوششه ويلست ..

وطبعاً بدو الحريم ايسسلمون عليها ,, وبنات العايله يرقصصون يدامها ,, ومروه مبتسسمه ,, لين يت امها اتسسلم عليها ..
ام طحنون : فديتج مروه ,, ألحين صصرتي مسسؤوله عن بيت وريل وعقب اعيال ,, هالله هالله فـ بيتج واعيالج ,, الله ايوفقج ويسسعدج حبيبتي ,, ماششاء الله عليج قمر ..
مروه ابتسسمت وماسكه دمعتها : فديتج امايه تسسلمين .. وباست راسسها ,,

مخْـرجْ ~
عروستنـآ ؤهبهـآ آلله ثـمْ عطـآهـآ
فِـ حَـلآهـآ ؤ زآنِهـآ بِـ أحلى’ آلصـؤرْ
عـآلِيـهْ فِـ زِينـهـآ ؛؛ فِـ مستـؤآهـآ
مَـ تشؤفْ فِـ زينِهـآبِيـنْ آلبَشَـرْ ~

السساعه 12
المعرسس شعيب بيدخل ..
فطامي : بنات نهيان ايقول الششباب بيدخلون وياه
روضه : اووونه ,, مححد قال لنآآ .!!
فطامي : توه قاليي ,, خل ييصصبرون لين انغطيها ,, انتي رمسسيهم وانا بروح اييب مالها ,,
عهود : عند الخدامات صصح ؟؟
فطامي : هيه حاطينه عندهم احتياطاً .. تعاي وياي ابسسرعه انروح انلبسها ..
عهود : اوكي ..
وراحوا ابسرعه ابسسرعه غطوا مروه بهـ الغطا الاابيض إللي ايغطون العروس فيه ( ما اعرف ششيسمونه :$ ) المهم غطوا ويهها وشعرها وايدها بس إللي ظاهر منها مسسكتها من تحت والفستان من ركبتها وتحت

دخل المعرسس وهو ايسسابق الباجي بس يبي يوصصل لحبيبة قلبه وعروسسسته مروه
شعيب فخاطره : آآه ياقلبي واخيراً يامروه واخيراً من متى اتريآ هـ اليوم ..
وصلوا الرياييل صوبها ,, ووقفوا ايصورون معاهم ,, ويو الامهات يتصصورون ..
( إللي دخلوا ابو نهيان ,, ابو ططحنون ,, ابو زايد ,, وشباب العايله بس )
نهيان : يلآ ششباب خل نظهر ..
بطي : يلآ انا وياك ماكنت ابي أدخل اصصلاً ..
نهيان : هههههههههه انته حركآت بعد ..
نواف : يلآ يلآ نظهر خل تآخذ رآحتها ..
نايف : اخوانها بيظهرون ولآ ؟؟
زايد : لآ ,, يلا انسسلم على امهاتنا ونظهر ..
الكل : يلآ ..
راحوا سسلموا على امهاتهم ,, وزايد ششاف ريم اتأشر له ,, راح صصوبها باس راسها و همس فـ اذنها ,, : اششوفج عقب حبيي وغمز لهآ ..
عـ الكوششه ,, المتواجدين .. الابهات ,, وسهيل وطحنون وشعيب ومروه والامهات ..
شعيب : امنو بيشل هـ الششي من عليهآ ,, ابي اششوفهاآ ؟؟
ابو نهيان : هههههههههههه ألحين انته صصبرت كل هـ الوقت ألحين ما بتصبر ؟؟
شعيب : عمي متحرقصص ,, من متى ابيهم يطلعون عسب اقدر اشوفها وألحين محد ايشله عنهآ ؟؟
ام طحنون : ألحين بتيي روضضه وشهد ايشلونه من عليها .. اول ما قالت روضضه قلب سسهيل فززز ..
وركبوا الكوشه بنتين متغشيات رايحات صوب مروه ,, سههيل عرفها من مشيتها ,, وعرف اخته
سهيل فـ خاطره : فديييييت هـ الطول انا ,, وراح صصوب امه وسساسرها ,, امه ابتسسمت وراحت صوب ام زايد وساسرتها ام زايد ابتسسمت ,, يو روضه وشهد ينزلون ام زايد مسكت اييد روضه ..
ام زايد : الولد يبي رآيج ألحين ,, ششو ارد عليهم ؟؟
روضه ابتسسمت بـ مستحى ,, : امايه ألحين عاد ؟؟
ام زايد ظحكت : يلآ قولي ابسسرعه عيب الناس يالسه اتشوف ,,
روضه : اموافقه .. هدت اييد امها وعلى طول نزلت ..
ام زايد خبرت ام طحنون ,, وخبروا سسهيل سهيل طار من الفرحه ما عرف ششيسوي .. بس كل إللي سسواه راح وطلب منهم ايحطون له اغنيه ربشششه عسسب ايوول عليها ,, ويلس ايييوول والبنات متخبلييييين وروضضه مسسستحيه لأنه كان ايششوفها وايسوي حركات بـ اييده مع الاغنيه وايأشر عليها ..

