بغيت ارتكب جريمـه !!

..عزت نفسي.. · #1 09-15-2008, 10:38 PM

السلام عليكم و رحمه الله ..

شحالكم ؟! ربكم بخيـر ؟! .,,

حبيت اشاركم ,, بموقف صابني اليوم ,, و بصراحـه { غاضني و قهرني بنفس الوقت ,,

و بغيت ارتكب جريمـه !!

يطولي بعمركم ,, توني من ساعه ,, ظهرت من البيت عندي شغله صغيرونه في المكتبة ,,

و انا راجعه ,,

اشوف [ 2 ] ع بقيـآآت [ بانشي ] ,, كبـآر في السن يعني 25 – 29 سنه ,, يحاولون يستعرضون

جدامي,, !! حركـآآت صغاريـه & سخيفه ,,

الف يمين ,, يلفون ,, الف يسـآر نفس الحاله ,,

ما كان عندي حل الا اني الف ع واحد منهم و ارصه رص ,, يعني بيني و بينه شعرهـ ’’

اتخرع ,, و يتحسبني بدعمـه ,, بس بغيته يتعلم عسب يتوب ,, وما يتحرش فـ بنـآت الناس ,,

بغيت اذبحه و ارتكبه فيه جريمه ,, [ قهرني ,, ] ,,

بصراحه الوالد موصني [ اي حد يحاول يتحرش او يسوي حركـآت ادعميه,, عسب يتخرع شوي ,, و يتأدب ,, و السيـآره فدى راسج ] ,, !!

السـؤال هني :-

1) ليش هالحركـآت !! حركـآت المراهقين ,, ؟!
2) سو السبب اللي يخليهم يستهبلون و هم بـ هذا العمر ؟!
3) شو المطلوب ؟! وشو اللي يبونه ؟!
4) كيف نقدر نوقفهم عند حدهم ؟!
5) اذا كنتوا فـ مكاني شو بتسون ,, ؟!

حبيت اخذ رايكم ,, ؟!

[ ]

و السموحه منكم ,, و ربي يحفظكم ,, __DEFINE_LIKE_SHARE__

~~!,وجدان,!~~ · 09-15-2008, 10:55 PM

هههههههههههههههههههههههههه
والله ضحكت من قلبي
لا عدمناج
*

ردي خفيف
لو تبي الحقيقه
احساسي يقول ..!
عسب يثبتو انهم اقوى منانا يلبنات
ياحرام و الله لو يستويلي جي
ابكي ولا اروم اتحرك من مكاني
وذا اشي اكثر شي اكرها
ليش جي والله حرام
انا اتمنا اني استوي ولد ويستوون بنات
ووسووي فيهم مثل ما يسوون فينا عقب يعرفون ان الله حق

اهى اهى اهى

ههههههههههههههه

تقبلو مروري
مع تحياتي
وجدان __DEFINE_LIKE_SHARE__

مغازلجي مسجون · 09-15-2008, 11:04 PM

بسم الله

نبدأ نشخص الحالـــــــــــــــــه

هاي تصرفات أشخاص شاذييين

وأصلاً الغلط منج ليش تطلعين من البيت بدون محرم

نحنا ما عندنا بنات يظهرن بروحم ويسوووقون سياييير >> أنتوا حدكم سيكل بأربع تواير

ماعلينا من هاي الرمسه

ندخل في الأسئله

1) ليش هالحركـآت !! حركـآت المراهقين ,, ؟!

لفت أنظار وإنتي قلتي إنهم مراهقين يعني شو بنحصل منهم غير الأذيه والتحرش
بالخلايق

2) شو السبب اللي يخليهم يستهبلون و هم بـ هذا العمر ؟!

قلتيها استهبال ... لو رياييييل يخافون على أعراض الناس ماسوووا هالحركات الصبيانيه

3) شو المطلوب ؟! وشو اللي يبونه ؟!

المطلوب واااضح .... لا تعليق

4) كيف نقدر نوقفهم عند حدهم ؟!

الموضوع بسيط خذي رقم السياره والشرطه بالخيزراااااانه بتصلبهم

5) اذا كنتوا فـ مكاني شو بتسون ,, ؟!

نحنا الشباب نتصرف أنتوا البنات أمشوووا سيدا

أنا يوم حد يتجاوزني أقهرهم بزيااااده ساعات توصل

إنا نترايس بسرعه عاليه فداها المخالفات

واتحملي على عمرج وهالله هالله بالسياره .... إنتي نفاذ ينفذج ههههههههه امزح

ربي يحفظج ويرعاج ويبعد عنج عيال الحرام

[align=center]اللهم أهدي شباب المسلمين لما تحبه ربنا وترضاه

وحبب إليهم الإيمان وزينه في قلوبهم

و جنبهم الفواحش والفتن ما ظهر منها وما بطن.

والحمد لربِّ العالمين .. وصلاة وسلامـًا على سيد المرسلين[/align]

[align=center]والسموووحه ع المعثه [/align]

أخوج ::: بوناصر :::::::
__DEFINE_LIKE_SHARE__

النعيمي · 09-16-2008, 12:38 AM

الله يعطيج العافيه ان شالله والحمد الله ماستوى بج اي مكروه

بس اختي من فترة سنتين جريدة الإتحادت ذكرت بعدم مضايقة او التعرض لـ سائقي الدراجات

سواء كانت ( بانشي ، دراجة نارية ، دراجة عادية )

بس الحاصل وياج مايتطلب منج الا انج ادقيــن على الشرطة وتطلبين المرور والدوريات وتخبرينهم انتي وين
وظني اقل عن 5 او 3 دقايق بيتواجدون فالبقعة اللي انتي فيها ...

وللأسف البنات دوم معرضات لتحرش من الشباب ، بس التدعم والتعمد لهم مابييب نتيجة الا صدعة الراس
بينج وبينهم ..
والدوريات بتأدبهم

وحمداله ع السلامة

اخوج / النعيمي __DEFINE_LIKE_SHARE__

نبض روحي · 09-16-2008, 12:55 AM

انا بقولج ..

نااس فاضيه وما عندها سالفه .. وما عندها غييره ولا احتراام لبناات النااااس ..

1) ليش هالحركـآت !! حركـآت المراهقين ,, ؟!
انتي قلتيها حركات مرااهقين والمعرووف ان في هااي المرحله يبوون انهم يلفتوون النظر .. ويثبتوون شخصياتهم باي طريقه .
2) سو السبب اللي يخليهم يستهبلون و هم بـ هذا العمر ؟!
قلتلج اثبات اشخصيه باي طريقه
3) شو المطلوب ؟! وشو اللي يبونه ؟!
انتي اتعرفي شو المطلوووب .. واللي يبوونه ..
4) كيف نقدر نوقفهم عند حدهم ؟!
999 .. احلى طريقه واسهل طريقه
5) اذا كنتوا فـ مكاني شو بتسون ,, ؟!
بتصل في بابا .. او الشرطه ..

الله يهدي الشباااب .. و يعطيهم نعمة العقل ..

تقبلي مروري المتواضع

"احبني " __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بغيت لحن ^^	خفآيا إنسآن	طلبات الاعضاء	12	06-03-2009 05:44 AM
بغيت شرح	Зĩήąώị мτћŵя	طلبات البرامج والشروحات وحل مشاكل الحاسب الآلي	16	07-30-2008 02:14 AM
بغيت صور	مومو الحبوبه	شاعر المليون للكبار1	3	06-30-2008 06:01 AM
بغيت طلب ....	غزالة البدو	كلمات الاغاني	4	05-23-2008 07:49 PM