والترهيم الثاني لمبه لطاوله الحديقه زي مانتم شافين طاوله بلاستك قيمتها 140 ريال عدد 6 كراسي والطاوله كل ماجلسنا انا والعائله لزم نسحبها بالليل تحت النور وانا لزم اقرب لاقرب فيش كهرباء علشان الكمبيوتر لاب توب وبالطاريه ماتقعد ربع ساعه تكون فاضيه يوم فكرت بالموضوع مره شفت انه فيه فتحه بوسط الطاوله علشان المظله قلت ليش ماستفيد من محل المظله لاانه مستحيل اجلس بالشمس واحط مظله ( من زين هالجو ) المهم شلت الفتحه وشفت المقاس ورحت لمحل سباكه وجبت مترين ونص ماصوره بلاستك بوصه ونص وقسام ثلاثي اللي فوق وعدد اثنين كوع بلاستك بوصه ونص وغراء حار علبه صغيره تكفي وزياده قصيت الارتفاع متر ونص وخليت نص متر نص متر قطعتين بطرف كل وحده كوع وركبت فيها كوع كهرب برسلان ماهو بلاستك علشان البورسلان اعرض يمسك بالكوع بدون مايثبت بشي مجرد كبس بقوه شوي يصير تمام وجبت عدد 2 طياس (غذاره) استيل ماهو اصلي من ابو ريالين بريالين الحبه وخرمته مع الوسط للكوع وبالجنب 4 خروم صغيره للتهويه وجبت فيش الماني صغير علشان يتناسب مع حجم الماصوره و 15مترسلك كهرب سلك جرس اسمه كذا علشان مايكون جبر لاان ماعليه حمل يكون سهل لفه المهم اخليكم مع الصور .

الترهيمه الثالثه يمكن اخوي ماجد الحميد سبقني ومنزلها قبل بس انا اقتصاديه اكثر ولا تجبرك لزم تكون مثبته بالسياره والتكلفه بسيطه ممكن 25 ريال فقط طبعا بدون الجهاز والشنطه ندخل بالتفصيل عامود حق بويه قيمت المتر ونص 15 ريال واذا انت فهلوي ممكن تاخذه ب 12 ريال طبعا المتر ونص يدخل ببعض اذا فليته يصير 3 متر وفيه متر اذا فليته صار مترين قيمته 10 ريال بدون فهلوه يعني الهندي يقولك نزوله هلله واحد مستحيل طبعا حسب الرغبه فيه مترين واذا فليته صار 4 متر وفيه نوعيه اللامنيوم غاليه شويه بس هذا يفي بالغرض وزياده فيه نوعين من العصيان واحد صيني زي اللي انا حاطه بالصوره وفيه اطالي وكل النوعين نفس القيمه بس الصيني انحف بالسماكه اخذت منه لااني ماحتاج السميك وكوع كهرب بريالين وغطاء قدر هربته من المطبخ وتم اغياله بالحوش وصبغته بويه بيضاء علشان يصير عاكس والشي الاخير طنب خيمه ولحمت علي جنبه ماصوره 4/3 بوصه 10 سم وثبت في اخرها مسمار علشان العامود ماينزل وماصوره بلاستك نص بوصه مع الكوع بطول 25 سم ومتر ماصوره بوصه وربع مع سده زي ماني مسوي بحافظه اللمبات حقت ماطور الكهرباء فوق باول الموضوع اخليكم مه الصور وعلى فكره انا مسوي عدد3 حبات والله اذا رحت للبر والله تونس نخلي وحده للطبخ وثنين للجلسه واصلن وحده علي ارتفاع 3 متر تكفي كل شي وتغطي مساحه كبيره علي فكره اللمبات صغيره زي مانتم شايفين (15) وات وتنور 36 وات والله اني اولعها من بعد صلاه المغرب الين الساعه 2 بعد نص الليل عدد حبتين بدون ماشغل السياره مشاء الله وعلي فكره انا سويت توصيله بطول 20 متر وبراسها فيش ثلاثي للمبات كلها لاان اللمبات كل لمبه 10 متر سلك جرس من الخفيف اخليكم مع الصور وارحب باي تعديل او اقتراح من الاخوان لاان منتدانا هذا الله يوفق القائمين عليه ماوضع الا لاتبادل الاراء والتشاور والاقتراحات بارك الله بالجميع .ملاحظه (( اخر الموضوع هذا فيه صوره ولدي الله يصلحه كان يسبح وشافني اصور قال ويش تسوي قلت اصور موضوع للمنتدى والله مادريت غير هو جايب خشبه وكاتب عليها وطلبني انزلها لكن العذر والسموحه ياجماعه ))