~*. قـصــيــدة { نـ,ــور & مـهــ,ـنـــد }.*~

بنۈتـﮧ مهيريـﮧ ..๑ · #1 09-27-2008, 01:59 AM

السلام عليكم ..~

اشحالكمـ شخباركمـ انشالله بخير..~

عندي سالفه الصراحه اعتبرها صايره موضه هالايام ومصدعه راسي

ألا وهي مسلسل نور ومهند التركي

وهو في نظري مسلسل ذات اهداف هادمه ومستغرب من هالتعلق والشغف لمشاهدته وحب ابطاله نور ومهند

قلت بكتب عنها على سبيل الفضفضه الكيبورديه واستعرت اسمين مستعارين

فيصل وساره هم عباره عن الشباب والبنات مب كلهم طبعا <<

يايمه ابا اتزوج ولكن عندي شروطي
اذا ماهي شبيهة نور لا والله ما بيها

قالت خير يا فيصل بضرب درب وخطوطي
لين القى شبيهة نور ترضيني وترضيها

راحت صوب بيت الجار تبدى اول الشوطي
اكيد ان نور ماتسوى وتلقى من يغطيها

دقت بابهم بشويش يتها الام بالسوطي
عقب ما شرشحت ساره وبالشده تربيها

هلا والله بأم فيصل وحيّا بالحوي حوطي
تريها الدار هي دارج هلابج عد اهاليها

قالت شوفي يم ساره تريه القلب مجلوطي
من فيصل معذبني يبا ساره انا افديها

قالت شوفي يم فيصل نصيب البنت مربوطي
ومير اللي خطبها شخص عمره مادرى فيها

خطبها فالحلم لكن تريه العقل مخبوطي
تظن انه يجيها يوم بالزفه يمشيها

ردت قالت ام فيصل بنتج شاربه قوطي ؟؟
انا ما افهم اشصاير بنتج خير وش بيها ؟

ردت قالت ام ساره تريه الشاب شقلوطي
حلو مافي احد مثله مهنّد شخص مغويها

تعالي شوفي الصوره عليه الزين مضبوطي
انا نفسي لو اوصل له اشلّه ما اخليها

راحت شافت ام فيصل مهند شخص مخلوطي
من كل لون يازينه وطارت سبق رجليها

قالت شوف يا فيصل يجيك الشرط محطوطي
اذا تبغي شبيهة نور مثل مهند اوفيها

والسلومه

قصيـدة عيبتني ونـقـلتـهـاااااااا ^^

تقبلوا تحيـآتي ,,,

بنوتهـ مهيريهـ

__DEFINE_LIKE_SHARE__

F6iim_10 · 09-27-2008, 02:26 AM

هههههههههههههه ,, صدق هالناس بطره ,,

تسلميين الغاليه ع الطرح الفنتووووك ^^ ,..}~ __DEFINE_LIKE_SHARE__

ر!عـيـ !لقصايـد · 09-29-2008, 01:12 AM

يسلمو ع الطرح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ طلب دعم فني ] : طلب دعم فنـــي ..؟	محروم.كوم	منتدى أخبار المواقع والمنتديات العربية والأجنبية	0	05-22-2009 04:50 AM
[ عرض اعلان ] : مــطـــلــُوب دعـــم فنـــي ، بـمـٌقــآبــل غيـــر مــآدي	محروم.كوم	منتدى أخبار المواقع والمنتديات العربية والأجنبية	0	04-26-2009 02:00 AM
~{ أجمـٍـٍـٍل شـ[ع]ــور }~	~{مزيونة أم القيوين}~	تصاميم الاعضاء	6	05-11-2008 05:56 PM
[]:•. زهـ ـ ــور فـي حـ ـ ـروف .•:[]	أمـيـرة الحــرف	الإستراحه العامة	5	04-29-2008 01:41 AM
...زهـ..ــ..ــ..ــور الأم..ـ..ــل لك انت...	.. مزيونــهـ ..	المواضيع المكرره	1	02-26-2008 10:43 PM