من عجائب وغرائب طرح الطيور...ومع النيه الصافيه,,,,,,,,ذراع لذيب

محروم.كوم · #1 05-22-2010, 08:01 AM

ماشالله تبارك الله

السلام عليكم ورحمة الله وبركاته,,

مساكم \ وصبحكم الله بالخير اعضاء ومشرفين وزوار منتديات مكشات,,

متابعين هذي الخيمه اسعد الله اوقاتكم بكل خير يرسل ابو ماجد كثير السلام,,

والمحبه لكم وهو من المتابعين والمهتمين لهذه الخيمه الطيبه وده انه يشاركم,,

لكن ظروفه لاتسمح وقالي مادام انت موجود ماتجي منا القطيعه وان شالله ,,

مانقصر في المنتدى واتشرف ان اكون مراسل ابو ماجد(المعتزل) في المنتدى,,

صراحه انا ماتأثرت وماعشقت مطراد الطيور الامن ابوماجد له قصص وحكايات,,

ماتنتهي وماتمل عزالله ان جلسته تنشرى بالذهب والالماس له اسلوب في سرد ,,

سوالف المقناص وطرح الطيور شي عجيب وكن الواحد عاش معه لحظاتها ,,

وقصصه كثيره عن طرح الطيور وهذي من احد قصصه اللي اخترتها لكم,,

وبلسانه يقول...

فيه سنه من السنين كنت قانص شمال الشعيبه وبالتحديد شمال القطان في حروة هجرة,,

الشواهين الفروخ وكنت متمركز بالمنطقه وكان فيه موتر يبعد عني في حدود متين متر تقريبا,,
وماعرفت منهم اهلها المهم دقايق والايزهمني راعي الموتر والاهو خوينا الروزي رجال,,
شروهمن يقرى ومعه خويه المهم جيتهم وسلمت عليهم وقال ابشرك بطير قطع علينا قبل وقت,,
وهذي من نية الرجال الطيبه يوم انه زهم علي المهم وحنا وقوف اخذت الدربيل وينشغل بالي,,
يم الطيروانا اقول والله مالها غير السفينه وكانت تبعد عنا بمسافه واشد الدربيل يمها ,,

وشوي سبحان الله الا والشيهانه ظاهره منها راحت ووقعت على السيف واصيح ابشروبها,,
ياخويانا وتتقدملها المواتر يوم وصلناها تقدمت لها وحذفت لها سمانه مثقله وماطلبتها ,,

والحقها بقطاه طلق ولاتونت هدة على طول ولزمتها ماشالله تبارك الله قلنا لازم نبعدها,,

عن البحر ووجهنا المواترعنها ودرجتها الين ابعدتها المهم اخذت وقت وهي تعلف وننقزتها,,

كم مره وجا وقت الهدد هديت الوكريه وكبستها الوكريه تفارست الطيور مره تطرح,,

الوكريه ومره الوكريه تطرحها الين الشيهانه تمكنت من الوكريه وابركت عليها وهي,,
لازمهالقطاه ماشالله تبارك الله وهابت الوكريه وفكتها ووقعت قريب منها وزهمنا بالجهاز,,

اللي معه طراد طيب يقرب وجاك واحد من القنوص قال معي شيهانه طيبه الطيور ,,

ماتروح عليها بيض الله وجهه ماقصر المهم هدينا الشيهانه والا الوحش يوم شاف الطراد,,

جاها كان تكوبر وتهاب الشيهانه الطراد وتوقع جنب الوكريه وتعلف الشيهانه علفتها,,
والطرادات تشوف لا اله الاالله منظر نادر وعجيب الشيهانه فيها هيبه هيبتبها الطرادات,,

سبحان الله وجانا واحد من خويانا اسمه عقاب المالكي بيض الله وجه معه طراد مثلوث

حرار وهديناه عليها ويجيك المثلوث ويوقع عند ذنيبها ويلتفت في الطرادات ويتهايق على,,
الشيهانه الوحش يبي يشوف العلفه وسبحان الله ينقز عليها نقز ويلزم العلفه ويفارسها,,

مفارسه قاضبها قضب مع ارضيتها ماشالله تبارك الله الشي اللي اهالنا ان القطاه انحذفت,,

مترين عنهم والشيهانه ماعلقت بالشبكه والحر لازم ارضيتها لازم واجي والزم الشيهانه,,

وكلن يهلل ويكبر وازهم على خويانا فكو الحر مني لازم بأرضيت الشيهانه ومامعها شي,,

يعلم علي الله ان اشوف القطاه تبعد عن الطيور مترين سبحان الله يوم خلى المثلوث,,

مايشوف القطاه ولاكان فكها سبحانه يوم اعماه والله لاكتب الرزق لعبده مايروح عنه,,

ابد وماياخذه غيره وانتظرونا مع قصص وسوالف عن طرح الطيور,,

,

,

,

,

وهذي صورة الفرخ الشياهين الساطي

,
,
,
,
ماشالله تبارك الله البوز بوز عقاب,,

,
,
,
,
ولاتنسونا من دعواتكم الطيبه,,
في وداعة الله جميع,,
__DEFINE_LIKE_SHARE__