على صدرهـ كتب {وآفي ..وكآن الحزن {عنوآني...

›• غَنٍجَ اڷشاُمً ‹• · #1 05-26-2010, 12:45 AM

علمته يشيل السيف ويسله في وجيه أغراب
وأول ما قوى شيله رفع سيفه وتحداني

علمته الرماية زين ولا يتعب ولا يرتاب
وأول ما قوت يمناه صوبني ورماني

علمته نظم الشعر ولا يركض ورى الألقاب
وأول ما كتب بيتين كتب عني وهجاني

علمته يعاف الغدر ويوفي بوعده الأحباب
وأول ما فهم قصدي راح بعيد وخـلاني

تعبت أوفي مع الخاين تعبت اصدق مع الكذاب
تعبت ارجيه والجى له وهو ما يوم قد جاني

تعبت ابني صروح الحلم على شانه شقى وإتعاب
ولا مره شعر فيني ولا حس بأحزاني

غريبة كيف يتجرأ يـسوي ما رفضه أجناب

وهو اقرب من النظرة لعيني منها أجفاني

أنا اللي عشت له ديره عزيزة ما لفاها أغراب
وهو كان الوطن اللي نساني أوطاني

سهرت الليل لعيونه رغم نومي علي غلاب
مع هذا صبرت وقلت من شانه أنا أعاني

عيوني تنثر الدمعة وظني للأسف قد خاب
وقلبي مات في سجنه يوم الحب سجاني

تموت أفراح هالدنيا وأنا كلي بقايا أسراب
من هموما تعل القلب تشمت فيني عدواني

هنا هم لا رأوا عيني تسهر في رجى الاقراب
وبكايا عندهم يعني بقايا عزف الحاني

سبب حالي خوي الدرب شمت فيني الأغراب
تركني بوحدتي أشقى بصده لي وهجراني

زمن ما يعترف بالذنب ولا يستغفر التواب
زمن لا جارت ظروفه تغربل كل أكواني

أنا عمري غدى تاريخ تضمه دفتين كتاب
على صدره كتب وافي وكان الحزن عنواني

اشرح فيه معاناتي عبره يا أولي الألباب
نهايتها ضياع العمر في تدريس صبياني __DEFINE_LIKE_SHARE__

♕ وليد الجسمي ♕ · 05-28-2010, 03:27 PM

صح لساانـــک

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننک ع القصيده الغاااااويه وصح السانک الشااعرة

والله يعطیک العافيه ونتظر منک زوود

كلمات فى قمة روعة

وتقبل مرورى __DEFINE_LIKE_SHARE__

›• غَنٍجَ اڷشاُمً ‹• · 06-03-2010, 10:30 AM

۩ وليد الجسمي ۩

تسلم ع الرد منور ~ __DEFINE_LIKE_SHARE__

سخيفه · 06-09-2010, 09:31 AM

yslmooooooooooooooo __DEFINE_LIKE_SHARE__

›• غَنٍجَ اڷشاُمً ‹• · 06-11-2010, 04:20 PM

سخيفه

تسلمي ع الرد ~ __DEFINE_LIKE_SHARE__