(( ₪۝ ( يوميــــــــات ) ۝₪ )) - الصفحة 2

♕ وليد الجسمي ♕ · #1 09-17-2008, 03:21 AM

7 / 9 / 2008
الساعه 10 مســـاءا

ساعات

قاعد مع نفسي واحاسبها
حساب النفس يختلف عن كل الحسابات
فيها أهات على الزلات .. وفيها دموع على الاخطاء
وفيها
أسفّ
على الي راح .. والي ضاع

اقعد مع نفسي شوي
واشوف السنين الي مضت
تحقق شو ؟! .. وصلت لشو ؟!

الحمدالله رب العالمين
انا ماعتبر نفسي ناجح بكل ما تحمل الكلمه من معنى
ولكن
اعتبر نفسي ناضج من سنين وكل شي شفته وعاشرته
يعني .. اعتبر نفسي
ناضج فوق النجاح

,
,

,
,

في احدى السنين .. خلال دراستي لطب في الخارج
كنت اعتبر غلطة حياتي .. رضوخي لرغبة الوالد
وبكل صراحه .. طغت نظراته .. وأماله .. على الرغبه الي فيني
يمكن لانه كان احب الناس واقربها لقلبي .. من بد الدنيا كلها
ويمكن الوحيد الي رافقني في اول مراحل حياتي ..
دامني ملكه الوحيد ..
( قصه طويله )
المهم ..
حسيت بمعنى جملة
( عشان اغلى ناس في حياتك .. لازم تقدم تنازلاتك )
كان التنازل الي قدمته .. جدا كبير .. بس الحمدالله دست الي فيني بشكل غير ملحوظ
يمكن هذي التجربه الي دامت 3 سنين بين السفر والعوده
تعلمت الشي الوحيد منها
( غربة برع بلادي )
ما بين
سكن طلاب .. جامعه .. وقت العصر .. وقت المغرب
وقت البرد القارص .. وقت الشوارع وهي خاليه من الناس
وقت النيل .. وصخب القاهره .. وعالم اجهلها .. ولا اعرف مخلوق منها
ويوم سافرت .. كنت ماعرف اي احد
كنت اعرف وانا بوسطه مطار القاهره
انا .. بيدي اليمين الجواز .. وبيدي اليسار شطنتي
ومرت 3 سنين .. مثل لمح البصر
صدق السنيـــــــن تمر
وفي الاخر .. وقفت الدراسه لظروف نفسيه ( قاهره )
ورجعت ابدا من جديد ..
تجربه .. حيل قاسيه ولكن .. قدرت امشي من جديد
وبفضل الله سبحانه وتسليمه الوالد لي .. ختمه الخاص
قدرت امسك كل شي .. وامشي من يديد .. واستقر عنهم
,
,
,

ودي اشرح هذي السنين الي راحت من عمري ( زمان )
للحديث بقية
كتابة النص هذا
بدون اشطب .. بدون اي مراجعه ..

,
,
,
,
,
,

انتهى

,
,
,

::مختلف:: __DEFINE_LIKE_SHARE__

♕ وليد الجسمي ♕ · 09-17-2008, 03:25 AM

,
,

(( من مذكراتي القديمة ))

1 / 1 / 2008
الساعه : 7 مســاءا

موقف صعب
يجبرني وقتي .. انطرح فيه
احيان لازم في نفس اللحظه .. القرار

نعم .. لا

ساعات .. ننطق بكلمة نعم
وداخلنا .. لا
وساعات .. ننطق بكلمة لا
وداخلنا .. نعم
( غصبن عليك .. لا مو بديك )
بعض المواقف .. تجبرنا نقسى على انفسنا
والي من حولك .. واقرب اقرب ناس ..تقسى عليهم
( غصبن عليك .. لا مو بديك )
بعض المواقف ..
تجبرك تنسى احساسك شوي .. ويمكن كثير
وتبعد عنك العواطف .. وتنسى طيبة القلب
( غصبن عليك .. لا مو بديك )
بعض المواقف ..
تجبرك تناظر عيونك في المرايه
وما تناظر عين احد .. يمكن لو تناظر عين احد
قرارك .. تشتت .. ويمكن تضيع ..
,
,

,
,

تخيل

عليك القرار .. وهذا القرار يسبب لك
غصه في الداخل .. عوار القلب .. دمعة عيونك
تكتم انفاسك .. تشهق بصدرك .. وكف ايدك على خدودك
واصابع تمسح جبينك .. وصوتك ضاع
يمكن وقتها
لو نطقت ب .. لاااا
صعب الي حولك يفهم اسبابك .. صعبه وايد
ويمكن لو نطقت ب .. نعم
تنطقها بعد النفس العميق وتنطقها بصوتك حزين منكسر داخل فوادك
وصوتك خفيف
.. ن ع م ..
وبعد الكلمه هذي الي حولك يبتسم .. والكلام الي حولك يدور
( صدقني هذا الصح .. قرارك صح .. )

,
,

,
,
وقتها دورك .. تبتسم كذب .. ومن يفهم تحت الابتسامه كم دموع
تروح لغرفتك .. تقفل عليك الباب .. وتتسند على ذا الباب وتنسحب لين الارض وتقعد على ريولك
وتنطق وصوتك ضـاع
( دخيل المشاعر لا .. دخيل الي فيني لا .. دخيل الي يبكي لا )
,
,

,
,

قبل لا يصير كل هذا
تخيل كل شي قلته .. قبل لا يصير كل هذا
صحيح الدنيا فيها ناس
من يسوى وما يسوى
صحيح في دنيتي كم ناس .. ايذا اعطيهم دمع عيني .. ولا حاجه
وايذا اعطيهم سهر عمري .. يظل شوي
لكن انتبه وايد
قرارك يهدم انفاسك .. على بالك بترضي الكل
ترى غيرك على باله .. كلامه صح .. وهذا الصح
وما يدري بتفاصيلك .. ويمكن تستحي شويه

