س/ ليه تطير الفلوس بسرعة ..؟ - الصفحة 2

الـدانـة · 09-16-2008, 03:56 PM

وعليكم السلام والرحمة

تسلم أخوي على طرحك لهذا الموضوع والله يعطيك العافية

أخوي أنا أعتقد أنه المشكلة مب فالفلوس لأنه الفلوس ما أتطير بروحها

المشكلة فينا نحنا لأنه مب قادرين نتحكم في مصروفاتنا اليومية

صح أنه الأسعار ارتفعت وكل شي غلى بس الحمدلله الرواتب بعد عالية

و لو نحنا انحط ميزانية حق عمرنا وأنجوف شو هي الأشياء المهمة اللي نحتاجها

ونبتعد عن الكماليات اللي مالها داعي جان نحنا بخير والحمدلله وفلوسنا ما خلصت

بس أغلبنا من ايسير السوبرماركت يشتري اللي يباه واللي ما يباه

وفي وااايد ناس والله يشترون بدون ما إيجوفون السعر ويوم يوصلون عند المحاسبة يتفاجأون بالمبلغ الكبير

وعقب ايقولون وين سارت فلوسنا ؟؟؟!!!

ونقطة ثانية الصدقة

سبحان الله الله يبارك في مال الإنسان اللي يتصدق و يزيده من فضله ونعيمه

بس اللي انجوفه أنه أغلب الناس ما يتصدقون وإيخافون فلوسهم تنقص

والرسول صلى الله عليه وسلم حثنا على الصدقة في حديته

" ما نقص مال من صدقة "

وهذا اكبر دليل على ان الصدقة تطرح البركة في فلوس الأنسان

بس الواحد يقول الحمدلله على كل حال .. في ناس واااايد عايشين ومب امحصلين لقمة ياكلونها

ونحنا الحمدلله الخير عندنا وبعد مب عارفين كيف نتصرف

والسموحة ع الأطالة __DEFINE_LIKE_SHARE__

مدية · 09-17-2008, 10:52 PM

مرحب الساع
الموضوع طرر
احب ارد على اللي وزيرة الحب يوم انها قالت الواحد ياخذ راتبه وهو هب تعبان فيه .. لا تعممين بالعكس حنا ندخل الدوام اول ناس ونظهر آخر ناس ونكررررف من الخاطر ..

ثانيا: انا اشوف ان ربع المعاش طار بأقساط السيارة وهذا عاد لو ماكان نصه.. ثانيا البترول وماااااااااااااا ادراك مالبترول 1000 شوي في الشهر ..

ثالثا: فاتورة التليفون الله يساااااااااامحكم يالاتصالات جيف تنهبون بيتزاتنا اهئ اهئ

رابعا: الاشياء غدت ناااااار يعني من وجهة نظري عباة سادة مافيها زود تلاقيها ب 300 ولا 400 شحـــــــــــــــقة ...

الحل:
الصـــــــــــــــــــــــــــــــــــــــــــــــ ــــــــــدقة وما أدراك ما الصدقة
كفـــــــــــــالة يتيـــــــــــــــــــــــــــم
ماله داعي ترمسون وايد في التليفون اقهروا الاتصالات شوي
خففوا من السرعة ترا السرعة تشرب بترول وايد ..

وسوالم __DEFINE_LIKE_SHARE__

ابو البندري · 09-24-2008, 07:18 AM

المشاركة الأصلية كتبت بواسطة :*'*: مغازلجي مسجون :*'*:

ههههههههههههه

الموضوع حلو وغريب

الكل يشتكي ليش الفلوس تتطير بسرعه

معنا رواتبنا خياليه بس

أنا أعتقد إنها فلوس حرااام مافيها بركه

معنا مامقصرين نتصدق ونطلع زكاة .......... ألخ

وتلقى آخر أو وسط الشهر فلس واحد في جيبنا ماشيء

نتسلف من فلان ومن علان وأنا بروحي السبب أجهله

ماهي اسبابه

أمكن غلاء المعيشه أو حد ضاربنا بعين ههههه محد يقول ماشاء الله
بس يقولون خيبه تخيبه

وماهي طرق علاجه
طرق العلاج سير عند المطوع أمكن حد مسوي لك عمل ههههه
والله ما أدري

