أكتب غرآم وشوق وهجر صويحبي.. أمدح ومآلي في آلمذمة ومآلها~

راعية الكروزر2007 · 06-01-2010, 08:50 PM

اليوم: الثلاثاء 1-6-2010

احم احم اليوم غير هههه بتعرفون ليش عقب شوي

البارحه كنت راقده الساعه وحده

ونشيت عالساعه 5 اقول اووه بعده فير شو موعني

ورديت ارقد وعقب نشيت الساعه 8 وتميت اتجلب

حاطه المنبه عالساعه 8 و50 دقيقه

واتريا ال50 دقيقه تخطف ماطاعت تخطف

نشيت الساعه 8 و18 دقيقه لوول

تسبحت وخلصت وفتحت لاب اختي ادرس حق اخر امتحان لي

فالاي سي دي ال

وانا ادرس اشرب ديو واكل بطاطس ليز البرتقالي مال الجبن

احم احم هذا ريوقي ترى ونعم الريوووق

المهم فتحت اللاب وشغلت برنامج الامتحانات عسب اتدرب عالاكسس

اصعب شي فالاي سي دي ال وتدربت عليه وخلصت من وقت واستانست

امتحاني الساعه 11 وربع وانا الساعه 10 خلصت المهم طلعت من البيت

ورحت الكلية

دشيت ويلست اتريا الامتحان يبدأ

بدأ الامتحان وبدأت رعووي تحل

اول سؤالين عدن على خير

عقب اشوف اسئلة عجيبه غريبه اول مره اشوفها خخخ

والمشكله انها مش اسئله عمليه يعني سوال و4 اختيارات

لازم اختار الحل الصحيح

وبما اني انا ما اخذ الاي سي دي ال دراسه اخذه بس امتحانات

ماعرفت ونقعت تنقيع

عديت الجزء الاول وانا متاكده اني مابنجح لاني وايد اسئله ماعرفتهن

وكملت الجزء الثاني والثالث

وانا اقول يارب انجح مافيني اعيده ( اول مره ينتابني هالشعور خخخ )

وعقب طلعت النتيجه مع اني ما انصدمت منها بس انقهرت لوول

يبت 74 والنجاح من 75

بذمتكم مب قهر؟؟

مت قهر قلت يعني بدرجه وحده بس

المهم ما انقهرت وايد تميت اضحك على عمري وظهرت من الامتحان

فتحت تلفوني واتصلت حق اختي وقلت لها بقولج شي بس لا تعصبين

تراني رسبت فالامتحان اقولها وانا اضحك قلت لها والله صعب والاسئله

مش نفس اللي انتي درستيني اياهن هايلا غير اول مره اشوفهن

( لانه اختي تاخذه دراسه عسب جيه خليتها هيه تدرسني )

قالت يلا ماعليه مب مشكله

قلت لها اوكي وبندت

تميت اضحك واضحك واضحك على عمري خخخخ

شعور غريب صراحه

يعني انا فحياتي مارسبت

دشيت المدرسه وتخرجت

ودشيت الجامعه وتخرجت

وماكد رسبت فامتحان ولا فماده

والحين ايي عالاي سي دي ال ولاه اخر امتحان بعد وارسب؟؟

رديت البيت لقيت امي تسوي غدا قلت لها امي رسبت

قالت لي زين هههه تتحراني العيوز امزح لوول

ضحكت قلت لها امي تراه صدق

كان الامتحان صعب وماعرفت احله

قالت لي هيي زين

قلت لها فحياتي مارسبت اي اليوم بس على امتحان وارسب

قالت نزين مايعيدونه

قلت لها امبلا بعيده لوول

ودشيت الصاله حصلت يدوه

يوم قلت لها رسبت شوي وبتصيح

قالت مب صدق

جيه من طلعتي عني وانا اتدعالج

قلت لها يلا ماتدرين يمكن خيره *_*

وبس هذا كان يومي لوول __DEFINE_LIKE_SHARE__