في المقناص الماضي واول القنص اتصل علي اخوي جرح الشمال ابوفهد وقال يابو نبيل وجدنا حباره وهدو عليها ثلاث طيور ولكن عطت الهوا جناح قلت وين اتجهت قال اتجهت شمال والعلم عند الله هي ساقت ولا وقعت طبعا ابوفهد ماهد على هذه الحباره لانه كان معه فرخ ويرغب لو جابها الله يعلم طيره المهم هذا الكلام يوم الجمعه قلت انشالله اجيها الاربعاء القادم لظروف العمل ويوم جاء الاربعاء نمت انا وخوي ابوبندر دون الموقع اصبح اصبح وندور محاري موقع الحبارا جت الساعه الثانيه عشر ماوجدنا اي شئ شفت خوي تعابان من كثر التركيز للبحث عن الجره ريحنا بذيك الخميله وضبطنا ذاك الفنجال الي يقعد خوا الراس وفي حوالي الساعه الواحده سرنا واشاهد خويي غافي مالومه الا فيه اثر شاهدته من بعيد واذا الله جايب اثرها جديد واصوت على خويي ابوبندر ابشر بثرها ومن الفرحه طلع من باب الراكب ويطبع ذيك القبله على راسي ومن زود الفرحه حب اثرها مالومة انظر للساعه الا الساعه الواحده والنصف ظهرا حر مشغلين المكيف من الحر قص اثرها ابوبندر بعد مامشى نص كيلو معها وجدناها طائره قال مالنا حظ قلت يجبها الله كانها مقسومه لنا وبالفعل شوي الا خوي يقول ابشر باثرها قال ابي اتاكد هل اثرها هذا جديد اوقديم مامداله وحط رجله عزكم الله على الارض الا وهي كافخه الطير على التكيه مبرقع الجو حار وبدون شعور وحذف الطير بعد مافكيت برقعه ويوقع على ذيك الحصاه قال ابو بندر تراي شفتها وقعت بذيك الحصاه رحت اركض على رجلي اعزكم الله والطير موقع على حصاته اختلفت خويي يقول عندك بالحصاة قلت تعال طيرها المهم حضر وقال عندي تخفى قال وشرايك الجوحار قلت طيرها وهي تكفخ وش اقول ياجماعه طيارها ماهو طبيعي ولامر علي شافها الله يستر عليه قال انا اشفي غليلك منها ضربها واخذ ريش المهم ياخوان شي ماهوطبيعي بطيارها صار يرددها قدامي وكاتم لها الجو الله يستر عليه ابعد ونا لاقدر اتكلم خوي جاب السياره وانا مركز على الطير والحباره بالنظر قال لي صادها ولاراحت ابي ارد عليه عجزت لاتكلم والله العظيم احاول ارد على خوي عجزت قمت اتكلم معه بلغة الاشاره مافهم مني شي وعجزت اوصل له مايريد ركبت السياره وسقت بسرعه جنونية شاهدت ماء صحه على المرتبه وشرب ابل ريقي الا وهو حار اظنه له كم يوم بالسباره تكلمت مع ابوبندر وهو مستمر وماسك صادها انشالله اكمل لكم هذه القصه يوم غد
__DEFINE_LIKE_SHARE__
|