كلمات ترجمت..{خصيصاً لك}....فسطر أحرفك بها - الصفحة 3

راعية الكروزر2007 · 09-10-2008, 05:17 PM

مرحب

احم احم يسعدني التواجد بهالموضوع الغاوي ^^

اول شي يا وزيرتنا حبيت اشكرج على الكلمات الرائعه واللي يمكن حسستنا

بوايد اشياء ويمكن ذكرتنا بأشياء نحن ناسينها

فمشكورة وايد يا وزيرتنا

ثاني شكر اوجهه لبنت فالمنتدى عرفتها من اول ما اشتركت فيه

اقولها مشكورة على كل شي حبيتها هالبنت وبديت اصارحها بكل شي

وهالشي اللي ما سويته ويا ربيعتي اللي وياي واللي اقابلها فيس تو فيس

اشكرها واشكر فنها على اسلوبها وعلى كلامها وعلى كل شي

حسستني انه الدنيا بعدها بخير خلتني غصب مب طيب ابوح لها بكل شي

احس اني من دونها ناقصه واذا ما صارحتها باللي فقلبي احس انه فيه شي ناقص

ما بذكر اسمها بس بروحها بتعرف عمرها ^^

ثالث شكر اشكره لاخوي الله يرحمه ولو اقول مليوم الف كلمة ما بوفيه حقه

مع انه هو اصغر مني لكن علمني وايد اشياء ومع انه ما يشتغل وبدون ليسن

لكنه ماتردد فيوم من الايام انه يرد لي طلب كان اذا يقدر يسوي كل اللي اطلبه منه

كان ما يخليني حتى احس بضيج كل ما يشوفني متضايجه لازم يضحكني ولازم

يشوف الابتسامه على ويهي وما يخوز عني الا لما اضحك

الله يرحمه ويسكنه فسيح جناته

الشكر الرابع لناس غاليين على قلبي وايد

ناس علموني وايد اشياء ناس خلوني ارد اعيد ثقتي فالناس

واعرف انه الناس مب كلهم سوى وانه فيهم الخير وفيهم الشر

ناس ما تخلوا عني وانا فامس الحاجه لهم حسسوني اني بنت مهمه فحياتهم

حسسوني بحبهم لي وباني استاهل الحب ^^ الله يخليهم لي ولا يحرمني منهم ^^

يمكن بتستغربون من الشكر الخامس

واللي اوجهه حق كل من غلط فحقي ^^

اقوله مشكور

يمكن غلطك جرحني وايد وصحت منه احيانا وتضايجت منه لدرجه اني حسيت

انه الدنيا تغيرت وايد وانه محد صار يهتم يرسم الابتسامه على ويه الغير

وكانه الناس قامت تتعمد انها تجرح اللي مجابلينها وتضايج فيهم

ووايد ناس طبعا كلمة الشكر ما توففيهم حقهم

ولو حتى اننا نقول لهم شكرا كل يوم ^^

واهمهم اهلنا الله يحفظهم ^^

ومشكورة عالموضوع الغاوي مره ثانيه

والسمحه عالقصور *_* __DEFINE_LIKE_SHARE__

ĝŘềξБ ễĺ đǻŗ · 09-10-2008, 05:20 PM

مرحبا الساع

شهـالموضوع الكشخـه

ماعليج قصور

احـآأام يلا نبدىآ بالموضوع هع

~ اول ~

لـ امي [ؤ] ابؤي

لانهـم ربوني احسـن تربيـة

ومـآقصرو ويايـه

وكل شي بغيتـه منهـم

عطونـي ايـاه

وعلـىآ كثر المشاكل الي اسويهم

يوم كنت صغير حتى ولا مره مدو ايدهـم عليـه

يرمسوني بالتفاهم ولا مرات يواجعوني

~ ثاني ~

اخواني [ؤ] كل الي يقربولي

لانهـم ماقصرو فيـه

الكبـآر الي علىآ قـد اهلي

عاملوني شرات عيالهـم

وفالاوقات الي امي وابوي

ماكانو موجودين حطوني

فـ عيونهـم ..