واجه اقرب احبابك ..
قبل ما تقول ( انا موافق )
وفي الاخر .. تعيش القلب بدون احساس
ويتلوم فيك احبابك .. تحسسهم بذنب اكبر
على بالك بتسعدهم وترضيهم .. خطــاك اكبر

,
,
,
,

سـاكت
ومالي راي
صوتي
انحبس وياي
الي اختنق بالهوا
( ما تفيده .. قطرة ماي )
,
,
,

انتهى

,
,
,
,

::مختلف:: __DEFINE_LIKE_SHARE__

شذى الروح · 09-17-2008, 03:36 AM

هنا ابداع قلم مميز

طرحت يومياتك باسلوب يجذب القارئ
استمتعت بمروري في هذا المتصفح

تسلم اخوي و يعطيك العافية

لي عودة لاستكمال اليوميات

ارق التحايآ __DEFINE_LIKE_SHARE__

♕ وليد الجسمي ♕ · 09-18-2008, 03:29 AM

تسلمين أختي ع المرورك وردك الجميل __DEFINE_LIKE_SHARE__

♕ وليد الجسمي ♕ · 09-18-2008, 03:33 AM

,
,

8 / 9 / 2008
الساعه 10 مســاءا

ذكرى السفر

في ذاك اليوم كان الوقت العصر
وكانت اول سفره لي .. برع بلادي .. وبروحي
رافقني المطار الوالد الغالي ربي يحفظه ويطول بعمره شيخ الشيوخ
وكانت معاه اخر العنقود
كانت صغيره .. مشكنمه وما تنشاف
بعد العناق الوداع .. واذكر بعد فوق الفلوس الي وياي
زادني وقال الظرف هذا خله وياك في المحفظه الخاصه

تدرون شي
يقولون اول حب ينخلق في الكون حب الام
هذا الصحيح انولد فيني والقى مع الايام
وبعد ما درات الايام .. اكبر حب انولد فيني
حب الوالد الغالي
اعشقه حد الجنون
الوحيد الي وقف جمبي من بين الكل

المهم
بعد العناق .. ونظرة شوق .. وكف الوداع
وصلت الباب الي بعد الوزن داخل
رحت اسلم جوازي والقى الموظف سألني جواز الصغيره وينه
استغربت من كلامه قلت اي صغيره قال هذي الي حذالك
ههههه
من صغرها الموظف الي قبله ما لاحظ وجودها وهي ماسكه في طرف بنطلوني
اتصلت في الوالد .. وهو من مكان ل مكان يدور عليها

الموقف هذا لا ينسى

,
,
,

وانا رايح الطياره .. اصعد درجها واناظر وراي
الله يشهد في اللحظه هذي تنولد اعظم قصايد ( شوق دبي )
من يسافر يجرب اللحظه هذي .. مسافر برع بلاده
يعطي نفسه نظرة لبلاده من وراه

,
,
,

,
,

على الكرسي قاعد قريب الدريشه
شوي شوي نتحرك .. صعدنا فوق .. واقلعنا
وابتدت
سوالف رحلتي
الين اوصل مطار القاهره
اوصل مكان .. ماعرف فيه احد
غيري انا .. ودفتر جوازي .. وشنطتي
واتجه وقتها لسفاره الاماراتيه
الي يوم تدخل عندهم .. تحس نفسك بين اهلك وناسك
ما انسى الضيافه الطيبه من الاب والصديق والاخ
احمد الميل الزعابي / سفير دولة الامارات في جمهورية مصر

ضيافته للطلبه المواطنين باسلوب الاب الحنون
الي فاهم وضعية الطالب بعيد اهله
بالفعل خير من يمثل دولة الامارات في الخارج

استقبلني برحابة صدر وحسسني يومها بشي بعيد عن الغربه
وشرح لي كل شي باسلوبه الجدا مرح
وانطلقت من بعدها لسكن الطلاب
وابتدت غربتي من هذا المكان
وتبقى الذكريات الين اليوم
في اعماقي .. تسكن اوراقي .. تروي اشواقي
,
,
,

,
,
,

اسمعها
واذكر لحظة رجوعي

( بيتك هنا )
في داخل القلب
لو جيت
وان ماكفاك القلب
ل فرش لك العين
انت
دفا الشمس للبيت
يا وحشتني دونك
لو غبت يومين
,
,
,
,
,
,

انتهى
,
,
,
,

::مختلف:: __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۝\|\|₪[ .. أسـولف للبحر عنك .. وفجأه هديت أمــواجه .. ]₪\|\|۝	:: مختلف ::	شعر و خواطر	17	11-13-2010 08:26 PM
₪۝ احساس صوره ۝₪ .. مع كــاتب وصــورة .. ( للجمــيع )	~ al sha3er ~	شعر و خواطر	153	10-18-2009 11:05 AM
₪۝ ((.. الــي نطقته نعم ₪ والــي قصدته لا.~	ذيب ولد ذيب	الإستراحه العامة	19	08-15-2008 06:46 PM
₪۝ .. ابتــدا الفصل الح ـــزين .. ۝₪ .. ( بعد الغ ـــياب )	:: مختلف ::	شعر و خواطر	12	06-02-2008 10:22 AM
¶۝₪۩\|\|\|[ للح ــــوار والنقـــاش ]\|\|\|۩₪۝¶ .. للجميــــع	:: مختلف ::	الحوار والنقاش - الرأي والرأي الآخر	29	03-06-2008 10:24 AM