|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم اليناقصص و روايات تهتم بالقصص المنقوله وقصص الاعضاء الطويلة والقصيرة |
| LinkBack | أدوات الموضوع | انواع عرض الموضوع |
|
#1
| |
~السلام عليكم ورحمة الله وبركاته~ قصه سمعتها من قريب قصة اماراتيه تعور القلب قصة حب في جامعه زايد.. أنقل إليكم اليوم رساله تحمل طياتها قصة فتاة من الامارات وقعت في طامة الفتيات الا وهي الحب..الحب الزائف أو المغرر بالمراهقات وان شاءالله ماتكون مكرره.. أترك لكم القصه كما وردتني (بالعاميه الدارجة في الامارات) **القصه** اسمي(___) عمري19 سنه وهاي القصه كانت بدايتها يوم كان عمري 18 سنه انا بنت من الامارات من مدينه فجيره عندي من الأخوه2 ومن الاخوات 1 يعني احنا 4 اخوان أبوي وأمي مطلقين من احنا صغار من أول ما انولدت بالتحديد أبوي خذا أخوي وأختي وأمي خذتني وخذت أخوي جاسم وماشفنا بعض أبدا لاني كنت صغيره وايد هاذي القصه والله والله والله حقيقة.. أمي رجعت عند أهلها في الشارقه وأبوي ظل في فجيره بعدها انتقل ليعيش في أبوظبي وأنا سرت أدرس في أبو ظبي في جامعه زايد مادرست في جامعه زايد اللي بدبي لان بغيت اغير جو وسكنت عند خالتي في أبوظبي وأمي ما كان عندها مانع لانها كانت شوي فري بعد مادخلت الجامعه لقيت وحده اسمها مشابه لاسمي اسم الاب واسم الجد واسم العايله أنا "انصعقت" يعني هي أختي بس أنا ما قلتلها لانها ماعرفت ولا لاحظت وكانت أكبر مني بسنه ومرت 3 شهور وأنا ماخبرتها ان هي أختي وكل مره أشوفها يالسه بروحها في الكافتيريا وكل مره أطوف جدامها وابتسم لها تميت على هاذي الحالة اسبوعين كل ما أطوف جدامها ابتسم لها بس يوم من الايام وأنا طايفه جدامها ابتسم لها زقرتني! هي:لو سمحتي أنا:نعم خير (وأنا مبتسمه) يتبع __DEFINE_LIKE_SHARE__
«®°·.¸.•°°·.¸¸.•°°·.¸.•°®»لا يأس مع الحياة ولا حياة مع اليأس«®°·.¸.•°°·.¸¸.•°°·.¸.•°®» التعديل الأخير تم بواسطة kuwaitawya ; 09-20-2008 الساعة 11:08 PM. |
09-20-2008, 05:44 AM | رقم المشاركة : [ 2 ] | |
عضو جديد | ...للحين ناايس يلا اتريا !! يسلموو ^^ __DEFINE_LIKE_SHARE__ | |
| ||
09-20-2008, 07:23 AM | رقم المشاركة : [ 3 ] | |
عضو جديد | قصة فتاة اماراتيه تعور القلب هي: ممكن أسألج انتي ليش دووم تبتسمين لي؟ أنا: لا والله مافي شي بس أنا من النوع اللي وايد يبتسم ووايد أجامل هي: هي هي هي .. جان تبين قعدي انا: لا عادي والله .. أنا مستعيله شوي علي امتحان ماذاكرت هي: قعدي أنا بدرسج انا: لا لا ما أبا أعطلج ويايه هي: لا والله عادي بسيييي لالالاه أنا: أوكيك تمينا نتكلم وتعرفت عليها وتعرفت علي بس أنا غيرت اسمي غيرت اسم العايله واسم يدي وأبوي يعني هي ماعرفتني عقب تمت اتصالات شوي وفي يوم من الايام كنا واقفين عند باب الجامعه نتريا السواقين فمرت سيارة مخفي كامل استيشن رقم أبوظبي أحمر لون الاستيشن أسود فأنا صديت الصوب الثاني ع أساس اني ما أجابلهم بس هي تمت تطالعني عقب سارت اتجاه السياره انفتحت الدريشه بس انا مارمت أشوف منو داخل السياره تمت ترمس شوي عقب طالعتني وابتسمت وبعدين ردت! أنا تميت امبطله حلجي قلت منو هاييل جان تقولي والله هذا ولد عمي ياي يمر علي يردني البيت فأنا قلتله بيلس اتريا ربيعتي لين ماتروح عقب جان تقولي مب صايعه(وهي مبتسمه) أنا صديقتها بعد اسبوعين اتعلقنا في بعض وايد وايد..وعزمتني على عرس عمتها أنا سألت أمي إذا أقدر اسير العرس فقالت لي اوكي(بس محد كان يعرف ان احنا خوات) فمرت علي وسرنا بيتهم أول عقب قالت بنسير الفندق واحنا نازلين الفندق ولا اشوف نفس السيارة اللي شفتها عند الجامعه طنشت ودخلنا جان يطلعون شباب جدامنا أنا ماقدرت أميز أي واحد فيهم أخوي إلا يوم سألتها لما رجعنا وقالت لي اللي لابس كاب هو ولد عمي واللي متعصم هو أخوي وماشفتهم من بعدها بعد أسابيع من العرس سرت بيتهم مره ثانيه وهناك شفت أخوي محمد وولد عمي حمدان سلمت عليهم من بعيد بس ماكنت أدري إنهم كانو موجودين بالبيت ومابيظهرون ! كان عندي بروجكت وهي قالت بتساعدني قعدنا في حجرتها وتمينا نسولف عن ولد عمها وأخوها وأبوها أنا من السوالف عن ولد عمي حمدان حبيته بس ماقلت لها وتميت أكثر الزيارات اللي بينا وفي يوم من الأيام قالت لي إن ولد عمها يحبني فرحت واااايد وقلت لها إني أنا بعد بديت أحبه يتبع __DEFINE_LIKE_SHARE__ | |
| ||
09-20-2008, 01:57 PM | رقم المشاركة : [ 4 ] |
عضو فعال | يالله نترياا التكملة ؟؟!!
__DEFINE_LIKE_SHARE__
|
| |
09-20-2008, 02:13 PM | رقم المشاركة : [ 5 ] |
عضو جديد | تراني اتريا انزييييييييييييييييييين شكلها __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصة اماراتيه تعور القلب ............قصة حب في جامعة زايد ........ | استريح مكانك | قصص و روايات | 23 | 07-01-2011 02:27 AM |
قصه اماراتيه تعور القلب ’’ قصه حب في جامعه زايد" | بنوتة عجيبة | قصص و روايات | 2 | 07-09-2010 02:45 AM |
قصة إمــآرتية تعور القلب | حمامـ الوادي ــة | قصص و روايات | 3 | 10-29-2009 05:40 PM |
قصه واقعيه تعور القلب:( | kuwaitawya | استراحة قصص وابداعات الاعضاء | 4 | 02-27-2009 02:44 PM |
قصة تعور القلب | عشوقه | قصص و روايات | 5 | 06-13-2008 03:34 PM |