والـي على قدي واصغـر

يروحون ويرجعون ويايه

و وقت الـشده مايقصرون

خوان شمـآ ، ان ضاربت

يسيرون ويـااايـه وان بغيتهم

في شي بعـد مايقصرون

~ ثآلث ~

نـآس .. ههه

~ رآبـٍـًٌٍَُـع ~

ربعـي [ؤ] الناس آلي اعرفهم

انا اعـرف ناس وايـد

وكلهـم مب مقصريـن فيـه

يروحون وايون ويايه

واذا تمشكلت

كانو كله ويايه ويسوون اي شي بس

عشان اطلع وانا بعد اساعدهم هههههه

ويروحون ويرجعون وييايه

و ان شي ضرابه ولا شي بعد ويايه

عمرهـم ماسارو ضدي

وان بغيت شي من حد مول مايقصرون

~ 5 ~

اشكر كل شيؤخ آلامآرآت

لانهـم ماقصرو في الشعـب

مخلين اكثر اوقاتهـم لنا

ومايقصرون في حق اي حد

~ 6 ~

آشكـر كل الي سآعـدوني

الي اعرفهم او ماعرفهـم

بس يكفي انهم عطوني

شوي من وقتهـم

~ 7 ~

اشكـر كل الي فهالمنتدى الطيب

من المدير لين الزوار

وكلهـم ماعليهـم قصؤر

ومحروم فيـه الخير

يوم سوا هالمنتدى الطيب

وخلانا نجتمع ونتعرف على

ناس طيبين وسوالفهم ماتنمل

بس في ناس الله يهديهـم

لاكن انا مب شال فخاطري على اي حد

-------

والسموحـة منكم __DEFINE_LIKE_SHARE__

*نظره مني تسدك* · 09-10-2008, 05:22 PM

السلام عليكم ورحمة الله وبركاته

الصرااااااااااحه موضوع ف غايه الروووووووووووعهــ ،، هب غريبه عليج يالغاليه

كل يووم تثبتين لناا انج مبدعهـ بجداره

عساااج دووم تتحفينا بهالموااضيع الغاويه..^^

بداااااااايه لي أشخاص وااااااااااايدين وشخصيات صح اني ما احتكيت بهم لكني حبيتهم

صارلي نص ساعه أكتب ف ورقه عسب ما انسى حد وان نسيتهم عقب برصلج اياهم هووون...^^

شــــــــــــــكراُ

لحامي هالدوله صاحب السمو الشيخ خليفه بن زايد آل نهيان على النعمه اللي نحن عايشين بهاا بفضل الله وبفضل سموه،، وأشكره على صون العهد وحفظ الأمانه وعلى كل شي،، ويعل عمره طويل ما قصر أبد ولو بتم من هنيه لين بكـــــره بكون مقصره ف حقه..

شـــــــــــــــكراُ

لوالدي الغاليين اللي ما قصروا ف شي واللي بفضلهم أنا موجوده ب هالدنيا ،، فلهم كل الحب والموده والاحترام
وربي يحفظهم ويخليهم لي..

شـــــــــــــــكراُ

لإخواني وخواتي اللي الصراااحه ما اتخيل أعيش بلياهم والحياه صدق بتكون مملة من دونهم ،، عسى ربي يحفظهم ويخليهم ذخر لي..

شـــــــــــــــكراُ

لخوياتي سواء ايم المدرسه ولا الكليه لأنهن ما قصرن ويااية أبدن وساعدوني ف أشياء واايده... واقولهن ني آسفه لأني قطعتكن فتره ولأني مقصره صدق بحقكن..

شـــــــــــــكراُ

لصاحب هالمنتدى شيخنا محرووووم ،، انت بهالمنتدى قدرت تيمعناا ويا ناس حبيناهم من هالشاشه حتى ما نعرف أشكالهم بس من طيبة قلبهم تواصلنا وياهم ،، يعل عمرك طويل ويا محروم يعلنا ما ننحرم منك..