أنا بروحي بترياااا ردود الأعضاء فيني فضول أبغي أعرف الفلوس وين تروح
تلقى ماشرينا شيء يستاهل تخلص بسرعه

والسموووحه ع المغثه
أخوك :: مغازلجي :: بوناصر

بوناصر مشكور ع الرد عليك بالصدقه __DEFINE_LIKE_SHARE__

ابو البندري · 09-24-2008, 07:21 AM

المشاركة الأصلية كتبت بواسطة عيناويه جذابه

الموضوع واااايد حلوو

الفلوس اتطير بسرعة يمكن لأنها عندها أجنحة.. هع

ادري باااايخة ..

بس على ما أظن إن السبب الرئيسي هو الغلا اللي صار منتشر فكل الدول تقريبا..

والصراحة ان الواحد ييمع فلوس ليوم الأسود أحسه صار فهالزمن مستحيل.

أنا بصراحة لين الحين ما أحاتي سالفة الفلوس وكيف اطير..بس الله يعين كل أبو على طلبات بنات وأولاده ..

تقبل مروري ودمت بود

صحيح مو الغلا لانه مع الغلا قاعد ترتفع الرواتب

ذا ماتحاتين سالفة الفلوس زين عندك سلف للعيد (بايخه) : __DEFINE_LIKE_SHARE__

ابو البندري · 09-24-2008, 07:24 AM

المشاركة الأصلية كتبت بواسطة وزيرة الحب

السلام عليكم ورحمة الله وبركاته

والله موضووع عجيييب

والله لفلوس صارت ما فيهن بركة موليه...منيه ينزل الراتب ومناكي يطير.....ما يدري الواحد غير رصيده آخر الشهر كم ميه بس...

اعتقد الفلوس ما فيهن بركة....الواحد ياخذ راتب وهو هب تعبان فيه.....وهب من عرق جبينه....الواحد يسير يداوم...ولا يسوي شغله ع اكمل وجه...( هالشيء لا يعمم...ولكن فيه هالفئة)
من غير انه تعلب عوامل آخرى....الغلا ما كلنا آكل.....الواحد ما يروم يتنصخ من الملتلزمات والاحتياجات اليوميه...نسير السوبر ماركت ..نأخذ كم شغله تنعد ع الاصاابع...ما يطلع دون 500 درهم...

ومن غير انه صرنا ما نتصدق ولا نزكي.....

كم واحد فينا اول ما ينزل الراتب... ويسير يسحب و اول ما يمسك الفلوس من الصرافه...يقول{ الحمدالله ع هالنعمة...اللهم ادمها من نعمة واحفضها من الزوال}

نادر صح.....

كثرة الشكر تديم النعم....وقلت الحمد يزيل البركة

والله الله يعينا ع هالراتب......ويخفف عنا هالغلا اللي ضارب الدوله

تمن الرواتب وإلا زادن ما شيء فاايده

ما يكفي انه الراتب يطير بسرعه...بعد الغلا يسحب منه

يبوكم هذا راتب هب بنك يمول...

الله يبارك لنا في شغلنا ورواتبنا

تقبل مروري

كلامك ميه ميه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بتراب الفلوس	محروم.كوم	منتدى أخبار المواقع والمنتديات العربية والأجنبية	0	06-08-2010 02:21 AM
بسرعة تكفوووون يا جماعة ..أبي كم مكان أتمشى فيه بكرة الإربعاء .. بسرعة بسرعة !!	محروم.كوم	منتدى أخبار المواقع والمنتديات العربية والأجنبية	0	05-11-2010 08:10 PM
مطاوب القبض علية عاجلا غير اجل (الفلوس بطير )	محروم.كوم	منتدى أخبار المواقع والمنتديات العربية والأجنبية	0	02-16-2010 02:00 PM
اخر ماوصل اليه من سحب الفلوس بالمواقع	محروم.كوم	منتدى أخبار المواقع والمنتديات العربية والأجنبية	0	10-13-2009 09:50 AM
طريقة كسب الفلوس بالمتجر في المنتدى	ولــ الدوادمي ــد	برامج انترنت , برامج مسنجر , العاب , تطوير المواقع	15	04-30-2008 07:55 AM