مسلسل أوراق الحب مدري صدفه .. هل يعكس واقع مجتمعنا الاماراتي .. ؟؟ !! {أتمنى أشوف آرائكم}

ઇ النورس ઇ · 06-08-2010, 03:52 PM

المشاركة الأصلية كتبت بواسطة ياما تحت البراقع ضفادع

[align=center][table1="width:95%;"][cell="filter:;"][align=center]السلام عليكم ورحمه الله وبركاته[/align][align=center]

قريت كل ردود الأعضاء والله ,, بين مؤيد ومعارض ومحايد !! وحشرن مع الناس عيد ههه
-> خط أحمر كل الردود , وثاني رد وتواجد لي في استراحه الحوار والنقاش []

إللي قاهرني وباط مرارتي أول مسلسل إماراتي ؟! خير ياطير موسوعه جينيس سكرت أبوابها ماشيء تسجيل هههه
شركه الإنتاج فقط كانت إماراتيه [ أرى الإمارات ] وبعد خير ياطير ماكان لازم تاخذ مسمى أول مسلسل إماراتي

ياعربي ياتركي بس هب إماراتي ؟!

قريت عنه فالجرايد سواء الإمارات اليوم أو الخليج .. وكان في ضجه كبيره بوقف عرض العمل
وغير إعتذار بعض الفنانين من مشاركه ..

إللي شد إنتباهي أكثر اللهجه ؟! مصطنعه , مشوهه , مبالغه ,غير متقنه
الله عالأخطاء خلف الكواليس هههههه ,

بخصوص اللهجه أنا عن نفسي أول مره أسمعها, خالتيه , عمتيه , ختيه , رمستيه .. يعني آخر شيء تاء وياي والمربوطه ؟!
بس والله زودوها كان خاطري أدخل لهم من الشاشه وأضربهم ضرب بالقب على بوزهم لوول

وإذا كانت لهجه أهل بوظبي على حد ماسمعت ؟! [ أكيد فئه وليس الكل ] من المسلسل إندرجت إنها رمسه أهل الإمارات بالكامل !! ما أختصرت على إماره واحده ,

قال رمسه إماراتيه قال ياعم روووح طييير

المسلسل اشتهر من تفاهته وانتقاد الكل له وهذا بحد ذاته إنه فاشل ..
بشكل آخر إبتعاد المسلسل عن العادات والتقاليد والدين الحنيف

وقصته يعلم شبابنا بإن لايتزوجوا إلا بعد قصه حب يعيشها كلا من الطرفين ؟!
ومن متى البنت تطلع وتدخل مع شاب لايمد لها بأي صله لامن قريب ولا بعيد !! بعلم من أهلها ؟!

من سابع المستحيلات يصير هالشيء عندنا فالإمارات
ماتلقى نفسها إرقبتها مقصوصه عند باب بيتهم هههههه

وشغل العصابات .. هاي الحلقه طافتني هههه ,
حسيت إني أجوف فلم هندي هههههههههههههه

........... []

أبشركم بينعرض بارت 2 فرمضان بعد الفطور هههههههههه ..

السموحه عالإطاله ترى هذا ولاشيء بعدني ماخلصت هههه إن شاء الله المره اليايه بختصر []
الموضوع طويل والنقاش فيه مستمر ..
وغير الإشياء يلي نسيت أذكرها ههههههههه

مجرد رأيي الخاص , لاحد يتعنتر علي وينتقدني ؟! ترى والله أزعل هههههه
إلا صاحب الموضوع

إللي ذكر إنا هالإشياء تصير عندنا ok ما أختلفنا تصير بس من وراء أهلهم
هب شرا المسلسل علناً والأمور كأنها ولم تكن !!

ونقطه نسيت أذكرها [ حمد ] إذا أصح القول شهاب جوهر بحريني الجنسيه وليس كويتي
تصحيح للبعض

دمتم بود [/align][/cell][/table1][/align]

مرحب بالبراقع ^^

ياخوج انا توني ادري انه كتبوا عنه فالجرايد ومدري شو

انا من شفت بعض الحلقات منه ما عيبني

وعرفت ان الكل يتابعه .. بناقشهم ^.^

تدرين عاد .. الشرهه على اللي انتج هالمسلسل .. واللي عرض هالمسلسل

انا محد ذابحني غير اللي يقولون انه المسلسل يعكس مجتمعنا

ياخي انتي قوليلي كييف ؟؟

هههه معى احترامي لآرائهم يعني

بس انا الصراحه توني ادري بسالفة العصابات

شو كان صاير بعد ههههه .. لااحول .. ليكون شي اقوى من اللي نتناقش عنه ؟

شوفي بالنسبه للهجه .. شي من الناس من يتكلمون بهاللهجه الصحيحه

لكن اللي فالمسلسل مصاااخه .. يعني اقولج انا سمعت كلمات اول مره اسمعها

نحن فالامارات نقول امايه او امييه او امااه .. لكن فالمسلسل الغماراتي الأصيل هذا

يقولون .. اميــــَــه

أنا مستعد أقص يدي من اكتافي .. اذا لقيت شخص اماراتي يقول امـــيـــَـــه

قبل لا ينعرض المسلسل طبعا هههه .. بعد ما انعرض المسلسل طال عمرج

وايد اشيا تغيرت أكيد خخ .. يعني يدي اوردي بتكون مقصوصه هههه

ومعاج حق فهالنقطه اميه بالميه ..

هم خلوا هاللهجه لهجة الاماااراات بأكملها

ياخي في البعض ما يتكلم جي هههه .. غصب يعني

يمكن المخرج كان يتحرا ان الكل جي يرمس .. فقالهم يالله .. تراه مسلسل اماراتي

بس المخرج مب اماراتي والمؤلف غير اماراتي والممثلين غير اماراتيين .. بسسسس

شو بعد .. شو تبون أكثر عن جي عشان نسميه مسلسل اماراتي !! ههههه

ما يعجبكم شي انتوا خخخ

وشاكر لج تواجدج ^^

نورتي وربي __DEFINE_LIKE_SHARE__