أشكرج الغاليه ع هالطررررررررررررح الرااااااااااائع ويستاهل التثبيت

وان شاء الله لا تذكرت حد وهم واايدين بييج هوون وبرصهم لج..^^

تحياتي لكم

نظره مني تسدك __DEFINE_LIKE_SHARE__

~~●~мя-язσôσв }~~~ · 09-10-2008, 05:24 PM

الصرأحه الموضوع أعجبنـي ..
لانه فيه نشكر الي أعز الناس في قلوبنا --
-- وانا الصرأحه أشكر الوالده .. على التربيه الصالحه .. ---
والي علمتني أشياء يمكن ما بتعلمها في يومياتي ..
الصراحه في اشياء كثيره اريد اقولها لهـا الام الحنونه . --
سهرت ليال وليال كثيره لرأحتي .. } ~
لكن الأقلام لا تعبر والاسطر لا تكفي .. أكتفي بكلمتين لها
الله يخليج لنا -- ويحفظج .. }

وبعد فيه أنسان في حياتي وحياة كل شخص في العالم --
وهو الي علمني الطريق الصحيح لا يمكن ان نضيع فيه --

-- طريق الصألح .. وهو الوالد الله يحفظه ويخليه لنا ذخر ..
لولاه كنا في طريق الضياع -- لا نعرف علينا وما علينا .. } ~
لقد صبر علينا وأعطنا لقمه عيشينا وكان يشتغل ليلا ونهارا
حتى يطعم عائلته .. وكان يجمع المال من عرق جبينه .. --
نفتخر أن نكون مثله .. -- كلما شكر لا تكفي وحدها القلب يعبر
ما مدى حبي للأب --

وكلماي شكر وحب لأخواني -- طبعا هم وجودهم ..
يكفي في حياتي أحب العب معهم وأحب المذاكره
معهم ويكفي انهم ينصحوني في بعض الأوقات --
دورهم في حياتي شي ثاني --

وكلمه شكر الى أعز أصدقائي في المنتدى وغيره ..
أشكركم على الوقف معي في لحظات العصبيه والمواقف
الصعبه في حياتي . . --

واكتفي اليوم بكلام أعبر له للاشخاص عن مدى حبي لهم ..
وتسلمين اختي على الطرح المووضوع الروعه __DEFINE_LIKE_SHARE__

غرور طفله · 09-10-2008, 06:20 PM

{~.

آلسلآم عليكم ورحمه آللهـ وبركآتهـ..

آختـي وزيره آلحب ...

عجزت كلمآتي عن وصف كلمآتك آلجميله.!!

وطريقتك في التعبير عن الكلآم بأسلوب رآقي..!!

ولآكنني لست منصدمهـ منك .. لأني تعودت على مثل ..

هذه آلموآضيع ألرآئعه من مشرفهـ مهتمه بقسمهآ ..

فلندخـل في المـوضوع .. أحب أشكرك في البدآيهـ..

على دعوتك لهذآ آلمـوضوع آلآكثر عن جميلـ ..

ولأقدم شـكري..

================================================== ====

أمي آلغآليهـ ..

أشكرك على تعبك وسهرك الليآلي من أجلي..

وأن شآءآللهـ لن يخذلك ربي وسأرد هذآ آلجميل لك ..

( آنآ ودي ترد آلآيآم لخلي دنيتج رآحه.. وأشيل من قلبج جرآحه ..

وأعوضج كل مآفيني يأ آمي يآ آغلى من عيني يآ أمي يآ آغلى من عيني..

آنآ آدري بمعآنآتج جم تأذيتي بحيآتج.. تحملتي كـل لجلي.. وكنتي أغلى مآفيني ..

يآ آمي يآ آغلى من عيني يآ آمي يآ آغلى من عيني..)

إلى آلوآلد ..

أشكرك على كل شيئ فعلته لجلي..

إلى آخوآني ويدوتـٍي ^_^..

أشكركم على معآنتكم لي..

وأشكركم كثيرآ لآنكم معي في كـٍل خطوه في حيآتي..

إلى آلآهل .. (القرآيب)

أشكركم لطيبهـٍ قلبكم معـٍي..

