(( ₪۝ ( يوميــــــــات ) ۝₪ )) - الصفحة 3

♕ وليد الجسمي ♕ · 09-18-2008, 03:33 AM

,
,

8 / 9 / 2008
الساعه 10 مســاءا

ذكرى السفر

في ذاك اليوم كان الوقت العصر
وكانت اول سفره لي .. برع بلادي .. وبروحي
رافقني المطار الوالد الغالي ربي يحفظه ويطول بعمره شيخ الشيوخ
وكانت معاه اخر العنقود
كانت صغيره .. مشكنمه وما تنشاف
بعد العناق الوداع .. واذكر بعد فوق الفلوس الي وياي
زادني وقال الظرف هذا خله وياك في المحفظه الخاصه

تدرون شي
يقولون اول حب ينخلق في الكون حب الام
هذا الصحيح انولد فيني والقى مع الايام
وبعد ما درات الايام .. اكبر حب انولد فيني
حب الوالد الغالي
اعشقه حد الجنون
الوحيد الي وقف جمبي من بين الكل

المهم
بعد العناق .. ونظرة شوق .. وكف الوداع
وصلت الباب الي بعد الوزن داخل
رحت اسلم جوازي والقى الموظف سألني جواز الصغيره وينه
استغربت من كلامه قلت اي صغيره قال هذي الي حذالك
ههههه
من صغرها الموظف الي قبله ما لاحظ وجودها وهي ماسكه في طرف بنطلوني
اتصلت في الوالد .. وهو من مكان ل مكان يدور عليها

الموقف هذا لا ينسى

,
,
,

وانا رايح الطياره .. اصعد درجها واناظر وراي
الله يشهد في اللحظه هذي تنولد اعظم قصايد ( شوق دبي )
من يسافر يجرب اللحظه هذي .. مسافر برع بلاده
يعطي نفسه نظرة لبلاده من وراه

,
,
,

,
,

على الكرسي قاعد قريب الدريشه
شوي شوي نتحرك .. صعدنا فوق .. واقلعنا
وابتدت
سوالف رحلتي
الين اوصل مطار القاهره
اوصل مكان .. ماعرف فيه احد
غيري انا .. ودفتر جوازي .. وشنطتي
واتجه وقتها لسفاره الاماراتيه
الي يوم تدخل عندهم .. تحس نفسك بين اهلك وناسك
ما انسى الضيافه الطيبه من الاب والصديق والاخ
احمد الميل الزعابي / سفير دولة الامارات في جمهورية مصر

ضيافته للطلبه المواطنين باسلوب الاب الحنون
الي فاهم وضعية الطالب بعيد اهله
بالفعل خير من يمثل دولة الامارات في الخارج

استقبلني برحابة صدر وحسسني يومها بشي بعيد عن الغربه
وشرح لي كل شي باسلوبه الجدا مرح
وانطلقت من بعدها لسكن الطلاب
وابتدت غربتي من هذا المكان
وتبقى الذكريات الين اليوم
في اعماقي .. تسكن اوراقي .. تروي اشواقي
,
,
,

,
,
,

اسمعها
واذكر لحظة رجوعي

( بيتك هنا )
في داخل القلب
لو جيت
وان ماكفاك القلب
ل فرش لك العين
انت
دفا الشمس للبيت
يا وحشتني دونك
لو غبت يومين
,
,
,
,
,
,

انتهى
,
,
,
,

::مختلف:: __DEFINE_LIKE_SHARE__

{,.בرايّـر.,» · 09-18-2008, 04:15 AM

السلاام عليكم

الصرااحة يومياتك في قمه الروعة
واسلوبك في الكتبة يجذب القارئ

واايد حبيت الاسلوب
وانشالله بكون من متابعي يومياتك...

