جرير سامرني واسامرك يا هيه=والا الهلالي في سقيفة معشاه
لغزي براسي محكماتن غطاويه=ما يفهم رموزه سوا اللي تقصاه
عامين والثالث دهاني واصاليه=لعلي القى عند الاجواد مرفاه
لقيت قبقب صافق الموج مقصيه=عنده هذيك اللولوه واحسافاه
مشيت انا الشاطي وحيدن واباريه=وابصرت بالاحجار بالطاش مرساه
واليا السفينه بالمحيط ومقاصيه=قراصنه تسبر مداها وتبغاه
غفيت مع فكري ثواني واعزيه=على زمانن بالنقا ما نسيناه
يومين واسبوتي على وادي التيه=لين استبان المختفي في قضاياه
هيهات ما يدرك مدا القاف قاريه=سوا الذي قاسا من الدار عجفاه
اشوف انا بابن تعاوا ضواريه=وارطب لها الناطور وارتاح لعواه
لا بدها يومن تبدد مساعيه=ويشوف حمايه نهاية سواياه
تثنا بالارياح خصلة نواصيه=يبي الهبوب اللي للاشواك قداه
يبغا الرجوم اللي هجرها بصحاريه=واحلومه اقرب له عسى يدرك احداه
النار ثارت في مداخيل ناديه=والما شحيح وحامل الما تعاماه
نهيت نفسي عن سمايم مباديه=شديت باسروحي عن حزوم مرعاه