إلى خوآٍلي+ يدي..( آللهـٍ يرحمهٍـم)

آفتقٍـدكم ^^.. ولآكن لن آنسآكمم ألى آلآبد ..

وأشكركم لكل مآ فعلتوه لجلي ^^ ..وفي ألوقت ألذي أحتجتكم فيه لم تخذلووني..

فلن أقصر في دعآئي لكم ..

إلى صديقآٍتي..

أفقدتـٍكم .. ولآكن آنتم في قلبي..

ولن أنسى آيآم ألطفولهـ معكم .. ولن أنسآكم وأتذكر

كل لحظه وثآني ودقيقهـ عشتهآ معكم ..

إلى آعز آنسآنهـ لقلبي

لن تكفي سـطوري لوصف غلآتك في قلبي..

ولن تكفي أقلآمي لآحكي وآقول مآ آخبيه من صفآتج ..

فأنتي لي كل الوجود.. وأن شآءآللهـ نتم الى الآبدـ بنآت عمه

وربعـٍ ^^ .. وربي يحفظك...

إلى كل من في آلمنتدى .. سوآء من ألبنآت ولآ من آلشبآب..

آنـٍـكم كنـٍـتو لي أكثر من آخوآني.. فأشكركم لردودكم على موآضيعي..

وأشكركم مهما تقولونهـ عني .. وأعتذر لكم .. أعتذر ألف مره ..

إن غلطت في حق وآحد منكم .. فآلآنسآن .. لآ يعرف متى أجله ..

وأحلى شي في هذه الدنيآ آن تكون محبوب ولآ آحد مآخذ بخآطره منك ..

فأرجو آن تسآمحوني على كل شي... فأنتم آلذي أقضي معهم أكثر أوقآتي ^^ .. .

إلى شخص كآن وآقف معي.. في كل لحظه ..

أشكرك على وقفتك معي .. وعلى كلآمك وتشجيعك لي..

ولن أنسى هذآ الشي ^^ ..

الى من في قلبي..

أشكرك على كل لحظه مررت بها معي ..

ولن انساك ابدأ ...

آلدكتور آلي آروحله مآل آلتقويم ^^

أشكرك على آلتعب آلذي تذبله معي..

إلى صآحبه الموضوع ...

لآ آعرف مآذآ آقولك لك ..

فهل أقوول آنك أسعديني في هذآ آلموضوع؟؟

أم أقول آنني تأثرت زيآده عن آللزوم ..

أم أقول آنني أعتبرك أخت وصديقه عزيزه ..

فأنتي كزهره المتفحتهـ .. كيف تشرف في الصبآح بجمآل..

وأنت كذلك زهره المنتدى ونورة ..

أشكرك على هذآ آلموضوع .. آلذي يستحق فعلآ ..

آن آلشخص يكتب فيهـ كل مافي خآطره ^^ ..

فشكرآ لك .. سآمحيني ان غلطت في حقك .. ^^

يعطيج العافيه على الموضوع . ولآ تحرميني منهـٍ ^^ ..

.~} __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات أغنية لالا ماتقدرون كلمات الشاعر علي الخوار وألحان خالد ناصر	محروم	كلمات الاغاني	7	05-08-2010 04:03 PM
كلمات اغنية عن كثير الصدق بيسد من كلمات الشيخ زايد بن سلطان آل نهيان وغناء عيضة	محروم	كلمات الاغاني	10	03-01-2010 11:07 AM
خصيصاً للي ماعندهم غاز هذه الطريقه احسن لهم >> لايفوتك روعه	محروم.كوم	منتدى أخبار المواقع والمنتديات العربية والأجنبية	0	09-24-2009 05:30 PM
خصيصاً للي ماعندهم غاز هذه الطريقه احسن لهم >> لايفوتك روعه	محروم.كوم	منتدى أخبار المواقع والمنتديات العربية والأجنبية	0	09-24-2009 05:20 PM
ترجمة كاملة ترجمة مواقع ترجمة برامج ترجمة نصوص ترجمة رسائل كلها في برنامج واحد واسمه	محروم.كوم	منتدى أخبار المواقع والمنتديات العربية والأجنبية	0	06-01-2009 09:10 PM