قصيدة من دفتر النورس الخاص..حياكم...

بوفلاسه · #1 09-20-2008, 02:43 AM

بسم الله الرحمن الرحيم..

هذي أولى مشاركاتي في هالمنتدى... و بما انها أول مشركة حبيت انها تكون مشاركة مميزة بعرض قصيدة متميزة لشاعر متميز ذائع الصيت في الساحة الشعرية خاصة...في استراحات زايد...
هذي القصيدة لطشتها من دفتر أخوي النورس.. و حظي انها طلعت قصيدة غزل فقلت بحطها فالمنتدى ...و أنا متوقع انها اتحوز على الإعجاب و أتمنى انه يسمحلي على لقافتي...هههههههه...شكلي هذربت وايد>>> (دخيلك فكنا)..
أخليكم و يا القصيدة..
يقول الشاعر:

[align=right][align=justify]
تَعال اجْلس عَلى جمْبي..........و احضن خاطـرٍ صنْــته

و خــَل الحـــبّ يلعـــبـّي..........على حضْنك بكل قوته

أشــــمّ الورد في دربــي..........و لنّــك يالغــلا طــفْتـه

تعــال انظم إلى سـرْبـي..........غرامك داخلي ضــفْته

أحبّ أكتــب على قلبــي..........أبــد مالي ســوا انْتــه

و تــامــرْنـــي و أنا لـــبّي..........و تَطـْـلب مقْلتي حتّى

أشــوف الحســن متْربّي..........على رمْشك أنا شفْته

خــدودك لــونــها ذهْبــي..........و شـعْرك بالمِتِر قِسْته

أشـــمّ بْخــورك الـعربــي..........و ثوب التـّـيله عايـنـْـته

ألا ريــم جــلــس قرْبـــي..........فتنــّـي يـــوم كلـّـمْـته

تحــاكي ناس عن حبّـــي..........و قــولِلْـــهم أنا صبـْـته

وإرْجــع قول وشْ ذمـْــبي..........اذا ما بنــْـظره ذوبّتــــه

ألا نـــار الغـَــــلا شبّــــي..........ترا هالعـــشْق ولّــعْته

أشــوف الشّوق يفرحْ بي..........و أنــا بالحــبّ كمّـــلْته

مــكان الحـبّ هو نسْــبي..........على صدْري و على رْقبْته

أبـــدْ ما ينعــكس سلـْبي..........ترا بالعــشْق وَثــّــقته

هبــــوب هبّ من غــرْبي..........بعــــطْرك كم تنشّقته

كلامي صـــدقْ هو كذْبي..........ودادي انـــْـته حرّكــته

أشــوف الزّين لك يحــْـبي..........و خــدّك كمّ لامـَـسْته

حبـــيبي انتـه هو حبــّـي..........و حبّك جاني في وقْته

شعر : خالد الشامسي
__DEFINE_LIKE_SHARE__

غزاله_بلوشيه · 09-20-2008, 02:52 AM

]~*¤ô§ô¤*~سلام عليكم اشحاااااااااااااالك خووووووي ويا حيككككككك فمنتداناااااااااااا وبصراااااحه القصيده رووووووووووعه يا الغالي والله يوفقكككك السمووووووووووووووووحه خووووووووووووي~*¤ô§ô¤*~ __DEFINE_LIKE_SHARE__

قـلب دبـي · 09-20-2008, 11:48 AM

صح لسان قايلها ويسلم يد ناقلها __DEFINE_LIKE_SHARE__

ઇ النورس ઇ · 09-20-2008, 04:58 PM

عوذ بالله من الشيطان الرجيم

ماحيد في شياطين فرمضان

من وين ظهرت انته ههههه

كح كح .. فضحتنا ياخي خخ

شو ها ..

متى سرقت القصيده

وانا أقرا العنوان .. أقول شو السالفه ,,

.

ما عليه ,, دواك عندي هههه

على حين غفلة سرقت هاجوس الغرام كككك

..

وانا اقول ليش الريال اييني البركس كل يوم بعد الفطور هههه

زين .. معليه بنفوتها هالمره ..

عشانك صديق عزيز وغالي يالفلاسي

..

بس فاجأتني الصراحه

وانا بدس أرشيفي يبويه

عن تكثر السرقات

هههه

..

أسميك فضحتنا هههه

..

دواك اليوم __DEFINE_LIKE_SHARE__

‏εïз الجآدلـٌ‏ ّ ! · 09-20-2008, 06:11 PM

هههه وعليكم السلام زين سويت فيه خلنا نسمتع بقصاايده مره ثاانيه شل الدفتر كل ابيه وصووبي هههه

وصح الله لساااانه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
النـــــ جديدي .. (( يقول النورس )) حياكم ^^ .. ــــــورس	ઇ النورس ઇ	شعر و خواطر	24	01-12-2011 02:38 AM
الخبر الأكيد : دفتر المرور والمكث المؤقت يغني عن دفتر التربتيك .. خبر أكيد 100%	محروم.كوم	منتدى أخبار المواقع والمنتديات العربية والأجنبية	0	06-09-2010 02:00 AM
الوداع ..... قصيدة متواضعه ... حياكم ....	الرهيب القطراوي	شعر و خواطر	12	03-07-2010 08:37 AM
قصيدة في الوداعين ...الدواسر.......حياكم...دون قصور في ...القبايل...حياكم....	الرهيب القطراوي	الشعر المنقول	8	07-07-2009 02:34 PM
قصيدة من دفتر النورس الخاص..حياكم...	بوفلاسه	المواضيع المكرره	0	09-20-2008 02:53 AM