حصنن تصاهل والظماير نظيفه_لماذا حذف يااداره؟؟

محروم.كوم · #1 05-14-2010, 07:00 AM

السلام عليكم ورحمة الله وبركاته

اما بعد .. الي كل من يقرأ موضوعي هذا اهلا وسهلا بكم جميعا
هذي القصيده ردا علىموضوع ونصيحه في نفس الوقت

(( الكلام الاتي مقتبس من موضوع نشر في هذا القسم))

قصيدة لشاعر الصقار عبدا لسلام الشريدة
عندما ضاع طيرة مطفوق على أحباري في حرة الأردن قال هذه القصيدة
لصديقة سلمان متوجداّ له في طيرة

بلاه ياسلمان والنوم سلطان

أرقد وأنا والنوم ساهر مع نجوم

والذئب خله بقنب الذيب سرحان

مدام حولي مذبح الطير لتلوم

مالي ومال النوم ياخوك طفشان

خلن بلا نومٍ وبسهر وباصوم

مدامني بالبرد والجوع طفحان

أبشعل التنباك يطفي بي أهموم

عجزت أنا لأكل ولا اشرب ياسلمان

أوجس بحلقي شوكةٍ تجلس أتقوم

وطيري ألي كل ماشان لي زان

كل منسيته جان فالنوم جاثوم

يلحق لا والله لا ولاهوب شيهان

مفرط ولاقفا كنه بطلق مشعوم

كنك إلى شفته على الصيد ركان

أليا ضرب زيزوم وان طار زيزوم

واليا عرض لك فالسماء فيه اثنان

مناكبٍ كنه مغزز له أسهوم

وان جيت في وكرة به الزين فتنان

وصفة يخلي راعي الصنف مهيوم

أحمر مجا هيم وصافي وعريان

والرأس من لونه أدعوجه كما وشوم

من ماكرٍ قاطع وراى جردكستان

جابوه من داره موصين له قوم

ملموم وزوره لارتكز صار نيشان

متفهق الجنحان بالهبر مردوم

أفحج حنف هجرٍ على الوكر مليان

كنك أليا شفته من الحال مشؤم

اقفابه إلى راكبه بيت شيطان

من شفت رقيه ذاب بالعين والزوم

خربٍ ملكع مرتعه بين ضلعان

قد نغزوه أقروم بطيورٍ أرخوم

ضاري أليا منه شلع غز فسقان

مترهين ماجاه تلكيش ووسوم

يرقا ويرقا والسماء صار ميدان

والطير مثله والفضاء دون أغيوم

قلت العوض والله ولاشوف فرخان

إلى حفر بالقلب فعله ومحشوم

حال الوعر بيني وبينه وحذران

يومه يخطفها وراى قارة أرجوم

ماشوف غير الريش لأطق لي بان

وأنا على دربه مع اشعاف وحزوم

جينا على حروة مكانه بسيحان

بطرف من الحرة على خد ماسوم

حرنا وضقنا والخطر حولنا كان

حنا وربعن بيننا معه اسلوم

حسنا ودسنا تلاع والقاع عنوان

يومه يمره مرهيٍ فوقه أيعوم

حل المساء والكيف قافل وعمسان

والبن ألأشقر لي غذاء طب مسوم

يعنك فرقا الطير من فرقا ألإخوان

وألي حصل مكتوب والهد مقسوم

هذي حلاه الطير ياخوي سلمان

والطير مايملك ولأقيل بيدوم

الله يجيبه باكر الصبح شبعان

يحوم في كفي قبل يدرج الحوم

واقول صح لسانه وهذا ردي عليه

يابادع القيفان مخطي وغلطان....ماجبتها عقدن من الماس منضوم

ماقول في شخصك ومنسبك نقصان..يمكنننك اطيب من ملك دولة الروم

كانك ليا غنيت الابيات طربان....جت مثل هاذي منت بالشعر ملزوم

خل القصيد وخل عذبات الالحان....صم عنه لوانك عنه ماتبى الصوم

الشعر لا ماجاك معنى وقيفان....ووزن وخيال وفتل واحساس وارسوم

ماهوب شعر ولايشوش بالاذهان....وين انت يابندر ترى الشعر مظلوم

وين البيوت اللي يهزن الابدان....مرحوم يابن سرور مرحوم مرحوم

عساك للغفران ياعالي الشان.......يالله عسا بندر من النار معصوم

اللي بيوته كلها جل واسمان.....مات وبقى ذكره وشعره الى اليوم

ياللي تبون القاف وافي ومليان.........بادلكم لآهله الى دايم الدوم

تسمعو في معجزات ابن جدلان....وعبدالله ابن عون والشعر ماسوم

وخلف وابن قضعان واخوه سلطان..وابن زويبن والحويفي هل الكوم

وابن سبيل والسديري وفجحان.........ومحمد اللعبون والقول مفهوم

ماقل دل وزبدة الهرج نيشان....ويالله عسا السامع من النار معصوم

والسلام ختام ارجو ان لااكون اخطات او ظلمت احد

ودمتم __DEFINE_LIKE_SHARE__