أنا ولد البلاد اشتغل ..... ؟!

ŁỞηёł¥.ĞỊяľ · #1 09-07-2008, 01:41 AM

السلام علـــيكم

سعيد ولد متخرج من ثانوية من سنتين ومايبي يكمل دراسته ومل من يلست البيت وفيه مرة من المرات قرر انه يشتغل ..سار يودي اوراه يمين يسار ماخلى مكان إلا وحط ماله السيرة الذاتيه ..وتم يتريا يمكن حوالي 3 شهور واهو بس يتريا حد يدق عليه ويقوله عندك مقابله وجي ومرت الثلاث شهور وسعيد فقد الامل في انه يلاقي وظيفه..وفجأة بعد انتظار طويل دقوا عليه وقالوله تعال عندك مقابله في الشركة الفلانيه ..استاااااااااانس وايد يوم سمع هالخبر ويوم المقابلة كشخ آخر كشخه وسار صوب المقابله وتريا لين ياه الموظف وقاله تفضل ..الي بيسوي وياه المقابله اسمه عصام ..

عصام : أهلين الاخ سعيد تفضل ..
سعيد : زاد فضلك مشكور ..
عصام : طيب سعيد احكيلنا عن نفسك شوي وعن مؤهلاتك الدراسيه والدورات التدريبيه الي عندك إياها
سعيد : الله يسلمك انا مواطن عمري 20 سنة مؤهلاتي الدراسيه متخرج من الثانوية قبل سنتين ودوراتي التدربيبة ICDL وأعزب وعندي ليسن ......وبس
عصام : تجيد الانجليزي قراءة وكتابه ؟
سعيد : هيه مثل ماتقول جيده
عصام : طيب هلا خليني اعملك امتحان طباعه واشوف مهاراتك في الكميبوتر واللغه .
سعيد : تفضل

راح سعيد ويا عصام وسووا الامتحان وطلع ماشي حاله يعني وبعد ساعه إلا ربع قال عصام حق سعيد ..
عصام : إن شالله خير يا سعيد واستنى لين نتصل فيك
سعيد ( واهو فاقد الامل ) : إن شالله

ومر على سعيد اسبوع ورد عصام اتصل في سعيد وقال

عصام : كيفك سعيد ممكن تيجي لعندي بكرة عشان اقولك الشغل وامتى تستلمه ؟
سعيد ( متششششششششششقق ع الاخير ) : إن شالله تامر انت
ويا باجر وسار سعيد صوب عصام

سعيد : السلام عليك
عصام : وعليك السلام ..تفضل اخ سعيد
سعيد : زاد فضلك
عصام : شوف يا اخ سعيد الشغلة الي شفنا انك بتناسب مؤهلاتك الدراسيه والتدربية هي مراسل ..وإن شالله تنبسط على الشغل وتكون موظف مثالي وهاي عقد الشغل نقول بسم الله ونوقع ؟
سعيد : شووو ؟ !! مراسل ؟ وين تبا
عصام : ليش ؟ شو الغلط ؟
سعيد : لا بويه انا مواطن ..انا ولد البلاد ما اشتغل بشكار عندكم ..تقولي مراسل ؟

(( هنا انتهى الحوار )) ... شو رايكم به ؟!

ليش انزين مايشتغل مراسل ؟ شو العيب في هالشغلة ؟

واتمنى اشوف ردودكم ..

المووضوع مب انا كاتبتنه

وحدة الله يذكرها بالخير الفت هذا الحوار بناء على شخص معيـــن... __DEFINE_LIKE_SHARE__

الـدانـة · 09-07-2008, 02:20 AM

وعليكم السلام والرحمة

تسلمين أختي على طرحج لهذا الموضوع والله يعطيج العافية

وبالنسبة للشاب سعيد أنا أقولج أنه للأسف أغلب الشباب عندنا فالبلاد تفكيرهم نفس سعيد

لأنه الشغل مب عيب ولا حرام ومهما كانت طبيعة الشغلة أو مهما كان حجمها إذا هيه تكسب الشخص مال حلال فما أعتقد أنه فيها شي لو اشتغل مراسل

والعيب مب فالشغلة نفسها العيب في شبابنا اللي ما إيعيبهم أي شي وإيدورون على الراحة وعلى الوظايف المكتبية

وبصراحة كل أنسان في هاذي الدنيا ياخذ نصيبه ولو هو كمل دراسته جان حصل وظيفة أحسن من المراسل

ووظيفة تناسب مؤهلاته وشهاداته

بس مشكلتهم الشباب أنهم ما يبون يدرسون وفي نفس الوقت يبون وظايف مرموقة

وفي نفس الوقت أختي نظرة المجتمع أتغيرت من ناحية هاذي الشغلات

وأصبحوا ينظرون لها على أنها دون المستوى وما تناسب الشاب الأماراتي

مع أنه أهلنا الأوليين كانوا يشتغلون أي شي وما يتذمرون لأنه همهم الوحيد توفير لقمة العيش حق أهلهم وعيالهم

لكن الحين المظاهر هي الغالبة على حياتنا والناس يقيمون الشخص على طبيعة شغله ومركزه وكم عنده ... الخ ..

