الى كل من لديه موهبه شعريه ..((المستشعرين )) ظروري تقرون عدل!

بن حمرور · #1 09-14-2008, 03:26 AM

السلام عليكم

بالبدايه ،،

الى كل من لديه موهبه شعريه ،،

الشعر ذوق ، وفن ، وابداع ، واحساس راقي ولو كل من هب
ودب كتبله سالفه وقال هذي قصيده ونزلها في منتدى او ما
شابه ذلك وقال هذا آخر انتاجي وجديدي الشعري .
كان حال الشعر يرثى له .!!!

هذا الحال ينطبق على بعض الأعضاء ، اللي مالهم لا شبر ولا
باع ولا حتى شعره في بحور الشعر ، لا لهم حيله ولا وسيله,

بس الغلط مب منهم !!!

لأن الغلط يكمن في الأعضاء اللي يدورون زيادة المشاركات ، من خلال
الردور على قصائد هــ المستشعرين ، ومجاملة كاتب الموضوع بكلمة
(( صح لسانك او قصيده مافيها حيله )) ..!!

للعلم يا اخواني عمر الشخص ماراح يتعلم الا اذا انتقدته ، وما اعتقد
انتقادك للشخص يحبط من معنوايته او محاولاته ، لا بالعكس بيتعلم
وبيستفيد والقادم راح ايكون احسن عنده من القبلي .

وانا احب اهدي بعض هالمستشعرين كلمات
كيبورديه بسيطه ومستعجله ، تعبر عن معناها ...

14-9-2008

ياليل سابق موج بحر العواصيـــــــــف

قبل الفجر يبزغ وينفض شعاعـــــــــه

واكتب على شط القصايد تواصيــــــف
للي لهم في مدهل الشعر داعــــــه

واسند على بعض النفوس المصانيـف
تعليمة الهاجوس أطلق ذراعـــــــــــه

واكتب لهم بالطول بالعرض ياحيــــــف
ياحيف من وطر الرخم والدراعــــــــــه

واقلب عجاج الوقت قبل المعاطيــــف
واندب على فن الشعر للجماعـــــــه

اللي تعنو من بعاد المخاطيــــــــــــف
يبنـون ويشدون بيت الظباعــــــــــــه

ماعندهم غير المجامل بتزييـــــــــف
يثنون ويحثون طرق اليواعــــــــــــــه

لي ما تغذوى من كنوف المصاريــــف
ماساقهم بيت النداوي رواعــــــــــه

ياكاتب المكتوب رزقك على السيــف
خل الغزر عنك يباله براعـــــــــــــــه

رزقك على السيفه ترا ياك طاريــــف
لا تخوظ موج اليم قو اندفاعـــــــــــه

ويامعطيا" رايك على كل ما شيــــف
خلك صدوق النفس ذوق أبرفاعـــــه

لا لا تجامل من يخط التناتيـــــــــــف
عطه الحقيقه دون رحمه وشفاعــه

واوجز له الصحه اذا كنت عريـــــــــف
ولا تجنب قول هابي رباعــــــــــــــه

يافاهمين الذوق للذوق تصريــــــــف
اسم وحروف وجر وانواع شاعـــــــه

لا تقلبون الشعر غبطه وتحريـــــــف
لامايصير النون عالي ارتفاعـــــــــــه

ياليل هيد دوك شل المخاطيــــــــف
شفت الفجر بانت هدايب شعاعـــه

والسموووحه
__DEFINE_LIKE_SHARE__

~~!,وجدان,!~~ · 09-14-2008, 08:46 AM

الله الله
روعه موضوع جدا" جدا" جميل

تسلم يمينك
لاعدمناك

تقبل مروري
مع تحياتي
وجدان __DEFINE_LIKE_SHARE__

صرناخ · 09-14-2008, 01:39 PM

×

×

×

صح لسانك وتسلم يمناك على هالموضوع المفيد يالطيب __DEFINE_LIKE_SHARE__

شُـمْوכֿـ آڷـــۈد · 09-14-2008, 05:25 PM

يافاهمين الذوق للذوق تصريــــــــف
اسم وحروف وجر وانواع شاعـــــــه

تسلم والله __DEFINE_LIKE_SHARE__

الحريزي · 09-14-2008, 09:19 PM

وعليك السلام ورحمة الله ...
.

مرحباا وحي بن حمرور .. شحالك أخويهــٍ ربك الا بخير ..

الواحد وأن ما كان ناقد لعمرهــٍ ما بيتعلم يوزن صح .. عدنا عرب فالمنتدى عيزناا من زود ما ننتقد فيهم وهب طالع فيدهم شي ..

من اشتركوا .. للحين وقصيدهم واغلاطهم هيه نفسهاا .. ياغير مرات يتعدونهاا وتضبط معاهم ..

.
.. ماقصرت على التنويه والنقااط المفيدهــٍ لنا كأعضاء وأنت معلم وأحناا طلابكـ ..

وبعدين هذا منتدى - - > مم حط في بالك هالشي إذا الواحد كان حي فواد ولا قريض راعي علوم .. ..لو قصاايده
بايخهــٍ أحم أو عاديهــٍ يلقى عليهاا إقبال فظيع .. لدرجة انه الواحد يحس بقصيدته تنعطى أكثر عن حقهاا .. - - > ما
قلل شان القصيد و انا واحد منهم ترى ..

أو يتلومون فيه الربع .. يسلكون طريج لمجامل .. ما فيدهم حيلهــٍ ..

.
وبتشوف العجب العجاإأب .. بعدك أصبر ،،

.. ولازم تراعي في عرب مالهم في الأعمااق وكتاباتهم عن خاطرهم لول ...

ومع أحترامي للمنتدى وسمعته لكنه مذوقين الشعر به قليلين ...
.

.. مم وصح لسانك من التراب الياا السحاب ع القصيده اللي سدحتهاا هع .. خف عليناا لو توصل معانيك كلهاا
ومواعضك زين .. وحرام عليهم يمرون مرور الكرام .. تنغز وتطعن والطعن فيهم حرام ..

.

. تقبل مروري .

أخوك بن حريز __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياهل الشيم ياهل الخير ابي مساعدتكم ظروري ظروري حياه او موت	محروم.كوم	منتدى أخبار المواقع والمنتديات العربية والأجنبية	0	10-14-2009 12:00 PM
ظروري يرجى توفير اكبر عدد من الالعاب ظروري	محروم.كوم	منتدى أخبار المواقع والمنتديات العربية والأجنبية	0	06-21-2009 03:50 AM
رأي كل واحد عنده موهبه.. ولماذا	صاحبـ الصوتـ العذبـ	الحوار والنقاش - الرأي والرأي الآخر	6	12-26-2008 07:43 PM
مقتطفات شعريه خااااصه"اهداء لجميع اعضاء المنتدى"...قناااااابل شعريه؟؟؟؟	♕ وليد الجسمي ♕	الشعر المنقول	6	11-09-2008 02:59 PM
لكل المستشعرين بهذا المنتدى ... والسلام عليكم ...&&	بن حمرور	شعر و خواطر	13	08-21-2008 03:13 AM