انرد اشوي ورا صوب شعيب ومروه اول ماششالوا الغطآ من عليهآ ,,
شعيب انبهر فييهآآآ ..
شعيب بآس راسها : مبروك حبيبتي ..

مروه بصوت واطي : الله ايبآرك ..
شعيب تم ماسسك ايدهآ وماودرهآ ..ويلسوا ايشوفون حركآت سهيل ويظحكون عليه ..
قصوا الكيك وشربوا عصصير ..

مَـلآكْ لكـِنَ منْ يَسَـآويكَ،
آنْتهْ آلِذي سَآكنْ عَيُونيِ ،

أغْلِيكَ يآ آلمَحْبُوبَ أغْلِيكَ ،
غَصِبنْ عَلى نَـآسَ آعْذَلونِي . . *

لي بآك لححد ايرد ^^
__DEFINE_LIKE_SHARE__

رحلت عن بلادي · 11-19-2011, 10:58 PM

يــّآرب..

طهِرني منْ " آلحّزنْ" , و بعّثرةَ آلخّطــآيآ ..
و هّبني يآ آلله [ نسيانا و غفرانا]
و حقّقَ لي يــّآربْ
أفضَل مآ أتمنـآه . . .
و أرزُقنِي [ آلفَرحّه ] بأيـّآمي آلقَآدمه ,

الساعه 12:40
شعيب قال انه يبآ يظهر خلآص
وظهروا من القاعه راحوا غرفتهم فوق ,, حطولهم عشآ ويلسوا يتعشون ..لأن الساعه 2 بيظهرون بيروحون فندق ثآني ..

تحت صصوب الحريم
روضه راحت صوب امها : امايه الرياييل يبون يدخلون ؟؟
ام زايد : لآ قوليلهم 1 يدخلون عسب ألحين البنات ياخذون راحتهم اشوي ..
روضه : اوكي ..
روضه اتصلت لـ نواف وخبرته وراحت صوب البنات ..
روضه : الششباب السساعه 1 بيدخلون
مهره : شششوو هاه ما اسسستآنسسسنا ,,
شهد : خخخخخ ششتبين تسستآنسسين بعد ؟ خلاص بنتعشى وبنروح ..
مهره : حتى لو ياخي ششو هاه ..
عهود : صصح صصح معاها حق ما اسستآنسسنآ ..
روضه لفت صوب فطامي : هند وخلود وامل رآحوا ؟؟
فطامي : هيه رآحوا ..
روضه : متى ؟؟ مآششفتهم ؟؟
فطامي : طبعاً ما شفتيهم كنتي مششغوله مع حبيب القلب
روضضه اسستحت : بس بس ..
فطامي : هههههههههههههههه ,, اتمصصخر ويآج ششفيج .. راحوا بعد ماشعيب ومروه يلسوا ..
روضه : اهآآ .. زين زين ..
يلسسوا البنآت والحريم يرقصون وايسسولفون ,,
لين صارت 1 دخلوا الششبآب والرياييل يلسسوا ايسسلمون عـ الحريم ,, واتعششوا ..
شي طاوله كانوا روضه وسهيل ونايف وشهد وفطامي وعهود وشواخ ومهره و طحنون ونهيان وبطي يالسين عليها .. ( البنات كانوا متغششيين )
بطي : أبي ارررد البييييت تعبآن
نهيان : خلآص ألحين بنرد اصبر اشوي ..
فطامي : نهيان نحن بنرد ويآك ؟؟
نهيان : ما ادري والله,, جان بتون حيآكم بس امايه ويآي ..
طحنون : اذا فطامي بتيي وياك يعني عهود وشيخه بعد .!
عهود : لآ انا بروح ويا ابوي ..
بطي : وابوج انا يايبنه ,, يعني بتيين ويآي .. وعمآتي بيوون ويآي بعد ..
عهود : اهآ ..
شهد : عيل نحن بنروح ويآ سهيل ؟

نايف : انا ونواف مالكم دخل فينآ ,, انا امحمليني اغراض قد الدنيآ ,, ونواف بعد ..
طحنون : وانا بششل اعمامي وابوي ..
شهد : و ريم بتروح ويآ زآيد ريلهآ ..
روضه : لآ والله وانا ومهوور مع امنوه بنروح ؟
شهد : انا وانتي ومهور مع سهيل ؟؟
روضضه ساسرتها : مماابيي اسسستحي.!!
شهد : ليش ؟؟
روضضه : لأني وافقت عليه..
ششهد صرخت من الفرحه : صصصصصصصصصصج ؟؟ يوم شافتهم ايششوفونها اتفشششششششلت ..
نايف يالسس يتفدآهآ ابـ خآطررره ..
شهد : احم سوري بالغلط .. ولفت لـ روضوه : ححلفي ؟؟
روضه قرصصتها وهمست : غربلآت عدوج عقب بخبرج ..المهم مابنيي ويآكم ..
سهيل سمعهآ وحب يتنذل : خلآص عيل شهود وروضه ومهره ويآي ..
الكل : اوكي ..
وروضه منقهره ومسسستحيه ..
بعد العشآ يلسسوا اشوي الشباب يسستهبلون و ايوولون ويرزفون ,, لين الساعه 2 اتصل شعيب فـ نواف ,, وقال لهم انهم بينزلون ألحين ..
نواف بعد ماسكر ,, : يلآ يآ جماعه المعاريسس نزلوا ..
كل الشباب والرياييل ظهروا ,, والحريم والبنات يلسسوا ايجيكون اذا نسسوا شي ولآ لآ ,,
وعقب ظهروا وراهم واتقسسموا شرات ما اتفقوا ,, وشعيب ومروه ركبوا ابروحهم .. شعيب كان ايسوق .. وسسووا مسسيره لين ماوصلوا شعيب ومروه الفندق إللي حاجزينه ,, وردوا بيوتهم ..
وكلهم رقدوا من التعب ..

