|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
هذه القصيده والمجارراه من اخ عزيز وغالي واريد ان راعضها لكم.. القصيده الاولى للشاعر الكبير والعزيز على القلب/ يوسف الخليفه الكبد من فوق المليله كمدها=والعين تذرف من غطاها رشاريش والعين لشافت تزايد نكدها=تسكب على بعض النواظر غوابيش الروح تغطى لختلف معتقدها=تصير مثل اللي بغوه الدراويش الام ممدوده وثاوي جسدها=ضالو عليها ناس صيدن مهاتيش اشرف عليها مستشرن عصدها=ذكاها الامعط بالكفوف النواهيش من واحد(ن) يمناه صلفن هددها=ما يترك من الصيد غير العراميش مطروحتن يبكي عليها ولدها=يفز مرعوب(ن) سوات المرابيش يبي الخلاص وماسكه من طردها=ما يفلته ياكود عند التفتايش الدنيا صفحاتن كثيرن عددها=خله على ساسك جميله نقاريش يا سامعي بيض الليالي ومددها=ازل نكايدها بروس النواقيش كم واحدن سود الفعايل مهدها=وابعد عن حماها زمان من الطيش يالله عسى غيمه سريع(ن) نودها=تمطر علينا من غزير المراهيش تومر على كل الشعاب وبلدها=والسيل يبعد كل غث وقشاويش على العوالي تنثر اقصى بردها=في كل حاجر يصفق السيل ويطيش مع تالي الذرعان يكثر زبدها=والناس فيها ناصبين الخرابيش القيض حل وكل عشبه رمدها=فيه النصي من هبت الريح كالريش دنيا كما العقرب خطيره غددها=نروح برحاها وهي لغيرنا تعيش وهذه القصيده للشاعر/ معدي بن الشاعر ال عاطف القحطاني واعتذر عن تاخري في طرحها النفس بلشت بالعنا اللي وردها=والقلب وسطه مثل دق الشواكيش من بان في موضوعها ماحسدها=ومن لا عرف عن وضعها قال لي ليش صوره تزيد الحزن وآمرّ وآدها=تحزن ضمير اللي براسه نغاميش من عند ابوسلطان مصدر سندها=وافي وشبره في المواجيب مانيش حر(ن) اذا شاف الجزيله عمدها=يوم الردي طبعه تحايل وتطنيش ياليتها يابن امخيمر وحدها=المشكله صغيرها كيف بيعيش دنياه وش تسوى بعد مافقدها=الجوع قاسي والمعيشه على ويش؟ تعبت قوايمها وقصر جهدها=وحالوا عليها مبعدين المغابيش يشوفها والدم من فوق يدها=ماخطى سهمهم بمهات النواتيش قومم ماعاشوا في البلاد ورغدها=اكبودهم عقب المجاعه معاطيش رمايهم ماصدق انه وجدها=يقول صدنا عقب طول المطاريش فايز بذبحتها ولزمت وغدها=واصحابه الباقين حوله محابيش سيقانهم يوم المصور رصدها=اما من السودان ولا طواويش هذا عمل ناس(ن) قليل(ن) رشدها=وارزاقهم والعالم الله تناويش فيما مضى يوم الحياه وكبدها=عاشوا عليها مكرمين الهتاتيش وان صادها قناصها ماجحدها=ويتعب لدورتها على ضمّر الجيش واليوم جوها جية(ن) مابعدها=ناس(ن) قناصتهم من الكبر والطيش هذي مجاراتي تجي في وعدها=اهداء لبو سلطان والشاعر يعيش ودمتم سالمين وبخير ونشوف تعليقكم الذي يثلج الصدر
__DEFINE_LIKE_SHARE__
|
مواقع النشر (المفضلة) |
| |