تقبل مروري __DEFINE_LIKE_SHARE__

the_small_lady · 09-18-2008, 07:36 AM

اسمحلي اخوي وليد اعبر عن اعجابي لموضوعك الرائع والمتميز برقيه روعه روعه روعه

وماشالله اسلوبك لاتعليق عليه قمه في الروعه وانجذبت للقراءه من الاسلوب فما بالك من الطرح

يعني مااقدر اقولك الا من جد ابدعت وروعه الموضوع من جد اقف عاجزه عن التعبير تجاه مووضوعك الرائع

واذا قلت ماعجبني الموضوع اكون كاذبه لانو مووضوعك قمه في روعته

يسلمووو

تعلمت اشياء كثيره من حياة وليد الجسمي فعلا وبعضها تنطبق

بانتظار روعة المواضيع

تقبل مروري

واعتذر عن الاطاله __DEFINE_LIKE_SHARE__

♕ وليد الجسمي ♕ · 09-20-2008, 03:20 AM

المشاركة الأصلية كتبت بواسطة βiηт ƒeηdi

السلاام عليكم

الصرااحة يومياتك في قمه الروعة
واسلوبك في الكتبة يجذب القارئ

واايد حبيت الاسلوب
وانشالله بكون من متابعي يومياتك...

تقبل مروري

تسلمين أختي ع المرورك وردك الجميل

المشاركة الأصلية كتبت بواسطة the_small_lady

اسمحلي اخوي وليد اعبر عن اعجابي لموضوعك الرائع والمتميز برقيه روعه روعه روعه

وماشالله اسلوبك لاتعليق عليه قمه في الروعه وانجذبت للقراءه من الاسلوب فما بالك من الطرح

يعني مااقدر اقولك الا من جد ابدعت وروعه الموضوع من جد اقف عاجزه عن التعبير تجاه مووضوعك الرائع

واذا قلت ماعجبني الموضوع اكون كاذبه لانو مووضوعك قمه في روعته

يسلمووو

تعلمت اشياء كثيره من حياة وليد الجسمي فعلا وبعضها تنطبق

بانتظار روعة المواضيع

تقبل مروري

واعتذر عن الاطاله

تسلمين أختي ع الكلام الطيب و ع المرورك الجميل

و ربي يعطيك ألف عافيه __DEFINE_LIKE_SHARE__

♕ وليد الجسمي ♕ · 09-20-2008, 03:25 AM

الثلاثــاء
9/ 9 / 2008
الساعه : 9 مســاءا

,
,

في لحظة دوامي
من المكتب قريب الدريشه الطابق الاخير

خلفي اشوف محطة اقلاع الطائرات
كل الرحلات مسموح فيها ذهاب وعوده
وكل المطارات فيها مغادرون وقادمون
وفي لحظه قعدت افكر
,
,

,
,

في رحلات في حياتنا تبقى
( ذهاب .. من دون اياب )
تعالوا نعتبر ( القلب )
المطار
ووناس تدخل لقلبك تروح وتعود .. تغيب وترجع لنفس المطار
نفس المطار بس القى الفرق
,
,

,
,

القلب الي فينا
تمر عليه لحظات يقطع
تذكره لواحد
ذهاب .. ( بدون رجعه )
ممكن في لحظه
يرجع لنا .. ( للمطار ) .. للقلب الي فينا ..
ياخذ ساعة او يوم
(( .. ترانزيت .. ))
يقعد لمدة ساعه او يوم
يقعد ..

يتذكر كل شي ..
ويتحسف على كل شي ..
ونادم على كل شـــي ....
ويبكـي على كل شــــي ....
يقعد شوي .. ويروح
(( هذا ترانزيت )) ..
ممنوع الجلوس اكثر من الساعه او يوم

,
,
,

حاول معاي :

أن كان هواك
ضيع خطاه .. ولا نشف فيك الشعور
حول هموم قلبك ( شموع )
وارجع وطيــر .. ويالطيور
طبع الحياه :
حزن و فــرح
وطبع الورود .. شوك وزهور

,
,
,

انتهـى
,
,
,
,

::مختلف:: __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝\|\|₪[ .. أسـولف للبحر عنك .. وفجأه هديت أمــواجه .. ]₪\|\|۝	:: مختلف ::	شعر و خواطر	17	11-13-2010 08:26 PM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
₪۝ ((.. الــي نطقته نعم ₪ والــي قصدته لا.~	ذيب ولد ذيب	الإستراحه العامة	19	08-15-2008 06:46 PM
₪۝ .. ابتــدا الفصل الح ـــزين .. ۝₪ .. ( بعد الغ ـــياب )	:: مختلف ::	شعر و خواطر	12	06-02-2008 10:22 AM
¶۝₪۩\|\|\|[ للح ــــوار والنقـــاش ]\|\|\|۩₪۝¶ .. للجميــــع	:: مختلف ::	الحوار والنقاش - الرأي والرأي الآخر	29	03-06-2008 10:24 AM