والسموحة __DEFINE_LIKE_SHARE__

النعيمي · 09-07-2008, 04:47 AM

نحن شعب مانحب اي اجنبي يرأسنا

تبقى الخبره والشهادات + الواسطة هي الفاصل هنا

تسلمون ع الموضوع __DEFINE_LIKE_SHARE__

..عزت نفسي.. · 09-08-2008, 12:48 AM

بصرآحـه ,,

اللي يبا شغله محترمه شراآت العالم والنـآس ,,

يكمـل دراسته ,, و يحصل له شهادهـ عدلـه ,,

يعني ,, كيف !!

نـآس دارسـين ومخلصيـن جامعه ,,

ومب ملاقيـن وظيفه ,, !!

فـ كيف حـآآلـ اصحـآب { الثانويه

ما عندهم مكـآن غيـر ,,

الشرطـه + الجيش ,,

و بالتوفيق لليميع ,, و ربي يحفظكم ,, __DEFINE_LIKE_SHARE__

ŁỞηёł¥.ĞỊяľ · 09-08-2008, 02:25 AM

المشاركة الأصلية كتبت بواسطة سـلامـة

وعليكم السلام والرحمة

تسلمين أختي على طرحج لهذا الموضوع والله يعطيج العافية

وبالنسبة للشاب سعيد أنا أقولج أنه للأسف أغلب الشباب عندنا فالبلاد تفكيرهم نفس سعيد

لأنه الشغل مب عيب ولا حرام ومهما كانت طبيعة الشغلة أو مهما كان حجمها إذا هيه تكسب الشخص مال حلال فما أعتقد أنه فيها شي لو اشتغل مراسل

والعيب مب فالشغلة نفسها العيب في شبابنا اللي ما إيعيبهم أي شي وإيدورون على الراحة وعلى الوظايف المكتبية

وبصراحة كل أنسان في هاذي الدنيا ياخذ نصيبه ولو هو كمل دراسته جان حصل وظيفة أحسن من المراسل

ووظيفة تناسب مؤهلاته وشهاداته

بس مشكلتهم الشباب أنهم ما يبون يدرسون وفي نفس الوقت يبون وظايف مرموقة

وفي نفس الوقت أختي نظرة المجتمع أتغيرت من ناحية هاذي الشغلات

وأصبحوا ينظرون لها على أنها دون المستوى وما تناسب الشاب الأماراتي

مع أنه أهلنا الأوليين كانوا يشتغلون أي شي وما يتذمرون لأنه همهم الوحيد توفير لقمة العيش حق أهلهم وعيالهم

لكن الحين المظاهر هي الغالبة على حياتنا والناس يقيمون الشخص على طبيعة شغله ومركزه وكم عنده ... الخ ..

والسموحة

مشكووره ياختي ع الرد الغاوي

وكلامج صح ميه بالميه

وتسلمين ع المرووور

وربي يحفظج ويعطيج العافية __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فرمت الايبود ولا عاد اشتغل !!!	محروم.كوم	منتدى أخبار المواقع والمنتديات العربية والأجنبية	0	07-07-2010 03:10 AM
بنك البلاد و ما أدراك مشاكل بنك البلاد	محروم.كوم	منتدى أخبار المواقع والمنتديات العربية والأجنبية	0	07-31-2009 05:50 AM
استغل الفرصه	محروم.كوم	منتدى أخبار المواقع والمنتديات العربية والأجنبية	0	07-10-2009 10:40 PM
n85 معاد اشتغل أبد؟؟	محروم.كوم	منتدى أخبار المواقع والمنتديات العربية والأجنبية	0	06-26-2009 12:00 PM
هاك vebso هل اشتغل معايا انظرو الصور يأهل الحكمة هل اشتغل يامشرفين يامشرفين	محروم.كوم	منتدى أخبار المواقع والمنتديات العربية والأجنبية	0	04-10-2009 11:10 PM