.:.تـــوفتــ أمهــ .:. قصيدهـ أبكتـ من لا يبكيـ

عزيل قلب · #1 05-21-2010, 03:34 AM

اقرؤا معي ما كتبه هذا الشاب المتهور الذي تعرض إلى حادث وكانت معه أمه
فتوفيت وبقي هو علي قيد الحياه وكتب القصيده هذي...
:::
::
:

يواسيني وانا الميت وحالي يجبر الدمعات........تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات.........يجبروني عشان امشي ورجلي ما تمشيني
قتلت رعايتي بيدي قتلت الحب والرحمات........حرمت النفس من حقها وانا ابكيها وتبكيني
وكنه حلم قدامي يقيدني من الصرخات.........ابي اصحى ولكني عجزت القى ال يصحيني
فداك القلب يايمه ومهما قلت من كلمات .........صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات.....صحيح اني ولد طايش وكل ما أسمعه فيني
تجول عيونهم فيني تفصل مني قياسات ........وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة ........وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات .........وصار الهم عكازي اباكيه ويباكيني
عطيتيني بدون حساب ولا سمعتك تقولي هات ......وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات ............واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات ..........تعالي غيري هالقول واطيعك باقي سنيني
واترك عادة التدخين وانفذ ما تبي بسكات ........واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات .......ابيك انتي ولا غيرك على موتك تعزيني
وضميني وداويني مثل ما كانت الهقوات ........ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات ..........انا مقوى ابكيك اذا انتي تبكيني ..

كم آلمني مشهد الشاب وهو يتفوه بكلمات الحب والاعتذار لأمه المتوفاة
خصوصاً إذا توفت في حادث أليم وأمام عيني ابنها الذي يقف مكتوف اليدين
لا يستطيع عمل أي شيء لانقاذ والديه
اناشد كل شاب وشابة أن لا يتوانى في طلب رضا والديه وخاصة الأم

ولا يذنب في حقهما لانهما سبب وجودنا في الحياة فبدونهما لما كــُنـَّا

تحيـــــاتي ,,

آخوكم عزيل قلب __DEFINE_LIKE_SHARE__

~» مـآ غرنـﮱ مْــزيِـــﯛטּ ™, · 05-21-2010, 03:15 PM

روووووووووووعه × رووووووعه وربي ..

كلمآتهآ ع القلب والله ..

هيه والله اتمني توصل للكل شآب وشآبه ..

سلمتي ع الطرح القصيده .. ولآ تحرمنآ من يديدك __DEFINE_LIKE_SHARE__

عزيل قلب · 05-24-2010, 03:19 AM

مشكورة على المرور __DEFINE_LIKE_SHARE__

mamoth · 05-26-2010, 05:24 AM

يسلمووووووووووو خيوووو على القصيده الجمل من الرائع

فديتكـــ وتسلم ايدينكـــ __DEFINE_LIKE_SHARE__

♕ وليد الجسمي ♕ · 05-28-2010, 02:42 PM

صح لساانـــک

وما شاء الله ع الابدااع

ان شاء الله الى الامام دوووووم

اشكررررررررررررررفننننک ع القصيده وصح السانک الشااعر

والله يعطیک العافيه ونتظر منک زوود

كلمات فى قمة روعة

وتقبل مرورى __DEFINE_LIKE_SHARE__