انرد اششوي ورآ ,,
يوم امل ردة البيت..
دخلوا البيت هي وخليفه وعمتها ..
ام خليفه : يلا عيل انا بروح ارقد ,, تصبحون على خير ..
امل وخليفه : وانتي من هله ..
راحوا غرفتهم وخليفه على طول فصصخ غترته وعقاله ,, ويلسس
خليفه : آآآآآآآآآآآآآآآآهه تععتب ..
امل فصخت عباتها وشوزها ( أكرمكم الله )وراحت يلست صوبه ..
امل : هي والله وايد تعب . الله ايهنيهم ان ششاء الله ..
خليفه انسدح وحط راسسه على ريلها : متكسسر ..
امل : نشش اسبح وتعال بهمزك ..
خليفه نش : يلآ ألحين ..
امل اول ما دخل راحت فصخت فستانها وألماسساتها ومسحت مكياجها ,, بس خلت تسريحتها ,, ولبست قميص عادي وظهرت لها لبس عسب تسبح ..
يوم ظهر خليفه انصصصدم شافها واقفه يدام المنظره ,, و يالسه اتشوف بطنها ,, .!! ( يعني شاده لبسها على وراآ عشآن بطنها يبرز و تقدر اتشوفه ) ( اتمنى فهمتوا ><) .!
المهم جان ايقول
خليفه : امل ؟؟
امل لفت صوبه وابتسمت : اعيوني ؟
خليفه اتجدم صوبها وهو مستغرب :شفيج ؟؟

امل قربت صوبه : امممم لو اقولك بتصدق ؟؟
خليفه : شنو ؟
امل رفعت ايده وحطتها على بطنها : اممم في بيبي اهنيه ..
خليفه : هاه ؟؟
امل همسست فـ اذنه : بعد 9 شهور بتصير بآبآ ..
خليفه وهو مش امصدق : حححلفي ؟؟
امل اسستحت : والله ..
خليفه : متأكده ؟؟
امل : هيه ,, اليوم اتأكدت ..
خليفه : الحححمدالله ,, الحمدالله .. بروح ابششر امايه ..
امل مسكت ايده : هـ الحزه ؟؟
خليفه ضرب يبهته : سسوري بس من الونآسسه ,, ششافها وابتسم باس راسها : مبروك حبيبتي..
امل ابتسمت : الله ايبآرك فيك حيآتي .. يلآ بروح اسبح انآ ..
خليفه : نعم نعم ؟ ليش ؟؟
امل استغربت : ليش بعد ؟؟
خليفه : سوري سوري ,, بس اشوي اشوي على عمرج ولا اتعبين عمرج ,, واذا تبين اي شي انا موجود ..
امل استحت : ان شآء الله .. وراحت عنه .. اما خليفه يلس يحمد ربه ويششكره ..

كــــــــــــــــــــــــــــــــــــت

إن شششاء الله عيبكم البارت ..

توقعآتكم..

السسسموؤحه..

ستظل آبتسآمتي عنوآن مستقبلي ، !
مهمآ آنجرحت أو تألمت </3 "
... آقولهآ وآنآ آستعيد ثقتي [ بنفسي ]
سَأبقٌى أبتسَم
لأنُ ؛ آبتسَآمتيْ هيٌ
[آحتقآر لكل من جرحني]..
__DEFINE_LIKE_SHARE__

amoON104 · 11-20-2011, 04:29 PM

نااااااايس الباارت ..
يسلموو خيتوو ..

نترياا الباارت اليااي .. __DEFINE_LIKE_SHARE__

ياعمري · 11-20-2011, 05:49 PM

تسلمين رحلت عن بلادي على البارت طوووووووووويل

__DEFINE_LIKE_SHARE__

miss 6r6ration · 11-26-2011, 11:19 PM

يسلمووووووووووووووووووووووووووو رحلت عن بلادي البارتات حدها طررررررررررررررررر

حمااااااااااااااااااااااااااااس اقوى شي

امل وخليفة :مبرووووووووووووووووووووووووووووووووووك خلييفة بتصير ابوو

ومروة حياااااتي عرست

هاييل اكثر اثنين جذبوني

مممممم شوووووووووو بعد<<<<

دخليج لا تطولين علينا تراني حدي متحمسة
__DEFINE_LIKE_SHARE__